16 Ta bɛr a fʋ kʋ̃ɔ a gbɔlɛ yire yẽw nɩ a dàa pʋɔ ɩ.
A fʋ pɔw na ɩ na mɛ̃ divɛ̃ tɩ-wɔna a, a fʋ yir pʋɔ, ɛ́ a fʋ bidɛbr na jil koli a laa a ɩ mɛ̃ olivʋ tɩ-pɔlɛ a.
Nyɛ̃, a bibiir ɩ n naalʋ a Sore mɩ́ tɩr, ɛ́ a dɔwfʋ ɩ maalʋ.
Kʋ̃ɔ-nyúur bɛ kpɛ a ʋ nɩbɛ a wɛja-kpalɛ pʋɔ ʋ na tɩ tɛr bɛ cere nɩ a ɩ. Ʋ tɩ ɩ na kʋ̃ɔ tɛ yi pìir pʋɔ a bɛ ƴãw, ʋ tɩ ɓar'ɩ a pìir, ɛ́ a kʋ̃ɔ gbɔlɛ.
A yiel-yielbɛ de nɩ niwn, a bʋ̃-ŋmɩɛrbɛ pàw a pùor, ɛ́ pɔwsɩrali be a sɔgɔ ŋmɩɛr gãgali.
Ʋ tɩ tɛr'ɩ bidɛbr lɩzɛr'ɩ pie, nɩ pɔwyaar lɩzɛr'ɩ pie. Ʋ tɩ ƴãw nɩ a ʋ pɔwyaar kul sɩrbɛ dɔwlʋ yũo pʋɔ, ɛ́ mɩ̀ ƴãw a ʋ bidɛbr kul dɔwlʋ yũo pɔwyaar. Yome ayopõi n'a ʋ tɩ ɩ a ƴɛ̀r-dɩrɛ a Ɩsɩrayɛl nɩbɛ ƴãw,
A Ɩsɩrayɛl nɩbɛ kpɩɛr'ɩ a tẽw, bom bɛ damnɛ bɛ ɩ. A Zakɔb bidɛbr sɔwl'ɩ tẽw pʋɔ, ble nɩ divɛ̃ tɩɩr na búle a, ɓɩɛlʋ na lore a be a zũú.
Bɛ tɩ ƴɛ̀r'ɩ nɔ-vla kʋ̀ a Erebeka à ŋá: «Fʋ̃ʋ, tɩ yeepuule e, lɩɛbɩ nɩbɛ tu-tu-túr mã. A fʋ bʋʋrɛ, bɛ mɩ́ zɛb de a bɛlɩ dem na hɩ̃ɛn bɛ a tẽ-bɛrɛ!»
A fʋ pɔw ɩ na mɛ̃ kʋ̃ɔ-walwal bul-nʋɔr a. Nyúur a bul-nʋɔr ŋa kʋ̃ɔ!
Ʋ́ be fʋ̃ʋ yõ tẽtẽ ƴãw, ta ɩ fʋ̃ʋ nɩ nɩ-sãanbɛ lãw ɛ.
Paal'ʋ nɩ nʋ̃ɔ̀, nyɛrɛ a nʋ̃ɔ̀ nɩ a fʋ dɛpaalʋ pɔw.
«A kʋ̃ɔ fʋ na zu nyũ a nʋmɛ na, ɛ́ a bʋ̃-dɩrɩ fʋ na sɔwlɩ dɩ a nʋ̃ɔ̀ tɔ!»
Fʋ ɩ n a ɩ̃ yõ zaadɛ̃, ɩ̃ yeepuule e, ɩ̃ ƴãw-nɩ-yúor i, a bul-nʋɔr ɩ̃ na so a, a mãa yõ bule.
Fʋ ɩ n bule a zaadɛnɩ sɔwlɩsɔw, kʋ̃ɔ-walwal na bule yire a Libã tãw zu gbɔlɛ siwr a.
