Zʋkpaɩ 4:4 - A SƐB-SÕW

⁴ A ɩ̃ sãà tɩ wul mɛ̃ nɩ à ŋá: «Tɛr a ɩ̃ ƴɛ̀rʋ a fʋ socir pʋɔ vla, tuur a lɛ ɩ̃ na yere kʋ̀rɛ fʋ a, ɛ́ fʋ na vʋʋrɛ na.

Zʋkpaɩ 4:4 Referans Kwoze

Zʋkpaɩ 3:1

Ɩ̃ bie e, taa wa yiire a ɩ̃ wulu bɛrɛ ɩ, tɛr a ɩ̃ nɛ-ƴãwnɩ a fʋ socir pʋɔ.

Zã 12:50

Ɩ̃ɩ bãw na kɛ́ a ʋ wulu tɩrɛ nɩ nyɔ-vʋʋrʋ na be kʋralɛ a: bom nɛ za ɩ̃ na yere a, ɩ̃ yere na mɛ̃ a lɛ a ɩ̃ Sãà na yel kʋ̀ m a.»

Zʋkpaɩ 7:2

Fʋ̃ʋ wa bɔbr kɛ́ fʋ vʋʋrɛ a, fʋ̃ʋ maal tɛr a ɩ̃ nɛ-ƴãwnɩ nɩ a ɩ̃ wulu mɛ̃ a fʋ na-bʋ̃-tuo tuo a.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Timote 3:15

A fʋ bibile daarɩ́ za n'a fʋ bãw a Sɛb-son. A tɛr'ɩ fãw na kʋ̀ b a yã-bãwfʋ na na ɩ fʋ páw a faafʋ a Kɩrɩta Yeezu sàw-deb pʋɔ a.

Efɛɛzɩ 6:4

Nyɩɩm dɔwrbɛ ɛ, nyɩ ta gaarɛ a nyɩ bibiir bɛrɛ ɩ, nyɩ guole bɛ nɩ wulu nɩ kpaalʋ na yi a Sore zie a.

Wulu-ayi-sob 6:6

A nɛ-ƴãwnɩ ɩ̃ na kʋ̀rɛ fʋ a dɩ̃a a na be n a fʋ pʋ̃ɔmɩ.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

2 Timote 1:5

Ɩ̃ lɛb'a bãwnɩ a naaŋmɩn-sàw-deb mɩŋa fʋ na tɛr a. A fʋ mãkʋm Loyisɩ nɩ a fʋ mã Enisɩ nɛbɛ de niwn tɛr a naaŋmɩn-sàw-deb ŋa ɩ̃ na bãwnɩ fʋ mɩ̀ tɛr a.

Zʋkpaɩ 22:6

Ɩ a bibile tɛr mil-vɩɛlɩ a pɛr-tib daar. Ʋ na tɩ kor'a ɛ́ cãà tɛr a.

Sɛb-sõw yielu 119:11

Ɩ̃ maal'a tɛr a fʋ wulu a ɩ̃ socir pʋɔ, k'ɩ̃ɩ taa wa sãwnɛ fʋ ɛ.

Wulu-ayi-sob 4:9

Ɛcɛ nyɩ gùre nyɩ tʋɔra, nyɩ maal cɛlɛ be taa yiire a yele nyɩ na nyɛ̃ nɩ mimir a bɛrɛ ɩ. A yele á ŋá taa wa yire zaarɛ a nyɩ tɩɛrʋ pʋɔ a nyɩ nyɔ-vʋʋrʋ daar za ɩ. Nyɩ nɩ̃ɛ vɛ̃ kɛ́ manɛ a kʋ̀rɛ a nyɩ bibiir nɩ a nyɩ yan.

Yele-za-pɛr-tib 18:19

Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.»

Sɛb-sõw yielu 119:168

Ɩ̃ tɛr'ɩ a fʋ tub a na fɛr kɛ́ bɛ tuur a, nɩ a lɛ fʋ na yel a, a ɩ̃ sɛ́ɛ za be n a fʋ niŋé.

Zʋkpaɩ 23:26

Ɩ̃ bie e, ƴãw a fʋ tɩ́ɛrʋ a ɩ̃ ƴãw, ɛ́ tuur a lɛ ɩ̃ na ɩrɛ a nɩ nʋ̃ɔ̀.

Ƴɛ̀r-dɩrbɛ 13:12

A Manoa yel ʋ: «A na ɩ à ŋá a fʋ ƴɛ̀rʋ na tu a, tub abobe n'a a na fɛr kɛ́ tɩ tuur a dɛble ŋa ƴãw? Ŋmɩŋmɩn n'a a na fɛr kɛ́ tɩ ɩrɛ a ʋ ƴãw?»

Sɛb-sõw yielu 119:144

A lɛ fʋ na yel a ɩ n yel-mɩŋa kʋralɛ, ɩ k'ɩ̃ bãw a pɛr, ɩ̃ɩ na vʋʋrɛ na.

Zʋkpaɩ 3:2

Fʋ̃ʋ wa maal tɛr a a, fʋ na vʋʋr'a cɛlɩ, ɛ́ fʋ na tɛr'ɩ ƴã-ɓaarʋ.

Zeremi 38:20

Ɛcɛ, a Zeremi tɩ sɔw na: «Bɛ kʋ̃ de fʋ ƴãw a bɛ nuru pʋɔ ɩ. Bɛrɛ wone a lɛ ɩ̃ na yere kʋ̀rɛ fʋ a Sore yúor ƴãw a, ɛ́ a yele za na ɩ n vla, ɛ́ fʋ na cãà na vʋʋrɛ.