21 Taa yiire a bɛrɛ ɩ, maal tɛr a a fʋ socir pʋ̃ɔmɩ za.
Ɩ̃ bie e, a maal-ɩrɛ nɩ a yele-jielu a, a taa wa zãánɛ nɩ fʋ ɛ: tuur a.
A nɔ̃wfʋ nɩ a pùor-bɛ-lɛbrʋ, a be a fʋ zie kʋralɛ, 'lẽ a ƴãw a fʋ kɔkɔrɩ́, sɛb a ƴãw a fʋ socir pʋɔ.
Ɩ̃ bie e, sàwr a ɩ̃ ƴɛ̀rʋ, tuur a ɩ̃ nɛ-ƴãwnɩ.
Lɛ n'a ɩ̃ tɩ yel: «Mãa n'ɩ ŋan waar. Bɛ sɛb'ɩ a Wulu sɛbɛ pʋɔ a ʋlɩ bom nɛ a na fɛr k'ɩ̃ɩ ɩ a.»
Ɛcɛ nyɩ gùre nyɩ tʋɔra, nyɩ maal cɛlɛ be taa yiire a yele nyɩ na nyɛ̃ nɩ mimir a bɛrɛ ɩ. A yele á ŋá taa wa yire zaarɛ a nyɩ tɩɛrʋ pʋɔ a nyɩ nyɔ-vʋʋrʋ daar za ɩ. Nyɩ nɩ̃ɛ vɛ̃ kɛ́ manɛ a kʋ̀rɛ a nyɩ bibiir nɩ a nyɩ yan.
Ɩ̃ bie e, taa wa yiire a ɩ̃ wulu bɛrɛ ɩ, tɛr a ɩ̃ nɛ-ƴãwnɩ a fʋ socir pʋɔ.
Ƴãw a a fʋ socir pʋɔ kʋralɛ, ƴãw a a fʋ kɔkɔrɩ́ mɛ̃ pɩ̃ɛmɛ a.
'Lẽ a ƴãw a fʋ nobie ƴãw, sɛb'a ƴãw a fʋ socir pʋɔ.
A na ɩ b'ɩ nʋ̃ɔ̀ fʋ na na tɛr a tɩ́ɛrɛ a fʋ socir pʋɔ ɛ́ a be a fʋ nʋɔrɩ́ kʋralɛ a.
