Zʋkpaɩ 2:6 - A SƐB-SÕW

⁶ Bʋ̃ʋ n'ʋ vɛ̃, a Sore n'ʋ mɩ́ tɩr a yã-bãwfʋ, ʋl zie n'a a bãwfʋ nɩ a tɩ́ɛrʋ yire.

Zʋkpaɩ 2:6 Referans Kwoze

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.

Sɛb-sõw yielu 119:98

A fʋ nɔ-ƴãwna kʋ̀ m'ɩ yã-bãwfʋ zuo a ɩ̃ dɔ̃ dem, a ɩ̃ bom'ʋ kʋralɛ.

A Zɔb sɛbɛ 32:8

Ɛcɛ alɛ ɩrɛ mɛ̃ bom'ʋ a, a Naaŋmɩn Vʋʋrʋ, a Kpɛnʋ-za-sob pɩɛlʋ, ʋlɛ n'ʋ mɩ́ ɩ a nɩsaal bãw a yã.

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Zã 6:45

Bɛ sɛb'ɩ a naaŋmɩn-ƴɛ̀r-manbɛ sɛbɛ pʋɔ kɛ́: “A Naaŋmɩn mɩŋa n'ʋ na ɩ a bɛ za wule.” Nɩr za na bɛrɛ wone a Sãà ƴɛ̀rʋ ɛ́ dier a ʋ wulu a, ʋ waar'ɩ a ɩ̃ zie.

1 Na-mɩnɛ 3:12

ɩ̃ na kʋ̀ b'ɩ a ʋlɩ bom nɛ fʋ na zɛlɩ a: a yã-bãwfʋ nɩ a yã. Nɩr bɛ dãw de niwn tɛr a man fʋ ɛ, ɛ́ nɩr kʋ̃ tɛr a a pùorí man fʋ ɛ.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

Sɛb-sõw yielu 119:104

A ɩ̃ yã yi n a fʋ tub a na fɛr kɛ́ bɛ tuur a pʋɔ, lɛ so ɩ̃ bɛ nɔ̃w bom za na ɩ ziri a ɩ.

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Zʋkpaɩ 6:23

Bʋ̃ʋ n'ʋ vɛ̃, a nɔ-ƴãwna ɩ na mɛ̃ fɩ̃tɩlɛ a, ɛ́ a wulu ɩ mɛ̃ cãà a. A kpãàfʋ nɩ a yelu n'a mɩ́ ɩ kɛ̀ tɩ àr a nyɔ-vʋʋrʋ sɔ́r zu.

Sɛb-sõw yielu 19:7

Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

1 Na-mɩnɛ 3:9

A lɛ pʋɔ a, kʋ̀ a mãa, fʋ tõ-tõ-bie, tɩɛrʋ na cɛlɛ be a, a fʋ nɩbɛ kaafʋ ƴãw, a vla nɩ a faa owru ƴãw. Alɛ bɛ ɩ lɛ, ãa n'ʋ na tʋ̃ɔ́ kaarɛ a nɩ-bʋʋrɛ na sɛw à ŋá a zie?»

Eziptɩ tẽw yib 31:3

Ɩ̃ ƴãw nɩ a ɩ̃ vʋʋrʋ paalɩ ʋ, k'ɩ̃ɩ ɩ ʋ bãw tome vla vla, ɛ́ tɛr yã. Ʋ bãw nɩ bãwfʋ bʋʋrɛ bʋʋrɛ za:

1 Bibie za yel-manɩ 22:12

Ʋ kʋ̀ b tɩɛrʋ nɩ yã, a lɛn daar ʋ nãà wa ƴãw fʋ dɩ naalʋ a Ɩsɩrayɛl nɩbɛ zu a, fʋ tuur'ɩ a Sore fʋ Naaŋmɩn wulu.

Neemi 7:5

A ɩ̃ Naaŋmɩn tɩ ƴãw mɛ̃ nɩ tɩɛrʋ k'ɩ̃ɩ bʋɔlɩ a nɩ-yée, a tẽw nɩ-bɛrɛ nɩ a nɩbɛ za ɓã taa sɔ́r bɛ. Ɩ̃ tɩ jɩ́r'ɩ a sɛbɛ ʋl pʋɔ bɛ na sɛb a bɛlɩ dem na de niwn yi a diw-cenu zie lɛb wa a yée, à ŋá n'a ɩ̃ tɩ nyɛ̃ bɛ sɛb:

A Zɔb sɛbɛ 22:22

Sàw de a wulu na yire a ʋ nʋɔrɩ́ a, ƴãw a ʋ ƴɛ̀rʋ za a fʋ socir pʋɔ.

