Zʋkpaɩ 20:6 - A SƐB-SÕW

⁶ Nɩ-yaga mɩ́ yere na bɛ na ɩ nɩ-vɩɛlɩ a. Ɛcɛ nɩr fʋ na bɛ bʋ́nɛ nɩ a, ãa n'ʋ na tʋ̃ɔ́ nyɛ̃ ʋ?

Zʋkpaɩ 20:6 Referans Kwoze

Sɛb-sõw yielu 12:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.

Matie 6:2

A na ɩ à ŋá a, fʋ̃ʋ wa kʋ̀rɛ bom nɩ-kɔmɛ a, ta ɩrɛ gɔmɛ a nɩbɛ niŋé mɛ̃ a lɛ a nɩsaal-libelibe na mɩ́ ɩrɛ a puoru-diru pʋɔ nɩ a sɛ́ɛ pʋɔ, k'aa nɩbɛ tʋ̃ɔ́ danɛ bɛ a ɩ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Luka 18:8

Mãa n'ʋ yere kʋ̀rɛ nyɩ: ʋ na wul'ɩ a bɛ yel-mɩŋa fɔ̃wlɛ. Ɛcɛ a Nɩsaal Bie wa wa a, ʋ na nɩ̃ɛ na nyɛ̃ a naaŋmɩn-sàw-deb a tẽw zu u?»

Luka 22:33

A Pɩɛr tɩ yel ʋ na: «Sore e, ɩ̃ gù n a gaso cenu nɩ a kũu, mãa nɩ a fʋ̃ʋ.»

Luka 18:11

A Faarizɩ̃ɛ tɩ àr'ɩ saaƴẽwn, ɛ́ puore à ŋá a ʋ socir pʋɔ: “Naaŋmɩn i, ɩ̃ puore fʋ nɩ yãanɩ, ɩ̃ na bɛ ŋmɛ̃ mɛ̃ a nɩbɛ za a ƴãw, na ɩ nyãnyuwr, yel-fa-maalbɛ, nɩ pɩ̃ɔ-yel-bier-maalbɛ a. Ɩ̃ mɩ̀ cãà na puore fʋ yãanɩ, ɩ̃ na bɛ ŋmɛ̃ mɛ̃ a zuru-yar-diere ŋa a.

Zʋkpaɩ 27:2

Bɛr sãan danɛ fʋ. Bɛr sãan ʋ danɩ fʋ, a ta ɩ a fʋ̃ʋ mɩŋa ɩ!

Zʋkpaɩ 25:14

Zũzuge nɩ sɛsɛb na bɛ waar'ɩ saa a, lɛ n'a a nɩr na pɔrɛ k'ʋʋ na kʋ̀ n nɩr bom ɛ́ kʋ̃ tɩr a ŋmɛ̃.

Zeremi 5:1

Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

2 Korɛ̃tɩ 12:11

Mãa n'ɩ ŋan ƴɛ̀rɛ yãya-ƴɛ̀rʋ, ɛcɛ nyɩmɛ nɛbɛ fɛr mɛ̃ ƴãw. Nyɩmɛ nɛbɛ a tɩ sɛw kɛ́ nyɩ manɛ a ɩ̃ ɩ-vɩɛlɩ. Bʋ̃ʋ n'ʋ vɛ̃, ɩ̃ na saa bɛ ɩ nɩr a, a nɩ-ton-gãdaar bɛ ŋa kãw za bɛ zuo mɛ̃ bom kãw za ƴãw ɛ.

Zã 1:47

A Yeezu tɩ jɩ́r'ɩ a Natanayɛl na waar a ʋ zie a, ɛ́ yel a ʋ ƴãw: «Ɩsɩrayɛl bie tɔr za n'ɩ à ŋà, ʋ bɛ bãw ziri ɛ.»

Luka 18:28

A lɛ n'a a Pɩɛr tɩ yel: «Nyɛ̃, tɩ bɛr'ɩ a tɩ bʋ̃-tɛrɩ za ɛ́ wa tuur fʋ.»

Mise 7:2

Nɩbɛ na tu a Naaŋmɩn a, bɛ cãà a tẽw pʋɔ ɩ, nɩ-mɩŋa bɛ cãà be ɩ. Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.

Ekilezɩasɩ 7:28

Ɩ̃ bɔ na a tɩ cɛlɩ ɩ̃ɩ bɛ nyɛ̃ bom ɛ. Nyɛ̃: ɩ̃ nyɛ̃ nɩ dɛb been na ɩ dɛb a, dɛbr túr (1 000) pʋɔ. Ɛcɛ a pɔwbɛ za pʋɔ a, ɩ̃ bɛ nyɛ̃ pɔw been kãw za ɩ.

Zʋkpaɩ 20:5

A nɩsaal tɩ́ɛrʋ mɩ́ sɔwl'a mɛ̃ kʋ̃ɔ na be tẽsɔw pɛrɩ́ a. Nɩr na tɛr yã a n'ʋ na páw a 'wɔ̃w.

Sɛb-sõw yielu 12:2

Sore e, faa wɛ! A nɩ-mɩn báarɛ na, yel-mɩŋa kãw za bɛ cãà be a nɩsaalbɛ cara pʋɔ ɩ.

Mise 7:1

'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.