Zʋkpaɩ 17:3 - A SƐB-SÕW

³ Vũu n'a bɛ mɩ́ ɩ n a salm-zɩɛ nɩ a salm-pla kaa bãw a vɩɛlʋ, ɛcɛ a Sore n'ʋ mɩ́ ɩ a socie kaa bãw a vɩɛlʋ.

Zʋkpaɩ 17:3 Referans Kwoze

Ɩzayi 48:10

Ɩ̃ ɩ na nyɩ lɛb vɩɛl, ɛ́ a bɛ ɩ a vũu na mɩ́ ɩ a salm-pla ʋ vɩɛl a pʋɔ n'a ɩ, kpɩɛrʋ vũu pʋɔ n'a.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Sɛb-sõw yielu 26:2

Ŋmãa a ɩ̃ pùor nyɛ̃, Sore e, ɩ m kaa, jɛl a ɩ̃ tɩɛrʋ nɩ a ɩ̃ pʋɔ za.

Zʋkpaɩ 27:21

Vũu n'a mɩ́ wul a salm-zɩɛ nɩ a salm-pla vɩɛlʋ. A nɩsaal vɩɛlʋ yi n a yúor ʋ na páwr a zie.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

Sɛb-sõw yielu 66:10

Naaŋmɩn i, fʋ ɩ tɩ na kaa, mɛ̃ a lɛ bɛ na mɩ́ zuw ír a salm-pla dɛwr bɛr ʋ vɩɛl a, fʋ ɩ na tɩ wõ tuo vɩɛl.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Sɛb-sõw yielu 139:23

Naaŋmɩn i, jɛl a ɩ̃ pʋɔ bãw mɛ̃, ɩ m kaa, bãw a bom nɛ na ƴãwnɛ mɛ̃ tɩɛrʋ a.

Zʋkpaɩ 15:11

A Sore wa bãw a kpɩmɛ tẽw bɔw-zulu zulu a, ŋmɩŋmɩn za n'a ʋ kʋ̃ bãw a nɩsaal tɩ́ɛrʋ zuo lɛ!

Zʋkpaɩ 17:2

Tõ-tõ-bie na tɛr yã a na lɩɛr'ɩ bie na ƴãwnɛ vĩ a, ʋ na lãw nɩ nɩ a bie ŋa yɛbr bɛ põ a gbã-dɩ-bome.

Ezekɩɛl 22:18

«A fʋ̃ʋ nɩsaal bie, bɛrɛ wone! A Ɩsɩrayɛl nɩbɛ lɩɛb'ɩ kur-bine. Bɛ ɩ na mɛ̃ salm-pla, kur-zɩɛ, kur-pla mɔrmɔr, kure bɩɩ kur-mɔrmɔr bine sãa-kpɩɛrɛ vũu-bɔw pʋɔ a.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

Wulu-ayi-sob 8:16

A wɛja-kpalɛ ŋa pʋɔ a, ʋ kʋ̀ nyɩ nɩ a mãan, bʋ̃-dɩra a nyɩ sãàkʋm-kore na bɛ tɩ bãw a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, ɛ́ wa maalɩ nyɩ vla a pùorí.

A Zɔb sɛbɛ 23:10

Ɛcɛ ʋ bãw nɩ a sɔ́r ʋl ɩ̃ na tuur a: ʋ ƴãw mɛ̃ nɩ kpɩɛrʋ pʋɔ, ɛcɛ ɩ̃ na yi na nyɩwrɛ mɛ̃ salm-zɩɛ bɛ na zuw ír a.

A Zɔb sɛbɛ 28:1

Yel-mɩŋa n'a, salm-pla bɔwrɩ be n be, ɛ́ salm-zɩɛ yɩɩlʋ ziir be be.

Zʋkpaɩ 16:2

A nɩsaal mɩ́ tɩ́ɛrɛ na k'aa ʋ ɩb vɩɛl'ɩ kʋralɛ, ɛcɛ a Sore n'ʋ jɛlɛ a socie.

Zʋkpaɩ 21:2

Ŋa za mɩ́ tɩ́ɛrɛ na k'aa ʋ ɩb tori na, ɛcɛ a Sore n'ʋ mɩ́ jɛl a socie.