Sɛb-sõw yielu 51:6

Fʋ̃ʋ yõ, fʋ̃ʋ yõ tẽtẽ n'ʋ ɩ̃ sãw, ʋlɩ bom nɛ na bɛ vɩɛl a fʋ zie a, ʋlɛ n'ʋ ɩ̃ maalɩ. Lɛ so, fʋ̃ʋ wa ƴɛ̀rɛ a, fʋ mɩ́ tɛr'ɩ yel-mɩŋa, fʋ bɛ tɛrɛ sãwna bɛ yere a fʋ ƴɛ̀rʋ-dɩb pʋɔ ɩ.

Ekilezɩasɩ 2:26

Sɩza, ʋ mɩ́ kʋ̀ n a yã-bãwfʋ, a yele-bãwfʋ nɩ a nʋ̃ɔ̀ a sob nɛ na pɛlɩ a ʋ pʋɔ a. Ɛcɛ ʋ mɩ́ ƴãw na a yel-bier-maalɛ bɔbr bʋ̃-vɩɛlɩ gbone taa a sob nɛ na pɛlɩ a ʋl Naaŋmɩn pʋɔ a ƴãw. A yel ŋa mɩ̀ ɩ n bàlʋ zawla nɩ sɛsɛb diwfʋ.

1 Na-mɩnɛ 10:24

Bʋ̃ʋ n'ʋ vɛ̃, a Naaŋmɩn tɩ kʋ̀ ʋ nɩ yã-bãwfʋ na bɛ tɛr tɛwr a, a nɩbɛ tɩ yire ziir za waar kɛ́ bɛ wa bɛr wõ a ʋ ƴɛ̀rʋ.

Ɛsɩdɩrasɩ 7:25

Ɛ́ a fʋ̃ʋ Ɛsɩdɩrasɩ a, ƴãw ƴɛ̀r-dɩrbɛ nɩ nɩ-bɛrɛ tu n a Naaŋmɩn wulu yã-bãwfʋ na be a sɛbɛ fʋ na tɛr cere nɩ a pʋɔ a. Bɛ mɩ́ dɩ a ƴɛ̀rʋ kʋ̀ a bɛlɩ dem za na bãw a Naaŋmɩn nɛ́ɛ a Efaratɩ gãwn nɩbɛ pʋɔ a. Nyɩ mɩ̀ na wul a nɩ a bɛlɩ dem na bɛ bãw a a.

A Zɔb sɛbɛ 12:13

Ɛcɛ Naaŋmɩn zie n'a a yã-bãwfʋ nɩ a kpɛnʋ be, ʋlɛ so a bãwfʋ nɩ a yã.

A Zɔb sɛbɛ 12:16

Ʋlɛ so a kpɛnʋ nɩ a zɛb-tʋ̃ɔ́fʋ. Ʋlɛ so a nɩr na bɔr a, nɩ a nɩr na ɩ a ʋ tɔ bɔr a.

Sɛb-sõw yielu 19:8

A Sore wulu vɩɛl'ɩ ʋ za, ʋ mɩ́ lɛb'a tɩr a nyɔ-vʋʋrʋ. A Sore dãsɩɛ ʋ na dɩ a ɩ n yel-mɩŋa, ʋ ɩ n a bɛlɩ dem na bɛ zɛwr bɛ tʋɔra a yã-bãwfʋ.

Sɛb-sõw yielu 94:10

Ʋl na kpãa nɩ-bʋʋr-yoru a, bɛ ƴãwnɛ dɔwrʋ bɩɩ? A Sore na mɩ́ kʋ̀ a nɩsaalbɛ a bãwfʋ a,

Sɛb-sõw yielu 119:34

Ɩ k'ɩ̃ bãw a fʋ wulu pɛr, ɩ̃ɩ na tuur ʋ na, ɩ̃ na ƴãw nɩ fãw tuur ʋ nɩ a ɩ̃ pʋɔ za.