Zʋkpaɩ 16:6 - A SƐB-SÕW

⁶ Sob nɛ na nɔnɛ ɛ́ bɛ lɛbr pùor a, bɛ mɩ́ dɩ n a ʋ sãwna suur kʋ̀ ʋ. Nɩr na zɔrɛ a Sore a mɩ́ gur'ɩ pùor kʋ̀ a yel-faa.

Zʋkpaɩ 16:6 Referans Kwoze

Zʋkpaɩ 14:16

A yã-bãwnɛ zɔrɛ nɩ a faa ɛ́ mɩ́ nɩɩrɛ ʋ. Ɛcɛ a dãbol sob mɩ́ manɛ kɛ́ bom bɛ damnɛ ʋ ɛ, ɛ́ nyɛrɛ suur.

A Zɔb sɛbɛ 28:28

Al pùorí, ʋ tɩ yel'ɩ a nɩsaal: «A zɔrɛ-a-Sore n'ɩ a Yã-bãwfʋ! A ta-pɩɛlɛ-yel-faa n'ɩ a yã!»

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

Zʋkpaɩ 14:27

A Sore zɔba ɩ n nyɔ-vʋʋrʋ bul-nʋɔr. Ʋ mɩ́ ɩ na fʋ nɩɩrɩ a kũu bɛrɩ bɛr.

Zʋkpaɩ 8:13

A Sore zɔba n'ɩ a faa hɩ̃ɛnʋ. Ɩ̃ bɛ nɔnɛ a pɔ̀lʋ, a nyɔka-ɩb, a ɩ-faar nɩ a ziri ɛ.

Zʋkpaɩ 20:28

A nɔ̃wfʋ ɩb nɩ a pùor-bɛ-lɛbrʋ mɩ́ gù n a nãà. A nɔ̃wfʋ ɩb'a na tʋ̃ɔ́ ɩ a ʋ naalʋ tɛr fãw.

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

Neemi 5:15

A na-kpɛ̃ɛ-lɩɛrbɛ bɛl na tɩ de niwn a ɩ̃ ƴãw a, tɩ kʋrɛ nɩ a nɩbɛ guur, ƴãw bɛ kʋ̀rɛ bɛ bʋ̃-dɩrɩ nɩ divɛ̃ pʋɔ a salm-pla libie lɩz'a ayi ƴãw. A na-kpɛ̃ɛ-lɩɛrbɛ lãw-tõ-taabɛ tɛɛ za mɩ̀ tɩ dɔwrɛ nɩ a nɩbɛ. Ɛcɛ mãa bɛ tɩ dãw ɩ à à ŋá ɩ, a Naaŋmɩn ɩ̃ na zɔrɛ a zũú.

Neemi 5:9

Ɩ̃ tɩ lɛb'a yel: «À ŋá nyɩ na ɩrɛ a, a bɛ vɩɛl ɛ! A bɛ tɩ fɛr kɛ́ nyɩ tɛr a tɩ Naaŋmɩn zɔba, a nɩ-bʋʋr-yoru na ɩ a tɩ dɔ̃ dem a ta tʋʋr tɩ zʋmɛ ɩ?

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

Efɛɛzɩ 5:21

Nyɩɩm na ƴãwnɛ a Kɩrɩta a, nyɩ sàwr taa nɛ́ɛ.

Zã 15:2

Wule za, na be a ɩ̃ ƴãw, ɛ́ bɛ wɔnɛ a, ʋ mɩ́ cɛ ʋ na bɛr, ɛ́ wule za na wɔnɛ a, ʋ mɩ́ ɓɛlɓɛl'ɩ a wuli-ɓɛrmɛ bɛr k'ʋʋ tʋ̃ɔ́ wɔ̃ dɔwlɩ.

Sɛb-sõw yielu 85:10

A Sore kʋ̃ yaa kɛ́ faa a bɛlɩ dem na zɔrɛ ʋ a ɩ, ɛ́ a ʋ yúor-vɩɛlʋ-danʋ na kpɩɛr'ɩ a tɩ tẽw.

Yele-za-pɛr-tib 20:11

A Abraham tɩ sɔw na: «Ɩ̃ tɩɛr'ɩ ɩ̃ pʋɔ k'aa ka dem bɛ zɔrɛ Naaŋmɩn zaa pʋrɩ ɛ, kɛ́ bɛ na kʋ m'ɩ a ɩ̃ pɔw ƴãw.

Eziptɩ tẽw yib 1:17

Ɛcɛ a pɔw-dɔwrbɛ tɩ zɔrɛ nɩ a Naaŋmɩn, bɛ bɛ tɩ tu a lɛ a Eziptɩ tẽw nãà na yel a ɩ, ɛ́ bɛr a dɛbli bɛ vʋʋrɛ.

Eziptɩ tẽw yib 20:20

A Moyiir tɩ sɔw bɛ na: «Nyɩ ta zɔrɛ dɛ̃bɩ̃ɛ ɩ! A nyɩ ɩ-kaafʋ ƴãw n'a a Naaŋmɩn wa. Ʋ bɔbr'a kɛ́ nyɩ zɔrɛ ʋ, ɛ́ ta maalɛ yel-bier ɛ.»

Zʋkpaɩ 3:7

Ta tɩ́ɛrɛ kɛ́ fʋ ɩ n yã-bãwnɛ ɩ, nɩ̃ɛ zɔrɛ a Sore, ɛ́ gùr pùor cɔw a yel-faa.

Zʋkpaɩ 16:5

A Sore bɛ nɔnɛ a pɔ̀lʋ dem towtow ɛ. Bʋnʋ bɛ ka be ɩ, bɛ na nyɛ̃ nɩ dɔwrʋ.

Levitɩ mɩnɛ 25:17

Nyɩ taa nɛbr a nyɩ tẽ-bi-tɔ ɩ, a sãá kɛ́ nyɩ ƴãwnɛ mɛ̃ na, a mãa Sore nyɩ Naaŋmɩn.

Wulu-ayi-sob 30:13

Kʋ̃ɔ-bɛrɛ gãwn mɩ̀ bɛ n'a a be nɩr na yel: «Ãa n'ʋ na gãw a kʋ̃ɔ-bɛrɛ tɩ de a wa yel kʋ̀ tɩ tɩ tuur?»

Zʋkpaɩ 3:3

A nɔ̃wfʋ nɩ a pùor-bɛ-lɛbrʋ, a be a fʋ zie kʋralɛ, 'lẽ a ƴãw a fʋ kɔkɔrɩ́, sɛb a ƴãw a fʋ socir pʋɔ.

Zʋkpaɩ 14:2

Nɩr nyɔ-vʋʋrʋ na tori a mɩ́ ƴãwnɛ nɩ a Sore. Ɛcɛ sob nɛ na tuur sɔr-gõlõgõlõ a mɩ́ ɩrɛ nɩ a Sore laar.