Zʋkpaɩ 3:2 - A SƐB-SÕW

² Fʋ̃ʋ wa maal tɛr a a, fʋ na vʋʋr'a cɛlɩ, ɛ́ fʋ na tɛr'ɩ ƴã-ɓaarʋ.

Zʋkpaɩ 3:2 Referans Kwoze

Zʋkpaɩ 4:10

Ɩ̃ bie e, bɛr wõ m. Sàw de a ɩ̃ ƴɛ̀rʋ, ɛ́ fʋ na vʋʋr'a cɛlɩ.

Zʋkpaɩ 9:11

Bʋ̃ʋ n'ʋ vɛ̃, a mãa Yã-bãwfʋ a, ɩ̃ na ɩ n a fʋ bibie a yãwmɛ dɔwlɩ, ɛ́ ɩ a fʋ yome nʋɔr dɔwlɩ.

Sɛb-sõw yielu 91:16

Ɩ̃ na ɩ na ʋ kpɛ a tẽw zu ka tɩ sɛw, ɩ̃ɩ na wul ʋ na k'ɩ̃ɩ ɩ n a ʋ faarɛ.»

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

Sɛb-sõw yielu 128:6

ɛ́ nyɛ̃ a fʋ bibiir mɩ̀ bibiir. A ƴã-ɓaarʋ, ʋ be a Ɩsɩrayɛl zie!

Sɛb-sõw yielu 119:165

Bɛlɩ dem na nɔnɛ a fʋ wulu a mɩ́ tɛr'ɩ ƴã-ɓaarʋ yaga, ɛ́ bom bɛ ɩrɛ bɛ ŋmɩɛr gbɛ́r ɛ.

Zʋkpaɩ 10:27

Bɛlɩ dem na zɔrɛ a Sore a na vʋʋr'a cɛlɩ, ɛ́ a nɩ-faar pʋ̃ɔ̀ kpi.

1 Timote 4:8

A ƴã-gan bɛ na mɩ́ damnɛ k'ʋʋ kpɛmɛ a, a mɩ́ tɛr'ɩ yel-ɩra yel-pʋrɩ ƴãw. Ɛcɛ a Naaŋmɩn fʋ na zɔrɛ a tɛr yel-ɩra a yele za ƴãw. A nyɔ-vʋʋrʋ a Naaŋmɩn na ƴãw a nʋɔr k'ʋʋ na tɩr a a, a ƴɛrɛŋa nyɔ-vʋʋrʋ nɩ a nɩdaar nyɔ-vʋʋrʋ, Naaŋmɩn fʋ na ƴãwnɛ a pʋɔ n'a a be.

Ʋrɔm 5:1

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú.

Sɛb-sõw yielu 21:4

Fʋ tuo nɩ maalʋ waar'ɩ a ʋ zie, fʋ vɔbl'ʋ nɩ salm-zɩɛ nãà-kpawʋɔ.

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

Ɩzayi 32:17

A ƴã-ɓaarʋ na ɩ n a mɩnʋ bom, a mɩnʋ ton na ɩ n a zie na gã zoom kʋralɛ bɛ bãw damnʋ a.

A Zɔb sɛbɛ 5:26

Fʋ na tɛr'ɩ fãw tɩ ta n a fʋ kũu daar mɛ̃ ble zuru bɛ na 'lẽ ɓã taa a bʋ̃-dieri-deb daar a.

Wulu-ayi-sob 11:21

A lɛn daar a, nyɩɩm nɩ a nyɩ bʋʋrɛ na kpɩɛr'ɩ a tẽw a Sore na pɔ yel k'ʋʋ na kʋ̀ n a nyɩ sãàkʋm-kore a, nyɩ na kpɛ ʋ na cɛlɩ lɛn daar za a salom na na be a tẽsɔw zu-sɔw a.

1 Na-mɩnɛ 3:14

Fʋ̃ʋ wa tuur a ɩ̃ sɛ́ɛ, fʋ̃ʋ wa sàwr a ɩ̃ wulu, nɩ a ɩ̃ nɛ-ƴãwnɩ mɛ̃ a fʋ sãà Daviir a, ɩ̃ na kʋ̀ b'ɩ nyɔ-vʋʋr-wogo.»

Zʋkpaɩ 16:31

A zukɔbr-pɛlɛ ɩ n dɛpaal-kpawʋɔ na vɩɛl a, a bɛlɩ dem na mɩ́ ɩrɛ vla a nɛbɛ mɩ́ páw ʋ.

Wulu-ayi-sob 5:32

A Moyiir tɩ cãà na yel a Ɩsɩrayɛl nɩbɛ à ŋá: Nyɩ ƴãw fãw ɩrɛ mɛ̃ a lɛ a Sore nyɩ Naaŋmɩn na yel kʋ̀ nyɩ a, ɛ́ taa gãwnɛ a ʋ nɔ-ƴãwna kãw za bɛrɛ ɩ.

Zʋkpaɩ 4:4

A ɩ̃ sãà tɩ wul mɛ̃ nɩ à ŋá: «Tɛr a ɩ̃ ƴɛ̀rʋ a fʋ socir pʋɔ vla, tuur a lɛ ɩ̃ na yere kʋ̀rɛ fʋ a, ɛ́ fʋ na vʋʋrɛ na.