4 Lɛ n'a a Naaŋmɩn nɩ a nɩsaalbɛ na nɔnɛ fʋ, ɛ́ fʋ ɩ nɩr.
A Yeezu ʋl a, a yã-bãwfʋ, a ƴã-gan kɛrʋ nɩ a pʋ-pɩɛlʋ, à á ŋá za tɩ kɛrɛ nɩ a ʋ zie, a Naaŋmɩn niŋé nɩ a nɩsaalbɛ niŋé.
Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.
A Samɩɛl ʋl na tɩ cãà ɩ pɔlbile a, ʋ tɩ kɛrɛ na, ɛ́ ɩrɛ a pɛlɛ a Sore pʋɔ nɩ a nɩsaalbɛ pʋɔ.
A yã-bãwfʋ tib zie n'ɩ a Sore zɔba. Bɛlɩ dem za na sàwr a ʋ nɛ́ɛ a sɩrɩ na ɩ yã-bãwnbɛ. A Sore danʋ be n be kʋralɛ.
Ɛcɛ a be mɩ̀ a, a Sore tɩ be n a ʋ zie, ɛ́ wul ʋ a ʋ nɔ̃wfʋ. Ʋ tɩ ɩ na a gaso-gùrbɛ nɩ-kpɛ̃ɛ nɔ̃w a ʋ yele.
Bɛ tɩ danɛ nɩ a Naaŋmɩn, ɛ́ a nɩbɛ za nɔnɛ bɛ ɛ́ ƴãwnɛ bɛ. Bibie za, a Sore tɩ ɩrɛ na a bɛlɩ dem na nyɛ̃ a faafʋ a, bɛ kpɩɛr pʋɔrɛ a lãw pʋɔ.
Tɩ bɛ bɔbr a vla maalʋ Sore yõ zie ɩ, tɩ mɩ̀ bɔbr'ɩ a lɛ a nɩsaalbɛ zie.
Bʋ̃ʋ n'ʋ vɛ̃, sob nɛ na nyɛ̃ m a, nyɛ̃ nɩ a nyɔ-vʋʋrʋ, ɛ́ a Sore na de nɩ a ʋ yele.
A nɩ-vla yele mɩ́ pɛlɩ nɩ a Sore pʋɔ, ɛcɛ a bɛlɩ dem na mɩ́ tule a bɛ taabɛ a, ʋ mɩ́ ƴãw bɛ nɩ dɔwrʋ.
Nɩr na tɛr yã yaga a mɩ́ pɛlɩ nɩ a nɩbɛ pʋɔ. Ɛcɛ, a nɩ-mɩlbɛ bɛ tɛr tu-tɔlʋ zie ɩ.
A Sore tɩ maal'ɩ a Ana: ʋ tɩ tɛr'ɩ pʋɔ dɔw bidɛbr ata nɩ pɔwyaar ayi. A Samɩɛl ʋl na tɩ cãà ɩ pɔlbile a tɩ kɛrɛ nɩ a Sore niŋé.
