Zʋkpaɩ 21:1 - A SƐB-SÕW

¹ A nãà socir ɩ na mɛ̃ kʋ̃ɔ na zɔrɛ a Sore nuru pʋɔ a. A Sore mɩ́ ɩ na ʋ cere be ʋ na bɔbr'a.

Zʋkpaɩ 21:1 Referans Kwoze

Zʋkpaɩ 16:9

A nɩsaal mɩ́ tɩɛr'ɩ a lɛ ʋ na na ɩ a, ɛcɛ a Sore n'ʋ mɩ́ so à maalɩ.

Zʋkpaɩ 20:24

A Sore n'ʋ kaarɛ a nɩsaal cenu. Ŋmɩŋmɩn n'a a nɩsaal na tʋ̃ɔ́ bãw a be ʋ na cere a?

Ɛsɩdɩrasɩ 6:22

Al pùorí, bɛ tɩ maal'ɩ a dipɛ̃ na bɛ ƴãw dãbɩl a cuw nɩ nʋ̃ɔ̀ bibie ayopõi. A Sore tɩ ɩ na nʋ̃ɔ̀ kpɛ bɛ yaga za, ʋ na tɩ lɩɛbɩ a Asiiri tẽw nãà socir a bɛ vla ƴãw a. A tɩ ɩ na bɛ ƴãw fãw lɛb nyɔw a tome a Ɩsɩrayɛl Naaŋmɩn yir lɛb-mɛb ƴãw.

Nɩ-toni 7:10

Ʋ tɩ faa ʋ nɩ a ʋ kpɩɛrʋ za pʋɔ, ɛ́ kʋ̀ ʋ maalʋ nɩ yã-bãwfʋ a Eziptɩ nãà Faarawɔ̃ niŋé, ʋ de ʋ ʋ kaarɛ a Eziptɩ tẽw zie, lãwnɩ a nãà yir bome zie.

Zʋkpaɩ 16:1

A nɩsaal mɩ́ tɩɛr'ɩ a yele bin, ɛcɛ a Sore mɩ́ so a bãwfʋ.

Sɛb-sõw yielu 106:46

Ʋ tɩ ɩ na a bɛlɩ dem za na tɛr bɛ a gbãgbaalʋ pʋɔ a, bɛ zɔ bɛ nɩbaalʋ.

Ɩzayi 43:19

Bʋ̃ʋ n'ʋ vɛ̃, ɩ̃ na maal'ɩ yel-paala, ʋ tĩ na sãánɛ. Nyɩ bɛ nyɛ̃ ʋ bãw ɛ? Yel-mɩŋa, ɩ̃ na puo nɩ sɔ́r a wɛja-kpalɛ pʋɔ, ɩ̃ na ɩ na mamɛ zɔrɛ a zi-kõw ŋa pʋɔ.

Sɛb-sõw yielu 105:25

Ʋ tɩ ɩ na a Eziptɩ tẽw dem tɩɛrʋ lɩɛbɩ, bɛ hɩ̃ɛn a ʋ nɩ-bʋʋrɛ, ɛ́ ɩrɛ libelibe-ɩb a ʋ tõ-tõ-biir zie.

Neemi 2:4

A nãà tɩ sowri mɛ̃ na: «Bʋ̃ʋ n'ʋ fʋ bɔbr a ɩ̃ zie?» Daadaalɛ, ɩ̃ tɩ puor'ɩ a Naaŋmɩn na be a salom zu a,

Neemi 1:11

Sore e, ɩ̃ zɛlɛ fʋ nɩ yãayãa, cɛlɛ be, bɛr wõ a ɩ̃ puoru, mɩ̀ bɛr wõ a fʋ tõ-tõ-biir na nɔnɛ a fʋ ƴãwfʋ a puoru. Ɩ a yele tu vla a ɩ̃ zie, ɛ́ sàw a nãà pʋɔ pɛlɩ a ɩ̃ ƴãw.» Ɩ̃ tɩ ɩ n a nãà dã-pʋrɛ a lɛn daar.

Sɛb-sõw yielu 74:15

Fʋ̃ʋ n'ʋ yuo a bul-nɛ́ɛ, ɛ́ ɩ a bàrʋ zɔrɛ kʋ̃ɔ, fʋ̃ʋ n'ʋ ɩ mamɛ na bɛ sɩrɛ a, a sɩr.

