5 «Nyɩ wa dɩ a ɩ̃ bʋ̃-dɩrɩ, ɛ́ nyũ a divɛ̃ ɩ̃ na cɔbrɩ a!
Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»
Ɩ̃ yeepuule e, ɩ̃ ƴãw-nɩ-yúor i, ɩ̃ waar'ɩ a ɩ̃ zaadɛ̃ pʋɔ. Ɩ̃ 'lawrɛ nɩ a ɩ̃ mɩ́ɩ̀r súur, kárɛ nɩ a ɩ̃ va-nyùure a mɩnɛ. Ɩ̃ dɩrɛ nɩ a ɩ̃ sɩw-gamɛ kãá, ɛ́ nyúur a ɩ̃ divɛ̃ nɩ a ɩ̃ bʋ̀rʋ. Nyɩ dɩrɛ, ɩ̃ bá mɩnɛ ɛ, nyɩ nyúur, nyɩ nɔ̃w taa tɩ kuoli!
«A kʋ̃ɔ fʋ na zu nyũ a nʋmɛ na, ɛ́ a bʋ̃-dɩrɩ fʋ na sɔwlɩ dɩ a nʋ̃ɔ̀ tɔ!»
Ʋ kʋ n a ʋ dʋn, ʋ cɔbr'ɩ a ʋ divɛ̃, ʋ mɔ̃ mɩ̀ cɔbr'ɩ a ʋ bʋ̃-dɩrɩ baarɩ.
Bʋ̃ʋ n'ʋ vɛ̃, a Sore ɩ n nãà, ʋlɛ n'ʋ dɩrɛ naalʋ a nɩ-bʋʋr-yoru zu.
Sore e, a fʋ̃ʋ zũú n'a ɩ̃ na tʋ̃ɔ́ danɛ fʋ a lãw-kpɛ̃ɛ nɩbɛ pʋɔ. A nɛ́ɛ ɩ̃ na kõ kʋ̀ b a, ɩ̃ na ír a nɩ a bɛlɩ dem na ƴãwnɛ fʋ a niŋé.
