Zʋkpaɩ 26:25 - A SƐB-SÕW

²⁵ Ʋlɛ wa ƴɛ̀rɛ a fʋ zie nɩ nɔ̃wfʋ a, taa ƴãwnɛ a fʋ tɩ́ɛrʋ a ʋ ƴãw ɛ, bʋ̃ʋ n'ʋ vɛ̃, a ʋ socir paal'ɩ tɩɛr-faar na bɛ maal'ɩ wob a tɛwr.

Zʋkpaɩ 26:25 Referans Kwoze

Zeremi 12:6

Bʋ̃ʋ n'ʋ vɛ̃, a fʋ dɔwlʋ nɩbɛ tɛɛ za, a fʋ yir dem tɛɛ za, mɩlɛ fʋ na. Bɛ bʋɔlɛ nɩ nɩbɛ ɓanɛ taa a fʋ ƴãw, ɛ́ fʋ bɛ bãwnɩ a ɩ. Gùre fʋ tʋɔra a bɛ ƴãw, bɛlɛ wa ƴɛ̀rɛ vla vla a fʋ zie a.»

Sɛb-sõw yielu 28:3

Ta sɔ́r mɛ̃ ƴãw a nɩ-faar pʋɔ nɩ a yel-fa-maalbɛ pʋɔ ɩ. Bɛ mɩ́ ƴɛ̀rɛ nɩ ƴã-ɓaarʋ ƴɛ̀rʋ a bɛ tɔ zie, ɛ́ a bɛ pʋɔ kpɛ faa.

Matie 24:23

Lɛ so, nɩr wa yel kʋ̀ nyɩ: “Nyɩ nyɛ̃ a Nɩ-kabra ka”, bɩɩ: “Ʋ be n ka lowr a”, nyɩ taa sàwr kɛ́ sɩza n'a ɩ.

Sɛb-sõw yielu 12:2

Sore e, faa wɛ! A nɩ-mɩn báarɛ na, yel-mɩŋa kãw za bɛ cãà be a nɩsaalbɛ cara pʋɔ ɩ.

Mise 7:5

Nyɩ ta mɩ́ sàw de a nyɩ nɩbɛ ƴɛ̀rʋ ɛ, nyɩ ta mɩ́ ƴãw a nyɩ tɩɛrʋ a nyɩ bárɩ ƴãw ɛ. Nyɩ gù vla taa háarɛ nʋɔr ɛ, a nyɩ mɩŋa pɔw zie saa n'a a.

Zʋkpaɩ 23:7

Bʋ̃ʋ n'ʋ vɛ̃, ʋ bɛ mɩ́ ɩ a nɩr ʋl ʋ na sãá a ɩ. Ʋ mɩ́ yel fʋ na: «Dɩrɛ ɛ́ nyúur», ɛcɛ a ʋ pʋɔ bɛ de b ɛ.

Zʋkpaɩ 26:23

Nɔ̃wfʋ ƴɛ̀rʋ na ƴɛ̀r'ɩ tɩɛr-faar a ŋmɛ̃ na mɛ̃ salm-pla bɛ na bɛ ír a dɛwr bɛr sɛr, ɛ́ de a nyɩl pàw yawra lale a.

1 Samɩɛl 18:17

A Sawul tɩ yel'ɩ a Daviir à ŋá: «A ɩ̃ pɔwya-dãw Meravʋ n'ɩ ŋan, ʋlɛ n'ʋ ɩ̃ na kʋ̀ b fʋ kul. Ɛcɛ ƴãw fãw tʋlɛ a ɩ̃ tome ƴãw, ɛ́ zɛbr a Sore zɛbr.» A Sawul tɩ tɩɛrɛ nɩ ʋ pʋɔ à ŋá: «Mãa mɩŋa bɛ íre nũu tʋɔr'ɩ ʋ ɛ, Filisɩtɛ̃ mɩnɛ nɛbɛ na bãw ʋ yele.»

Neemi 6:2

Lɛ n'a a Sanbalatɩ nɩ a Gɛsɛm tɩ tõ nɩr k'ʋʋ wa bʋɔlɩ mɛ̃, mãa nɩ bɛl nyɛ̃-taa ƴãw, Kefiirim tẽw, a Ono bà-fʋɔla pʋɔ. Bɛ tɩ bɔbr'a kɛ́ bɛ maalɩ mɛ̃ faa.