1 Afalume 2:19 - Digo Bible

¹⁹ Phahi, Bathisheba wainjira kpwa mfalume Selemani kpwendabisha naye kpwa niaba ya Adonija. Mfalume waunuka kumkaribisha nine, achimzamira, halafu, achisagarira chihiche cha ufalume. Walagiza nine areherwe chihi naye achisagala uphande wa kulume wa mfalume.

1 Afalume 2:19 Referans Kwoze

Zaburi 45:9

Ana achetu a afalume ni kahi ya hinyo anaokuchinjira, naye Malikia aimire uphandeo wa kulume, akavwala mapambo ga zahabu swafi kula tsi ya Ofiri.

Zaburi 110:1

Mwenyezi Mlungu wamuamba Bwana wangu, “Sagala uphande wangu wa kulume, hadi nihende maaduigo akale chihicho cha kuikira magulu.”

1 Afalume 15:13

Piya wamfuta cheo cha umalikia wawaye yeihwa Maaka kpwa kukala watengeza chizuka cha Ashera ambacho kala ni tsukizo. Iye wachivundza-vundza na achichiocha kpwenye Dete ra Kidironi.

Alawi 19:32

“Napho u phephi na mtumia mwenye komvwi ima ili umuphe ishima; muogophe Mlunguo. Mimi, ndimi Mwenyezi Mlungu.

Alawi 19:3

Chila mmwenga wenu ni aishimu ise na nine, na kugbwira malagizo ga Siku zangu za Kuoya. Mimi, ndimi Mwenyezi Mlungu, Mlungu wenu.

Kutsama 20:12

“Ishimu sowe na mayoo, dza vira mimi Mwenyezi Mlungu, Mlunguo, nrivyokulagiza, ili maishago gakale mare na uongokerwe kpwenye tsi ambayo mimi Mwenyezi Mlungu, Mlunguo nakupha.

Mathayo 25:33

Nindaika atu a haki uphande wangu wa kulume, na hara atu ayi uphande wa kumotso.

1 Afalume 2:18

Bathisheba naye wamjibu, “Ni sawa ndabisha na mfalume kpwa niabayo.”

Mwandzo 48:12

Halafu Yusufu waausa magoni pha ise na achimgbwerera ise maguluni.