Ɩzayi 44:27

Ɩ̃ yere nɩ a kʋ̃ɔ-kpɛ̃ɛ na zulme a: “Ko gã, ɩ̃ na ɩ n a fʋ mamɛ a sɩr”.

Sɛb-sõw yielu 93:4

Ɛcɛ fʋ tɛr'ɩ kpɛnʋ zuo a kʋ̃ɔ na bɛ dɩ vuo a gɔmɛ, zuo a kʋ̃ɔ-kpɛ̃ɛ kʋ̃ɔ-mie! Sore e, fʋ tɛr'ɩ kpɛnʋ a saa-zu.

Yel-wula 16:12

A malkɩ ayʋɔb sob tɩ cir'ɩ a ʋ dem ƴãw a Efaratɩ man-kpɛ̃ɛ pʋɔ. A kʋ̃ɔ tɩ sɩr a, puo sɔ́r kʋ̀ a na-mɩnɛ na tɩ yi a saa-pɛrɩ́ waar a.

Yel-wula 16:4

A malkɩ ata sob tɩ cir'ɩ a ʋ dem ƴãw a mamɛ pʋɔ nɩ a kʋ̃ɔnɩ bul-nɛ́ɛ ƴãw a lɩɛbɩ zɩ̃ɩ.

Sɛb-sõw yielu 114:5

Kʋ̃ɔ-kpɛ̃ɛ ɛ, bʋ̃ʋ n'ʋ so fʋ zɔrɛ, ɛ́ fʋ̃ʋ, Zurdɛ̃, fʋ tɩ̃wnɛ pùor?

Sɛb-sõw yielu 114:3

A kʋ̃ɔ-kpɛ̃ɛ tɩ nyɛ̃ na zɔ, ɛ́ a Zurdɛ̃ man kʋ̃ɔ tɩ̃wnɩ pùor.

Zeremi 39:12

«Cen tɩ tɛr ʋ, kaarɛ a ʋ zie, nɩr za taa wa ɩrɛ ʋ faa ɩ, ɛ́ mɩ́ kʋ̀ ʋ a alɩ bome nɛ ʋ na na zɛlɩ a.»

Eziptɩ tẽw yib 7:3

Ɛcɛ ɩ̃ na ɩ na a Faarawɔ̃ kpãa tobr. Ɩ̃ na maal'ɩ yel-yaga na ɩ bãwfʋ ɛ́ ɩ nɔ-ɓãa-yele a, a ʋ tẽw pʋɔ,

2 Na-mɩnɛ 19:33

A sɔ́r ʋl ʋ na de wa a ka a, ʋlɛ n'ʋ ʋ na lɛb de kul, ʋ bɛ kpɩɛr a tẽ-kpɛ̃ɛ ŋa pʋɔ ɩ. A mãa Sore, mãa n'ʋ yere.

Ɛsɩdɩrasɩ 1:1

A Pɛrsɩ tẽw nãà, Siirisɩ, naalʋ-dɩb yũon-dãw-niwn sob, a Sore tɩ yel'a k'ʋʋ na ɩ na a ƴɛ̀rʋ ʋ na tɩ ƴãw a ʋ ƴɛ̀r-manɛ Zeremi ƴɛ̀r a, a tu a tub. Ʋ tɩ ƴãw nɩ a tɩɛrʋ ŋa a Siirisɩ, k'ʋʋ ƴãw bɛ hieri yel, ɛ́ sɛb sɛbɛ yel a ʋ naalʋ-tẽw za pʋɔ à ŋá:

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Neemi 2:8

Bɛ mɩ̀ kʋ̀ m sɛb-tʋɔla ɩ̃ tɩ kʋ̀ a Asafʋ na kaarɛ a nãà tuwr zie a, ʋ tʋ̃ɔ́ kʋ̀ m dàar, a zɛbr-yir-kpɛ̃w na pɩɛlɩ a Ŋmɩn-yir-kpɛ̃ɛ a pamɛ ƴãw, a tẽ-kpɛ̃ɛ dacine ƴãw nɩ a yir ɩ̃ na na kpɩɛr a ƴãw.» A nãà tɩ sàw na kʋ̀ m a sɛb-tʋɔlɩ á ŋá, a ɩ̃ Naaŋmɩn na tɩ gù m a ƴãw.