Zʋkpaɩ 21:21 - A SƐB-SÕW

²¹ Nɩr na tu a nɔ̃wfʋ ɩb nɩ a pùor-bɛ-lɛbrʋ pùor a na páw nɩ nyɔ-vʋʋr-wogo, mɩnʋ nɩ ƴãwfʋ.

Zʋkpaɩ 21:21 Referans Kwoze

Matie 5:6

Zu-nʋ̃ɔ̀ dem'ɩ a bɛlɩ dem yel-mɩŋa kɔ̃ nɩ kʋ̃ɔ-nyúur na kpɩɛr a, bɛ na tɩw na.

1 Korɛ̃tɩ 15:58

A na ɩ lɛ a, ɩ̃ yɛb-nɔnɩ i, nyɩ ƴãw fãw kpɛmɛ, ɛ́ taa bãwnɛ damnʋ ɛ. Nyɩ kɛrɛ kʋralɛ a Sore tome pʋɔ, ɛ́ bãwnɩ a kɛ́ nyɩ bɛ hanɛ lãwnɛ nɩ a Sore zawla ɩ.

Zʋkpaɩ 22:4

A nɩr na siwre ʋ tʋɔra a mɩ́ tɛr'ɩ a Sore zɔba. Ʋ mɩ́ kpɛ n naalʋ, tɛr yúor ɛ́ vʋʋrɩ cɛlɩ.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

Zʋkpaɩ 15:9

A Sore bɛ nɔnɛ a nɩ-faar ɩb towtow ɛ, ɛcɛ ʋ nɔnɛ nɩ a sob nɛ na tuur a mɩnʋ a.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Ɩzayi 51:1

A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

Ʋrɔm 14:19

A na ɩ à ŋá a, nyɩ ɩ tɩ bɔbr a yele al na waar'ɩ a ƴã-ɓaarʋ a, nɩ a al na mɩ́ ɩ tɩ lãw kɛrɛ a sàw-deb pʋɔ a.

1 Tesalonikɩ 5:21

Ɛcɛ, nyɩ mɩ́ jɛl bom za kaa ɛ́ kaa ír a ʋl na vɩɛl a tɛr,

Filib 3:12

Ɩ̃ bɛ ta a tab zie sɛr ɛ, ɛ́ mɩ̀ bɛ lɛb vɩɛl baarɩ sɛr ɛ, ɛcɛ, ɩ̃ cãà na ƴãw fãw zɔrɛ k'ɩ̃ɩ tɩ páw a ɩ̃ zɔba bom nyɔw, bʋ̃ʋ n'ʋ vɛ̃, a Yeezu Kɩrɩta tɔr za n'ʋ nyɔw a mãa mɩŋa.

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Zʋkpaɩ 3:22

A na sõw fʋ na fʋ tɛr nyɔ-vʋʋr-vla.

Sɛb-sõw yielu 112:4

Cãà mɩ́ pur'ɩ a lige pʋɔ a soci-vla sob ƴãw. Nɩ-mɩŋa nɩ nɩ-vla n'ʋ, su-ɓaarʋ sob'ʋ.

Zʋkpaɩ 10:16

A nɩ-mɩŋa sã-ya mɩ́ ɩ na ʋ vʋʋrɛ, ɛ́ a nɩ-faa naalʋ ƴãwnɛ ʋ yel-bier pʋɔ.

Zʋkpaɩ 11:19

A mɩnʋ wɩɛr'ɩ nɩ a nyɔ-vʋʋrʋ pʋɔ, ɛcɛ a sob nɛ na diwr tuur a faa a wɩɛr'ɩ a kũu zie.