Zʋkpaɩ 13:4 - A SƐB-SÕW

⁴ Zawlalɛ n'a a ƴã-tuo sob mɩ́ nyɛ̃ a bom bɔbr, ɛcɛ a bɛlɩ dem na mɩ́ mʋ̃ɔ mimir a tome ƴãw a mɩ́ páw nɩ a alɩ bome nɛ za bɛ na bɔbr a.

Zʋkpaɩ 13:4 Referans Kwoze

Zʋkpaɩ 12:24

Nuru na tone vũu vũu a waar'ɩ nɩ a nɩ-kpɛ̃ɛnʋ dɩb, ɛ́ a ƴã-tuolu ƴãwnɛ gbãgbaalʋ pʋɔ.

Zʋkpaɩ 12:11

Sob nɛ na kʋɔr a ʋ púo a mɩ́ páwr'ɩ bʋ̃-dɩrɩ yaga, ɛcɛ sob nɛ na zɔrɛ tuur a yel-foli a bɛ tɛr yã ɩ.

Zʋkpaɩ 10:4

Ƴã-tuo sob nuru tɩrɛ nɩ nã́w, ɛcɛ nuru na tʋlɛ a tome ƴãw a waar'ɩ nɩ naalʋ.

Zʋkpaɩ 11:25

Nɩr na tɩrɛ a mɩ́ páw nɩ bʋ̃-yaga, nɩr na tɩrɛ kʋ̃ɔ bɛ nyúur a mɩ̀ na nyɛ̃ nɩ kʋ̃ɔ nyũ.

Zʋkpaɩ 28:25

Nɩr na bɔbr bome bɛ tɛr sɛwfʋ a mɩ́ wa n nɩ zɛb-taa, ɛcɛ sob nɛ na ƴãw a ʋ tɩ́ɛrʋ a Sore ƴãw a na kpɛ n naalʋ.

Ebre 6:11

Ɛcɛ tɩ bɔbr'a kɛ́ nyɩ za been been mɩ́ cãà tʋlɛ a lɛ tɩ ta n a baarʋ daar, kɛ́ a tɩɛrʋ nyɩ na ƴãw a Naaŋmɩn ƴãw a, tʋ̃ɔ́ maalɩ ʋ za vla.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Zʋkpaɩ 8:34

Zu-nʋ̃ɔ̀ sob'ɩ a sob nɛ na bɛrɛ wone mɛ̃, na mɩ́ gã ìr a ɩ̃ dɩ̃dɔr ƴãw bibie za, ɛ́ gùre a ɩ̃ dɩ̃dɔr a.

Ɩzayi 58:11

A Sore na wule fʋ nɩ a sɔ́r kʋralɛ. A wɛja-kpalɛ pʋɔ tɛɛ za a, ʋ na kʋ̀ b'ɩ bʋ̃-dɩrɩ ɛ́ ɩ fʋ lɛb tɛr fãw. Fʋ na ɩ na mɛ̃ zaadɛ̃ na bùr ʋ za a, mɛ̃ bul-nʋɔr a kʋ̃ɔ na bɛ sɩrɛ a.

Zʋkpaɩ 26:13

A ƴã-tuo sob mɩ́ yel'a: «Wɛ-dʋ̃-faa kãw be n a sɔ́r zu, gbẽw be n a sɔrle zu.»

Sɛb-sõw yielu 92:14

Bɛ sɛl ʋ na mɛ̃ tɩɛ a, a Sore Ŋmɩn-yir-kpɛ̃ɛ pʋɔ, ʋ kɛrɛ nɩ a tɩ Naaŋmɩn davʋrɩ pʋɔ.

Sɔr-nɛ́ɛ 23:10

Ãa n'ʋ na tʋ̃ɔ́ sɔ́r a Ɩsɩrayɛl nɩbɛ za? Sɔr a Zakɔb bʋʋrɛ na yãwmɛ, yãwmɛ, yãwmɛ a? Ɩ̃ nãá kpi mɛ̃ a nɩ-mɩn bɛ ŋa a, a ɩ̃ nyɔ-vʋʋrʋ baarʋ nãá ɩ mɛ̃ a Ɩsɩrayɛl nɩbɛ dem a.»

