Ɛ́ ɩ̃ yere na kʋ̀rɛ fʋ, fʋ ɩ n Pɩɛr, a pɛr lɛ kɛ́ kʋsɩɛr, ɛ́ a kʋsɩɛr ŋa zu n'a ɩ̃ na ŋmãa a ɩ̃ Lãw-yir, ɛ́ a kũu kpɛnʋ bʋʋrɛ za kʋ̃ tʋ̃ɔ́ ɩ ʋ bom za ɩ.
Sob nɛ na na zɛb tʋ̃ɔ́ a, ɩ̃ na ɩ na ʋ ɩ kpul a ɩ̃ Naaŋmɩn yir pʋɔ, ʋʋ kʋ̃ yi zaa a ʋ pʋɔ towtow ɛ. Ɩ̃ na sɛb'ɩ a ɩ̃ Naaŋmɩn yúor ƴãw a ʋ zu, nɩ a ɩ̃ Naaŋmɩn tẽ-kpɛ̃ɛ yúor, a Zerizalɛm paala na yi a ɩ̃ Naaŋmɩn zie a salom zu siwr a. Ɩ̃ mɩ̀ na sɛb'ɩ a ɩ̃ yo-paala ƴãw a ʋ zu.
Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.
A Hiram tɩ bà n a kpule ayi á ŋá a Ŋmɩn-yir-kpɛ̃ɛ zawle nisɔw. Ʋ tɩ bà n a dãw-niwn sob a dʋrʋ lowr, ɛ́ bʋɔl'ʋ kɛ́ Yakin, ɛ́ bà a ayi sob a gʋba lowr, ɛ́ bʋɔl'ʋ kɛ́ Bowaazʋ.
Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.
A Salomɔ̃ mɩ̀ tɩ ƴãw na bɛ ŋmãa a “Kpule Dĩo”. A wogo tɩ ɩ n mɛtɩr lɩzɛr'ɩ anũu, a yɛ̀lʋ ɩ mɛtɩr pie nɩ anũu. A Kpule dĩo ŋa nɩ a ʋ kpule nɩ a ʋ bɛ-caar za tɩ ɩ na mɛ̃ zawle na àr a “Libã Tuw” nidaa a.
Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.
