Zʋkpaɩ 24:7 - A SƐB-SÕW

⁷ A yã-bãwfʋ bɛ tɛr a dãbol sob tab ɛ. Alɛ n'a so ʋ bɛ tɛr sɔ́r k'ʋʋ háa nʋɔr a tẽw yele jɛlʋ pʋɔ ɩ.

Zʋkpaɩ 24:7 Referans Kwoze

Zʋkpaɩ 14:6

Nɩr a tobr na bɛ ka bom za ƴãw a na tʋ̃ɔ́ na bɔbr a yã-bãwfʋ: ʋ bɛ nyɛrɛ ʋ ɛ. Ɛcɛ nɩr na tɛr a yã a mɩ́ páw nɩ a bãwfʋ fɔ̃wlɛ.

Sɛb-sõw yielu 10:5

A ʋ yele za mɩ́ maal'ɩ vla kʋralɛ. A Naaŋmɩn na mɩ́ dɩ a ƴɛ̀rʋ bin lɛ a, a do na zuo, bɛ tʋɔr a nɩ-faa ŋa ɩ. Ʋ mɩ́ pɛbl'ɩ a ʋ dɔ̃ dem za bɛr.

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

Amɔsɩ 5:15

Nyɩ hɩ̃ɛn a faa, nyɩ nɔnɛ a vla, nyɩ ɩ a yel-na-tu-sɔr-a lɛb be a ƴɛ̀rʋ-dɩb zie, a mɩnɛ kãw, a Sore, a Naaŋmɩn kpɛnʋ-za-sob, nãà zɔ n a Zuzɛb bʋʋrɛ bɛl na cɛ a nɩbaalʋ.

Amɔsɩ 5:12

Bʋ̃ʋ n'ʋ vɛ̃, ɩ̃ bãw nɩ a lɛ a nyɩ ɩ-fa-yaga yaga nɩ a lɛ a nyɩ yel-bebe na kpɛ faa sɛw a. Nyɩ dɔwrɛ nɩ a nɩ-mɩn, ɛ́ mɩ́ bɛr bɛ bɛlɩ nyɔw nyɩ nɩ libie. Nyɩ bɛ mɩ́ sàw bɛ na dɩ a ƴɛ̀rʋ kʋ̀ a nã́w sob a ƴɛ̀rʋ-dɩb zie ɩ.»

Amɔsɩ 5:10

A sob nɛ na mɩ́ yere kʋ̀rɛ nyɩ a ƴɛ̀rʋ-dɩb zie kɛ́ nyɩ tu a lɛ-na-tu-sɔr-a, nyɩ mɩ́ hɩ̃ɛn nɩ a ʋ sob. Ɛ́ a sob ʋl na mɩ́ dɩ a yel-mɩŋa dãsɩɛ a, nyɩ bɛ mɩ́ nɔ̃w ʋ paalɩ nũsalɛ̃pʋɔ ɩ.

Ɩzayi 29:21

a bɛl na mɩ́ yel kɛ́ nɩr sãw na, ɛ́ a ɩ ziri a, na mɩ́ ƴãwnɛ bɛrɩ a ƴɛ̀r-dɩrbɛ a, na mɩ́ ɩ bɛ ƴãw dɔwrʋ nɩr na bɛ sãw a.

Zʋkpaɩ 22:22

Ta faa a bãbàal bome ɩ, bãbàal'ʋ. Nɩr na bɛ tɛr sõwne a, ta ƴɛ̀r dĩ nɩ ʋ a ƴɛ̀rʋ-dɩb zie ɩ.

Zʋkpaɩ 17:24

Nɩr na tɛr yã a mɩ́ bɔbr'ɩ a yã-bãwfʋ na pɩɛlɩ ʋ a. Ɛcɛ gẽgemi sob mɩ́ jɩ́rɛ nɩ bome nɩr na kʋ̃ tʋ̃ɔ́ páw a.

Zʋkpaɩ 15:24

Nɩr na bãw yã a mɩ́ tuur'ɩ a sɔ́r ʋl na dúor a nyɔ-vʋʋrʋ zie a. Ʋ mɩ́ dɛ n a ʋl na siwr a kũu zie a.

A Zɔb sɛbɛ 31:21

Mãa wa vɛlɩ nũu cɔw bi-kpieb ɩ̃ na bãw kɛ́ bɛ na kpɛ m'ɩ a ƴɛ̀rʋ zie a,

A Zɔb sɛbɛ 5:4

«A ʋ bibiir, bɛ taa nyɛrɛ sõwfʋ kãw za ɩ, bɛ dɩ n bɛ ƴɛ̀rʋ, ƴãw bɛ kũu-dɔwrʋ ɛ́ nɩr taa ƴɛ̀rɛ sɔwr ɛ!

Sɛb-sõw yielu 127:5

Zu-nʋ̃ɔ̀ sob'ɩ a nɩr ʋl na paalɩ a ʋ lɔw nɩ a pime á ŋá taabɛ a. Ʋlɛ wa tɛr ƴɛ̀rʋ nɩ a ʋ dɔ̃ dem a tẽw dɩ̃dɔrɩ́ a, ʋ kʋ̃ nyɛ̃ vĩ ɛ.

Zʋkpaɩ 17:7

Ƴɛ̀r-vla bɛ maal'ɩ k'ʋʋ yi dãbol nʋɔrɩ́ ɛ, bɛ nãà yere ziri na na yi nɩ-kpɛ̃ɛ nʋɔrɩ́ a.

Zʋkpaɩ 17:16

A libie yel-ɩra n'ɩ bo a dãbol sob nũú? K'ʋʋ tʋ̃ɔ́ páw nɩ yã-bãwfʋ bɩɩ? Ʋ gem'a zuo a al ƴãw!

Ɩzayi 32:6

Bʋ̃ʋ n'ʋ vɛ̃, a gẽgemi sob mɩ́ ƴɛ̀rɛ nɩ ƴɛ̀rʋ na bɛ tɛr pɛr a. Ʋ mɩ́ tɩ́ɛrɛ nɩ a faa ʋ na na maalɩ a, ʋ mɩ́ ɩrɛ nɩ nɩ-fa-ɩb ɛ́ tʋʋr a Sore zʋmɛ. Ʋ bɛ kʋ̀rɛ bʋ̃-dɩra a kɔ̃ sob ɛ, ʋ bɛ kʋ̀rɛ kʋ̃ɔ a kʋ̃ɔ-nyúur sob ɛ.

Zʋkpaɩ 28:5

A nɩ-faar bɛ mɩ́ bãw a lɛ-na-tu-sɔr-a pɛr ɛ, ɛcɛ a bɛlɩ dem na mɩ́ bɔbr a Sore a mɩ́ bãw nɩ bom za pɛr.

Zʋkpaɩ 31:23

A ʋ sɩr ɩ n nɩ-yúor bɛ na ƴãwnɛ a. Ʋ mɩ́ pʋɔ nɩ a tẽ-kpɛ̃ɛ nɩ-kore lãw pʋɔ.