Zʋkpaɩ 4:7 - A SƐB-SÕW

⁷ A yã-bãwfʋ tib zie n'ɩ kɛ́ fʋ ƴãw fãw tɛr a yã. Tɩr a alɩ bome nɛ za fʋ na tɛr a tʋ̃ɔ́ páw a yã.

Zʋkpaɩ 4:7 Referans Kwoze

Ekilezɩasɩ 7:12

Bʋ̃ʋ n'ʋ vɛ̃, a fʋ na be a yã-bãwfʋ ɓaarʋ́ a, a ɩ na mɛ̃ libir ɓaarʋ́ n'a fʋ be a. A bɛlɩ dem na tɛr ʋ a, ʋ mɩ́ ɩ na a bɛ nyɔ-vʋʋrʋ wõwme dɔwlɩ: alɛ n'a so a ʋ bãwfʋ tɛr yel-ɩra.

Zʋkpaɩ 23:23

Zanɩ a yel-mɩŋa yelu, a tɩ́ɛrʋ tɛrʋ ɛ́ nɔnɛ a wulu na vɩɛl a nɩ a yã. Ɛ́ fʋ̃ʋ wa tɛr a yel-vɩɛlɩ á ŋá baar'a, fʋ̃ʋ taa sãwnɛ a bɛrɛ ɩ.

Zʋkpaɩ 16:16

A yã-bãwfʋ páwfʋ sa n salm-zɩɛ páwfʋ. A yã tɛrʋ sa n salm-pla tɛrʋ.

Filib 3:8

Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta.

Luka 12:20

Ɛcɛ a Naaŋmɩn tɩ yel ʋ na: “Dãbol ŋa! A dɩ̃a tɩ̃ɩsɔw tɔr za, a fʋ nyɔ-vʋʋrʋ na baar'a. À á ŋá fʋ na bɔ gbõ taa a, ãa na so a?”»

Sɛb-sõw yielu 119:104

A ɩ̃ yã yi n a fʋ tub a na fɛr kɛ́ bɛ tuur a pʋɔ, lɛ so ɩ̃ bɛ nɔ̃w bom za na ɩ ziri a ɩ.

Luka 10:42

ɛcɛ bʋ̃-been yõ n'ʋ fɛrɛ. A Marya n'ʋ kaa ír a vla zie, ɛ́ nɩr kʋ̃ faa ʋ a ʋ zie ɩ.»

Zʋkpaɩ 21:6

Bɛlɩ dem na mɩ́ ŋma a ziri kpɛ naalʋ a ɩ n nɩbɛ na wɩɛr a kũu pʋɔ a. Bɛ mɩ́ páw nɩ bome na bɛ tɛr pɛr ɛ́ bɛ cɛlɛ a.

Ekilezɩasɩ 4:8

nɩr kãw n'ɩ ŋan ɩ ʋ yõ tẽtẽ, bɛ tɛr tu-ta-tɔ ɩ, bɛ tɛr bie ɩ, bɛ tɛr yɛb ɛ, ɛ́ tone bɛ tɛr bɛ́rʋ ɛ. Ʋ mɩ́ bɔbr'a k'ʋʋ cãà páw na-bome dɔwlɩ. Ɛcɛ ʋ mɩ́ tɩɛr'ɩ ʋ pʋɔ: «Ãa ƴãw n'a ɩ̃ tone? Ãa ƴãw n'a ɩ̃ bɛr a nʋ̃ɔ̀ wob?» À á ŋá mɩ̀ ɩ n bàlʋ zawla, nɩ yel na bɛ vɩɛl a nyɔ-vʋʋrʋ pʋɔ a.

Zʋkpaɩ 4:5

Ƴãw fãw tɛr a yã-bãwfʋ nɩ a yã. Taa yiire a ɩ̃ ƴɛ̀rʋ bɛrɛ ɩ, ɛ́ taa zãánɛ nɩ a ɩ.

Zʋkpaɩ 8:23

Ʋ ɩ na ɩ̃ be a koro kãw za a yele za pɛr-tib daar, a tẽw na bɛ tɩ be sɛr a.

2 Bibie za yel-manɩ 1:10

A na ɩ à ŋá a, ɩ̃ zɛlɛ fʋ na, kʋ̀ m yã-bãwfʋ nɩ yele bãwfʋ ɩ̃ tʋ̃ɔ́ kaarɛ nɩ a nɩ-bʋʋrɛ bɛ ŋa zie. Alɛ bɛ ɩ lɛ, ãa n'ʋ na tʋ̃ɔ́ kaa a fʋ nɩ-bʋʋrɛ, a nɩ-bʋʋrɛ bɛ ŋa na sɛw à ŋá a zie?»

Zʋkpaɩ 2:4

Bɔbr a mɛ̃ a libir a, mɛ̃ na-bom na sɔwlɩ a.