Zʋkpaɩ 13:11 - A SƐB-SÕW

¹¹ A naalʋ fʋ na kpɛ a fʋrfʋr a na siwre na. Ɛcɛ tɛra fʋ na páwr bɩɛlbɩɛl a mɩ́ dɔwlɛ na cere.

Zʋkpaɩ 13:11 Referans Kwoze

Zʋkpaɩ 20:21

Tɛra fʋ na paw fɔ̃w zuo tɛr a pɛr-tib daar a kʋ̃ tʋ̃ɔ́ wa n maalʋ a pùorí ɛ.

Zʋkpaɩ 10:2

Nyãnyu-tɛra bɛ tɛr tɔnɛ kãw za ɩ, ɛcɛ a mɩnʋ mɩ́ faa fʋ nɩ a kũu pʋɔ.

Zʋkpaɩ 28:8

Nɩr na zɔrɛ a bãbàalbɛ nɩbaalʋ a, ʋ na so nɩ a nɩr na kpɛ naalʋ ʋ na pɛ̃wnɛ nɩbɛ libie dier'ɩ dɔwlɛ yaga a tɛra.

Zʋkpaɩ 28:22

Nɩr na nyùur'ɩ a ʋ taabɛ a bɛ bʋ̃-tɛrɩ ƴãw a, ʋ mɩ́ zɔrɛ na tuur a naalʋ ɛ́ bɛ bãw kɛ́ nãw-woro na lo n a ʋ zu ɛ.

Zʋkpaɩ 28:20

A nɩ-dẽdẽ na páw nɩ maalʋ yaga, nɩr na paw fɔ̃w kpɛ naalʋ a na nyɛ̃ nɩ dɔwrʋ bibir kãw.

Zeremi 17:11

Kɔrnyɛ̃ na ũú nɩ jɛlɛ ʋ na bɛ lɔb a, à ŋá n'a nɩr na kpɛ nyãnyu-naalʋ a ŋmɛ̃. A ʋ nyɔ-vʋʋrʋ põ-zɛ̃-taa pʋɔ a, a ʋ naalʋ mɩ́ bɛr ʋ na, ɛ́ a baarʋ daar ʋ ɩ mɛ̃ dãbol a.»

Sɛb-sõw yielu 128:2

Fʋ na mɩ́ dɩ n a fʋ nuru bome. Zu-nʋ̃ɔ̀ sob nɛ b, fʋ̃ʋ so a nʋ̃ɔ̀!

A Zɔb sɛbɛ 20:15

Ʋ na ow nɩ a na-bome al za ʋ na vɔl a bɛr, Naaŋmɩn na ɩ na ʋ ti a za.

Ekilezɩasɩ 5:14

Mɛ̃ a lɛ ʋ na yi a ʋ mã puori ɩ a ƴã-gã-kpãkpol a, lɛ mɩ̀ n'a ʋ na yi a tẽw zu ka lɛb cen. Ʋ kʋ̃ ír tɔnɛ kãw za a ʋ tome pʋɔ ɩ, ʋ kʋ̃ tɛr bom kãw za cen nɩ ɛ.

Zʋkpaɩ 13:10

A pɔ̀lʋ waar'ɩ nɩ zɛb-taa. Ɛcɛ yã-bãwfʋ mɩ́ be n a bɛlɩ dem na sàwr a wulu a zie.

Zʋkpaɩ 13:12

A tɩ́ɛrʋ na kʋ̃ maalɩ fɔ̃w a tɩrɛ nɩ pʋ-sãwna, ɛcɛ a tɩ́ɛrʋ na maalɩ a ɩ na mɛ̃ nyɔ-vʋʋrʋ tɩɛ a.

Zʋkpaɩ 21:6

Bɛlɩ dem na mɩ́ ŋma a ziri kpɛ naalʋ a ɩ n nɩbɛ na wɩɛr a kũu pʋɔ a. Bɛ mɩ́ páw nɩ bome na bɛ tɛr pɛr ɛ́ bɛ cɛlɛ a.