Zʋkpaɩ 14:2 - A SƐB-SÕW

² Nɩr nyɔ-vʋʋrʋ na tori a mɩ́ ƴãwnɛ nɩ a Sore. Ɛcɛ sob nɛ na tuur sɔr-gõlõgõlõ a mɩ́ ɩrɛ nɩ a Sore laar.

Zʋkpaɩ 14:2 Referans Kwoze

Nɩ-toni 10:35

bʋʋrɛ nɛ kãw za pʋɔ, nɩr na zɔrɛ ʋ ɛ́ tuur a yel-mɩnʋ a, a ʋ yele mɩ́ nʋmɛ nɩ a Naaŋmɩn zie.

Zʋkpaɩ 28:6

Nã́w sob na tɛr ɩ-ɩrɩ na tori a sa n nɩr na tuur sɔr-gõlõgõlõ a, ʋlɛ saa kpɛ naalʋ a.

Sɛb-sõw yielu 112:1

Aleluya! Zu-nʋ̃ɔ̀ sob'ɩ a nɩr na zɔrɛ a Sore, ɛ́ nɔnɛ a ʋ nɛ-ƴãwnɩ a.

A Zɔb sɛbɛ 28:28

Al pùorí, ʋ tɩ yel'ɩ a nɩsaal: «A zɔrɛ-a-Sore n'ɩ a Yã-bãwfʋ! A ta-pɩɛlɛ-yel-faa n'ɩ a yã!»

Nɩ-toni 9:31

A Lãw-yir tɩ tɛr'ɩ ƴã-ɓaarʋ a Zude tẽw za pʋɔ, nɩ a Galile tẽw nɩ a Samaari tẽw. Ʋ tɩ mɩɛr'a yɛlɛ ɛ́ tɛr a Sore zɔba, a Vʋʋrʋ Sõw mɔwlʋ tɩ be n a ʋ zie yaga ʋ kɛrɛ nɩ.

Ekilezɩasɩ 12:13

Nyɛ̃ a ƴɛ̀rʋ á ŋá za na ƴɛ̀r a nʋɔr kʋb zie: zɔrɛ a Naaŋmɩn ɛ́ sàwr a ʋ nɛ-ƴãwnɩ. À à ŋá n'a a fɛr kɛ́ nɩsaal za ɩrɛ.

Sɛb-sõw yielu 25:21

A faa-bɛ-tɛrʋ nɩ a cen-dẽdẽ, a gùre mɛ̃, ɩ̃ na ƴãw a ɩ̃ tɩɛrʋ a fʋ ƴãw a zũú.

Nɩ-toni 10:22

Bɛ tɩ sɔw na yel: «A sojarɩ kʋba nɩ-kpɛ̃ɛ ʋl na dɩ Kɔrnɛɩ a, ʋlɛ n'ʋ tõ tɩ. Ʋ ɩ n nɩ-mɩŋa, ʋ zɔrɛ nɩ Naaŋmɩn, ɛ́ a Zifʋ mɩnɛ za mʋʋrɛ ʋ. Malkɩ sõw wa na wa yel k'ʋʋ tõ bʋɔlɩ fʋ a ʋ yir, fʋ wa manɩ yele ʋ bɛr wõ.»

Luka 16:14

A Faarizɩ̃ɛ mɩnɛ na nɔnɛ a libie, ɛ́ tɩ bɛr wõ a Yeezu ƴɛ̀rʋ á ŋá za a, tɩ ɩrɛ ʋ na laar.

Luka 10:16

A Yeezu tɩ cãà na lɛb yel a ʋ po-tuurbɛ: «Sob nɛ na bɛrɛ wone a nyɩ ƴɛ̀rʋ a, a ɩ̃ ƴɛ̀rʋ n'a ʋ bɛrɛ wone, ɛ́ sob nɛ na zawrɩ nyɩ bɛr a, mãa n'ʋ ʋ zawrɩ bɛr. Ɛcɛ sob nɛ na zawrɩ mɛ̃ bɛr a, a sob nɛ na tõ m a n'ʋ ʋ zawrɩ bɛr.»

