Zʋkpaɩ 4:13 - A SƐB-SÕW

¹³ Tɛr a wulu bɛ na wul fʋ a kpɛ̃w kpɛ̃w za, taa zawrɛ ʋ bɛrɛ ɩ. Maal tɛr ʋ, ʋ ɩ n a fʋ nyɔ-vʋʋrʋ.

Zʋkpaɩ 4:13 Referans Kwoze

Ebre 2:1

A lɛ n'a so a fɛr kɛ́ tɩ cɛlɛ a yele tɩ na wõ a zie vla, kɛ́ tɩ taa wa bɔrɛ ɩ.

Zʋkpaɩ 3:18

A yã-bãwfʋ ɩ n nyɔ-vʋʋrʋ tɩɛ a bɛlɩ dem na nyɔw ʋ a zie, ɛ́ zu-nʋ̃ɔ̀ dem n'ɩ a bɛlɩ dem na nyɔw ʋ tɛr a.

Zʋkpaɩ 23:23

Zanɩ a yel-mɩŋa yelu, a tɩ́ɛrʋ tɛrʋ ɛ́ nɔnɛ a wulu na vɩɛl a nɩ a yã. Ɛ́ fʋ̃ʋ wa tɛr a yel-vɩɛlɩ á ŋá baar'a, fʋ̃ʋ taa sãwnɛ a bɛrɛ ɩ.

Wulu-ayi-sob 32:47

Bʋ̃ʋ n'ʋ vɛ̃, a ƴɛ̀rʋ á ŋá bɛ ɩ ƴɛ̀r-zawlɛ ɩ. A na ɩ na nyɩ vʋʋrɛ, ɛ́ kpɛ a tẽw nyɩ na na so a Zurdɛ̃ gãwn a cɛlɩ.»

1 Tesalonikɩ 5:21

Ɛcɛ, nyɩ mɩ́ jɛl bom za kaa ɛ́ kaa ír a ʋl na vɩɛl a tɛr,

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Nɩ-toni 2:42

Bɛ za tɩ ƴãw nɩ fãw tuur a nɩ-toni wulu kʋralɛ, ɛ́ lãw pone a dipɛ̃, ɛ́ lãw puore mɩ̀.

Zã 6:68

Sɩmʋ̃ Pɩɛr tɩ sɔw ʋ na yel: «Sore e, ãa zie n'a tɩ na cen? Fʋ tɛr'ɩ a nyɔ-vʋʋrʋ na be kʋralɛ a ƴɛ̀r-bie.

Yel-wula 12:11

A tɩ yɛbr zɛb'a tʋ̃ɔ́ ʋ a Pele zɩ̃ɩ ƴãw, nɩ a ƴɛ̀rʋ dãsɩɛ bɛ na dɩ a ƴãw. Bɛ bɛ tɩ nɔ̃w a bɛ nyɔ-vʋʋrʋ tɩ zɔ n a kũu dɛ̃bɩ̃ɛ ɩ.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

A Yielu za pʋɔ yiel-vla vla 3:4

Ɩ̃ tɩ zuo bɛ na bɛr wa baarɩ, ɛ́ nyɛ̃ a sob nɛ ɩ̃ na nɔnɛ a. Ɩ̃ nyɔw ʋ nɩ a nũu, ɛ́ kʋ̃ lɛb bɛr ʋ ɛ, ɛ́ gù ɩ̃ tɩ kpɛ n ʋ a yir, a di-gana ʋl pʋɔ a ɩ̃ mã na ŋmãa a ɩ̃ sɩɛ a.

Ekilezɩasɩ 7:12

Bʋ̃ʋ n'ʋ vɛ̃, a fʋ na be a yã-bãwfʋ ɓaarʋ́ a, a ɩ na mɛ̃ libir ɓaarʋ́ n'a fʋ be a. A bɛlɩ dem na tɛr ʋ a, ʋ mɩ́ ɩ na a bɛ nyɔ-vʋʋrʋ wõwme dɔwlɩ: alɛ n'a so a ʋ bãwfʋ tɛr yel-ɩra.

Zʋkpaɩ 3:22

A na sõw fʋ na fʋ tɛr nyɔ-vʋʋr-vla.

Yele-za-pɛr-tib 32:26

A sob nɛ na tɩ nyɛ̃ ʋ kʋ̃ tʋ̃ɔ́ a Zakɔb a bɛ mɔb pʋɔ a, ʋ tɩ ŋmɛ ʋ nɩ a kpɩɩlʋ ƴãw, a kpɩɩlʋ háa.

Zã 6:63

A Naaŋmɩn Vʋʋrʋ n'ʋ tɩrɛ a nyɔ-vʋʋrʋ, nɩsaal yõ kʋ̃ tʋ̃ɔ́ ɩ ɩb kãw za ɩ. A ƴɛ̀r-bie ɩ̃ na ƴɛ̀r kʋ̀ nyɩ a, a ɩ n Vʋʋrʋ nɩ nyɔ-vʋʋrʋ.

Zʋkpaɩ 6:23

Bʋ̃ʋ n'ʋ vɛ̃, a nɔ-ƴãwna ɩ na mɛ̃ fɩ̃tɩlɛ a, ɛ́ a wulu ɩ mɛ̃ cãà a. A kpãàfʋ nɩ a yelu n'a mɩ́ ɩ kɛ̀ tɩ àr a nyɔ-vʋʋrʋ sɔ́r zu.

Zʋkpaɩ 8:35

Bʋ̃ʋ n'ʋ vɛ̃, sob nɛ na nyɛ̃ m a, nyɛ̃ nɩ a nyɔ-vʋʋrʋ, ɛ́ a Sore na de nɩ a ʋ yele.

Zʋkpaɩ 10:17

Nɩr na sàwr wulu a lo n a nyɔ-vʋʋrʋ sɔ́r, ɛcɛ nɩr na zawrɛ a kpãàfʋ bɛrɛ a bɔrɛ na.