Zʋkpaɩ 20:1 - A SƐB-SÕW

¹ A divɛ̃ mɩ́ ƴãw na fʋ ɩrɛ nɩbɛ laar, ɛ́ dã-kpɛn ƴãw fʋ pàwr gɔmɛ. Nɩr wa de ʋ mɩŋa bɛr a kuole ʋ a kʋ̃ tʋ̃ɔ́ ɩ yã-bãwnɛ ɩ.

Zʋkpaɩ 20:1 Referans Kwoze

A naaŋmɩn-ƴèr-manɛ Oze sɛbɛ 4:11

A divɛ̃ tɩɩr wɔmɛ na na maalɩ vla a tɩɛrʋ ɩ na a ɩ̃ nɩ-bʋʋrɛ bɛ bãw yã ɩ.

Efɛɛzɩ 5:18

Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ.

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Zʋkpaɩ 31:4

Lemuwɛl i, a divɛ̃ bɛ vɩɛl a na-mɩnɛ zie ɩ, bɛlɛ bɛ nɛbɛ sɛw kɛ́ bɛ mɩ́ nyũ a ɩ, ɛ́ a dã-kpɛn bɛ vɩɛl a nɩ-bɛrɛ zie ɩ.

1 Korɛ̃tɩ 6:10

a nyãnyuwr, a bɛl na mɩ́ nyɛ̃ a bɛ tɔ bom a mimir zaalɛ a, a dã-kuolbɛ, a gɛgɛrɩ, lãwnɩ a bɛl na farɛ a bɛ taabɛ bome a, bɛ kʋ̃ kpɛ a Naaŋmɩn Naalʋ pʋɔ ɩ.

Galasi 5:21

nyɛ̃ a fʋ tɔ bom bɔbr, dãa kuolu, dɩ tɩ gãw nɩ taa, nɩ a yele á ŋá taabɛ. Nyɩ páw bãwnɩ a, mɛ̃ a lɛ ɩ̃ na tɩ dãw yel kʋ̀ nyɩ a, a bɛlɩ dem na tɛr a ɩ-ɩrɩ á ŋá taabɛ a kʋ̃ nyɛ̃ zie a Naaŋmɩn Naalʋ pʋɔ ɩ.

2 Samɩɛl 11:13

A Daviir tɩ bʋɔl'ʋ na k'ʋʋ wa bɛ lãw dɩ ɛ́ nyũ. A Daviir tɩ ƴãw na ʋ nyũ tɩ kuoli. Ɛcɛ a zaanʋɔra a, a Uuri tɩ cãà na cen tɩ páw a nãà sojarɩ bɛ gã a nãà yir dɩ̃dɔr nʋɔr, ʋ bɛ tɩ kul a ʋ yir ɛ.

Ɩzayi 56:12

Bɛ yere na: «Nyɩ wa, tɩ na wa n nɩ divɛ̃. Tɩ na nyũ n dã-kpɛn. A bio bibir na ŋmɛ̃ na mɛ̃ a dɩ̃a a: a divɛ̃ na gúu a yãwmɛ na.»

Ɩzayi 5:22

Baw-bio páw nɩ a bɛlɩ dem na ɩ dã-nyũ-karɩ, ɛ́ kpɛmɛ yaga mɩ́ nyàw a dã-kpɛn taa a!

A naaŋmɩn-ƴèr-manɛ Oze sɛbɛ 7:5

A bɛ nãà cuw bibir a, a ʋ tõ-tõ-bi-bɛrɛ mɩ́ nyũ n a divɛ̃ zuo tɩ ɩ n bàalbɛ. Bɛ mɩ́ ɩrɛ nɩ a nɩbɛ laar ɛ́ a nãà cɔwrɛ bɛ.

2 Samɩɛl 13:28

Al pùorí, ʋ tɩ yel'ɩ a ʋ tõ-tõ-biir à ŋá: «Nyɩ piwre a Amɩnɔ̃ vla! A divɛ̃ wa ɩ nʋ̃ɔ̀ kpɩɛr ʋ a, ɩ̃ na yel nyɩ na: “Nyɩ ŋmɛ a Amɩnɔ̃!”, nyɩ ŋmɛ ʋ kʋ a lɛn daar. Nyɩ ta zɔrɛ dɛ̃bɩ̃ɛ ɩ, mãa n'ʋ yel kɛ́ nyɩ ɩ a lɛ. Nyɩ kpɛ socir, ɛ́ wul kɛ́ dɛbr n'ɩ nyɩ!»

Levitɩ mɩnɛ 10:9

«Fʋ̃ʋ nɩ a fʋ bidɛbr a, nyɩ taa nyúur divɛ̃ nɩ dã-kpɛ̃w kãw, nyɩmɛ wa waar na kpɛ a tuor-taa pɛn-sɛw pʋɔ a ɩ, lɛ n'a nyɩ kʋ̃ kpi ɛ. Nʋɔr'ʋ ƴãw gã kʋralɛ, nyɩɩm nɩ a nyɩ bʋʋrɛ ƴãw.

Zʋkpaɩ 23:20

Ta tuur a dã-nyúurbɛ nɩ a nɛn-'wɔbrbɛ ɩ.

Habakukɩ 2:5

Sɩza n'a, a tɛra bɛ vɩɛl ɛ, a pɔ̀lʋ dem bɛ bãw pɩ̃ɛnʋ towtow ɛ, bɛ dɩrɛ nɩ gbogbo mɛ̃ a kpɩmɛ tẽw a, bɛ bɛ tɛr sɛwfʋ ɛ, mɛ̃ a kũu a, bɛ zɛbr'a dier a ten za, bɛ so nɩ a nɩ-bʋʋrɛ za.

Ɩzayi 5:11

Baw-bio páw nɩ a bɛlɩ dem na mɩ́ cɔ̃w ìr tu a dã-kpɛn pùor, a zie mɩ́ tɩ libre, ɛ́ bɛ nyúur a divɛ̃ a damnɛ bɛ a!