Zʋkpaɩ 6:6

Ƴã-tuo sob i, nyɛ̃ a nyɩra a! Jɩ́r a lɛ ʋ na ɩrɛ a kaa, ɛ́ fʋ na lɩɛb'ɩ yã-bãwnɛ.

Zʋkpaɩ 12:27

Nabawlɛ na kpɛ ƴã-tuo a bɛ tɛr wɛ-nɛn na sɛ̃ ɩ, ɛcɛ nɩsaal na tʋlɛ a tome ƴãw a tɛr'ɩ na-bom.

Zʋkpaɩ 13:3

Nɩr na maal tɛr a ʋ nʋɔr a gùre nɩ a ʋl mɩŋa nyɔ-vʋʋrʋ. Ɛcɛ nɩr na bʋ̀nɛ ƴɛ̀rɛ a wɩɛr'ɩ a ʋ loba zie.

Zʋkpaɩ 13:5

Nɩ-mɩŋa bɛ nɔnɛ a ziri ɛ, ɛcɛ a nɩ-faa mɩ́ ƴãwnɛ nɩ vĩ a ʋ taabɛ ɛ́ tʋʋr bɛ.

Zʋkpaɩ 20:4

A na ɩ a sɩ̃ɔ a, a ƴã-tuo sob bɛ bɔbr a kɔb ɛ, ɛcɛ a bʋ̃-dieri daar a, ʋ na bɔ na ɛ́ kʋ̃ nyɛ̃ bom ɛ.

Zʋkpaɩ 21:5

Sob nɛ na mɩ́ ƴãw fãw cɔbrɩ a lɛ ʋ na na ɩ a mɩ́ wa kpɛ n naalʋ. Ɛcɛ sob nɛ na mɩ́ paw a ɩb ƴãw zuo a mɩ́ wa bãw nɩ nã́w.

Zʋkpaɩ 21:25

A ƴã-tuo sob kpiir'a ʋ na kʋ̃ tʋ̃ɔ́ páw a ʋ bʋ̃-bɔbrɩ a ƴãw. Bʋ̃ʋ n'ʋ vɛ̃, a ʋ nuru bɛ bɔ tome ɩ.

Yele-za-pɛr-tib 26:32

A ʋlɩ bibir nɛ tɔr za a, a Ɩzaakɩ tõ-tõ-biir tɩ wa na wa manɩ bule kãw bɛ na tuwr a yele kʋ̀ ʋ. Bɛ tɩ yel ʋ na: «Tɩ páw nɩ kʋ̃ɔ.»

Zozue 7:3

ɛ́ lɛb wa a Zozue zie wa yel ʋ: «Zawla lɛ n'a a zɛbr-nɩbɛ za na cen a Aɩ ƴãw. Nɩbɛ túr-ayi (2 000) bɩɩ túr-ata (3 000) na man a. A tẽw nɩbɛ bɛ saalɩ fʋ na bàlɛ a tɩ zɛbr-nɩbɛ za ɩ.»

Zʋkpaɩ 24:30

Bibir kãw, ɩ̃ tɩ tɔl'ɩ ƴã-tuo sob púo ƴãw, nɩr na bɛ tɛr kanyir a divɛ̃ tɩɩr púo ƴãw.

Zʋkpaɩ 24:31

A mʋ̃ɔ nɩ a gʋʋr tɩ bul'a pàw a ziir za, ɛ́ a kʋsɛbɛ dacin na tɩ viiri koli a púo a lo.

A Yielu za pʋɔ yiel-vla vla 5:3

Ɩ̃ yaar'ɩ a ɩ̃ bʋ̃-suuri, ɩ̃ bɛ lɛb suur ɛ! A ɩ̃ gbɛ́ɛ n'a ɩ̃ pɛ́wr wa báarɛ à ŋá, ɩ̃ bɛ lɛb dɛwr a bɛrɛ ɩ!