Zʋkpaɩ 3:3 - A SƐB-SÕW

³ A nɔ̃wfʋ nɩ a pùor-bɛ-lɛbrʋ, a be a fʋ zie kʋralɛ, 'lẽ a ƴãw a fʋ kɔkɔrɩ́, sɛb a ƴãw a fʋ socir pʋɔ.

Zʋkpaɩ 3:3 Referans Kwoze

2 Korɛ̃tɩ 3:3

Sɩza n'a, a sãá nɩ cãàmɩlɛ kɛ́ nyɩ ɩ n a sɛb-tʋɔla a Kɩrɩta na sɛb ɛ̀ tɩ de lʋɔrɩ tɩr a. Sɛb-dale kʋ̃ɔ bɛ n'a bɛ sɛb'ɩ ɛ, ɛcɛ a Naaŋmɩn na vʋʋrɛ a Vʋʋrʋ Sõw n'ʋ. Kʋsɛ-pamɛ zu bɛ n'a bɛ sɛb ɛ, a nɩsaalbɛ socie pʋɔ n'a.

Zʋkpaɩ 7:3

'Lẽ a ƴãw a fʋ nobie ƴãw, sɛb'a ƴãw a fʋ socir pʋɔ.

Ebre 10:16

«A Sore yere na: a Wõ-taa n'ɩ ŋa ɩ̃ na na maal'ɩ bɛ a bibie al pùorí a: ɩ̃ na sɛb'ɩ a ɩ̃ Wulu ƴãw a bɛ socie pʋɔ, ɩ̃ na wi ʋ na ƴãw a bɛ tɩɛrʋ pʋɔ.»

Zʋkpaɩ 6:21

Ƴãw a a fʋ socir pʋɔ kʋralɛ, ƴãw a a fʋ kɔkɔrɩ́ mɛ̃ pɩ̃ɛmɛ a.

Malasɩ 2:6

A yel-mɩŋa n'a bɛ tɩ wul a nɩbɛ, ɛ́ bɛ ŋmãa ziri za ɩ. Bɛ tɩ lãw nɩ mɛ̃ na vʋʋrɛ nyɔ-vʋʋrʋ na tu sɔ́r a, ɛ́ ɩ nɩ-yaga bɛr a faalʋ.

Efɛɛzɩ 5:9

Ɛ́ a cãà wɔmɛ dɩ na kɛ́ vɩɛlʋ, mɩnʋ, nɩ yel-mɩŋa.

Zʋkpaɩ 16:6

Sob nɛ na nɔnɛ ɛ́ bɛ lɛbr pùor a, bɛ mɩ́ dɩ n a ʋ sãwna suur kʋ̀ ʋ. Nɩr na zɔrɛ a Sore a mɩ́ gur'ɩ pùor kʋ̀ a yel-faa.

Zʋkpaɩ 20:28

A nɔ̃wfʋ ɩb nɩ a pùor-bɛ-lɛbrʋ mɩ́ gù n a nãà. A nɔ̃wfʋ ɩb'a na tʋ̃ɔ́ ɩ a ʋ naalʋ tɛr fãw.

Zʋkpaɩ 1:9

Bʋ̃ʋ n'ʋ vɛ̃, a na ɩ na mɛ̃ dɛpaal-kpawʋɔ a fʋ zũú a, bɩɩ mɛ̃ lɛwɛ a fʋ kɔkɔrɩ́ a.

Sɛb-sõw yielu 119:11

Ɩ̃ maal'a tɛr a fʋ wulu a ɩ̃ socir pʋɔ, k'ɩ̃ɩ taa wa sãwnɛ fʋ ɛ.

Sɛb-sõw yielu 25:10

A Sore nɛ́ɛ za ɩ n nɔ̃wfʋ nɩ yel-mɩŋa, a bɛlɩ dem na sàwr a ʋ wõ-taa nɛ́ɛ a ƴãw.

Eziptɩ tẽw yib 13:9

A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a.

Zeremi 17:1

«A Zuda nɩbɛ sãwna sɛb'a nɩ kur-nɔ-cɩlʋ bɩɩ kʋsɛ-bi-nyɩla kãw bɛ na bʋɔlɛ dɩamã a nɔ-cɩlʋ. Ʋ sɛb'ɩ a bɛ socie pʋɔ nɩ a bɛ bàwr-maal-kube ɩ́lɛ́ zu.

Wulu-ayi-sob 6:8

Fʋ na 'lẽ a na ƴãw a fʋ kpãkpãw ƴãw nɩ a fʋ gbẽé taa yiire a bɛrɛ ɩ.

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

Matie 23:23

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ kʋ̀ n a Naaŋmɩn a nyɩ bʋ̃-tɛrɩ ziir pie sob, a zɛ-va-bʋʋrɛ a mɩnɛ ƴãw, mɛ̃ a mãtɩ, a fenil nɩ a kimɛ̃ a, ɛ́ nɩ̃ɛ mɩ́ ƴãw dere a Naaŋmɩn wulu yel-bɛrɛ á ŋá ƴãw: a mɩnʋ, a su-ɓaarʋ nɩ a naaŋmɩn-sàw-deb. Ɛcɛ à á ŋá n'a a tɩ fɛrɛ kɛ́ nyɩ tuur, ɛ́ ta bɛr a al na cɛ a ɩ.

2 Samɩɛl 15:20

Daar ŋa n'a fʋ ta a ɩ̃ zie, ɩ̃ɩ na tɛr fʋ cere nɩ, mãa na bɛ bãw be ɩ̃ na cere a? Lɛb, tɛr a fʋ tẽ-bi-taabɛ lɛb cen nɩ a Zerizalɛm. A Sore, ʋ wul fʋ a ʋ su-ɓaarʋ nɩ a ʋ nɔ̃wfʋ.»

Sɛb-sõw yielu 85:10

A Sore kʋ̃ yaa kɛ́ faa a bɛlɩ dem na zɔrɛ ʋ a ɩ, ɛ́ a ʋ yúor-vɩɛlʋ-danʋ na kpɩɛr'ɩ a tɩ tẽw.

Zʋkpaɩ 14:22

A bɛlɩ dem na tɛr tɩɛr-faar a mɩ́ bɔrɛ nɩ a sɔ́r, ɛcɛ nɔ̃wfʋ nɩ pùor-bɛ-lɛbrʋ n'a a bɛlɩ dem na tɛr tɩɛr-vɩɛlɩ a mɩ́ páw.

Eziptɩ tẽw yib 34:6

Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a.