Zʋkpaɩ 19:1

Fʋ̃ʋ ɩ nã́w sob ɛ́ cere dẽdẽ a, alɛ sa fʋ na ɩ dãbol nɩ zir-ŋmarɛ a.

Zʋkpaɩ 16:17

A nɩ-dẽdẽ mɩnɛ mɩ́ gur'ɩ pùor cɔw a faa. Nɩr na bɔbr k'ʋʋ piw a ʋ nyɔ-vʋʋrʋ tɛr a mɩ́ maal'a ɩrɛ a ʋ cenu pʋɔ.

Zʋkpaɩ 11:12

Nɩr na ɩrɛ a ʋ tɔ laar a bɛ tɛr yã ɩ, ɛcɛ yã sob mɩ́ pàw nɩ a ʋ nʋɔr.

Zʋkpaɩ 2:15

Bɛ bɛ tɛr yel-mɩŋa ɩ ɛ́ a bɛ nyɔ-vʋʋrʋ bɛ tori ɛ.

A Zɔb sɛbɛ 1:1

Nɩr kãw tɩ be n Usɩ tẽw, a yúor dɩ kɛ́ Zɔb. Ʋ bɛ tɩ tɛr sãwna ɩ, ɛ́ tuur yel-mɩŋa. Ʋ tɩ ƴãwnɛ nɩ a Naaŋmɩn ɛ́ bɛ pɩɛlɛ ɩ-faa ɩ.

1 Na-mɩnɛ 3:6

A Salomɔ̃ tɩ sɔw na: «Fʋ tu n a fʋ tõ-tõ-bie ɩ̃ sãà Daviir pùor nɩ nɔ̃wfʋ yaga za, ʋ na tɩ cere a fʋ niŋé, ɩ yel-mɩŋa nɩr, nɩ-mɩŋa nɩ nɩsaal-dẽdẽ a. Fʋ cãà na tɛr a fʋ nɔ̃wfʋ a ʋ zie, kʋ̀ ʋ bidɛb na zɩ̃ a ʋ naalʋ-dà-kɔw zu a dɩ̃a a.

A Zɔb sɛbɛ 12:4

Ɩ̃ bʋɔlɛ nɩ a Naaŋmɩn tɩɛrɛ k'ʋʋ sɔw mɛ̃, ɛ́ mãa n'ɩ ŋan lɩɛbɩ nɩr a ʋ bárɩ na ɩrɛ laar a: a nɩ-mɩŋa, a nɩr ʋl na bɛ tɛr sãwna a, ʋlɛ n'ʋ bɛ ɩrɛ laar!

2 Samɩɛl 12:9

Bʋ̃ʋ n'ʋ so fʋ bɛ bʋɔlɩ mɛ̃ nɩr, ɩ a ʋlɩ bom nɛ na bɛ pɛlɩ a ɩ̃ pʋɔ a? Fʋ kʋ n a Hititɩ dɔɔ Uuri, fʋ ƴãw na a Amɔ̃ tẽw nɩbɛ cɔ̀r ʋ nɩ zɛbr-sɔ-kpɛ̃ɛ kʋ, ɛ́ fʋ de a ʋ pɔw, ʋ ɩ a fʋ pɔw.

2 Na-mɩnɛ 17:34

A dɩ̃a mɩ̀ a, a bɛ bʋʋrɛ cãà na tuur a koro za tub á ŋá. Bɛ bɛ puore a Sore ɩ, bɛ bɛ tuur a bɛl mɩŋa nɛ́ɛ nɩ a bɛl mɩŋa tub ɛ. Bɛ mɩ̀ bɛ tuur a wulu nɩ a nɛ-ƴãwnɩ a Sore na kʋ̀ a Zakɔb bʋʋrɛ a ɩ, a Zakɔb a Sore na por Ɩsɩrayɛl a.

Zʋkpaɩ 16:6

Sob nɛ na nɔnɛ ɛ́ bɛ lɛbr pùor a, bɛ mɩ́ dɩ n a ʋ sãwna suur kʋ̀ ʋ. Nɩr na zɔrɛ a Sore a mɩ́ gur'ɩ pùor kʋ̀ a yel-faa.