25 Mɩ́ càarɩ jɩ́r a nɩr, mɩ́ tori niwn jɩ́r a bom.
Ta sàw a ɩ̃ mimie jɩ́rɛ a yel-foli ɛ, ɩ k'ɩ̃ vʋʋrɛ mɛ̃ a lɛ fʋ na bɔbr a.
«A mimie n'ɩ a ƴã-gan fɩ̃tɩlɛ. A fʋ mimie wa ɩ mimi-kpɛn a, a fʋ ƴã-gan za na be n cãà pʋɔ,
Ɩ̃ tɩ yel'ɩ a ɩ̃ mimie k'aa ta mɩ́ jɩ́r pɔwsɩrale nɩ vʋla ɩ.
Fʋ nãà wa nyɛrɛ nɩ bʋ̃-bɩɩr bɩɩr, ɛ́ fʋ na bʋ̀nɛ na ƴɛ̀rɛ.
Fʋ bɛ mɩ́ nyɛ̃ ʋ baar ɛ, ʋʋ bɔr, ʋ mɩ́ ƴãw nɩ pɩgɛ ƴaw nɩ mɛ̃ a sɩla na mɩ́ ƴaw do a salom zu a.
Ta bɛr a fʋ nʋɔr ʋ ŋmarɛ ziri ɛ, ta manɛ a fʋ taabɛ yel-faar ɛ.
Mɩ́ tɩ́ɛrɩ ɛ́ bãw tĩ a bom, mɩ́ kaa ír sɛ́ɛ na bɛ tɛr bʋnʋ a.
A dãbol sob dãbolu mɩ́ ɩrɛ ʋ nɩ nʋ̃ɔ̀, ɛcɛ sob nɛ na tɛr tɩ́ɛrʋ a mɩ́ cere nɩ sɔr-dẽdẽ zu.
A nɩ-faa mɩ́ sãá na mɛ̃ bom bɛ damnɛ ʋ a. Ɛcɛ a nɩ-dẽdẽ bɛ bãw bʋnʋ a ʋ cenu pʋɔ ɩ.
