Zʋkpaɩ 12:8 - A SƐB-SÕW

⁸ Nɩr na tɛr yã a n'ʋ bɛ mɩ́ danɛ, ɛ́ ɩrɛ sob nɛ a tɩ́ɛrʋ na bɛ tori a laar.

Zʋkpaɩ 12:8 Referans Kwoze

2 Korɛ̃tɩ 10:18

A sob nɛ na nyɛ̃ ʋ tʋɔra ʋ ɩ nɩ-vla a, a ʋ yele bɛ n'a bɛ mɩ́ de ɩ, sob nɛ a Sore na yel k'ʋʋ ɩ n nɩ-vla a n'ʋ.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Nɩ-toni 12:23

Ɛcɛ bɛ wa bere na Sore malkɩ ŋmɛ a Erɔdɩ, ʋ na bɛ tɩ sàw danɩ a Naaŋmɩn a ƴãw: zãzule tɩ dɩ ʋ na, ʋ kpi.

Luka 16:8

A nɩ-kpɛ̃ɛ tɩ mʋʋr'ɩ a bʋ̃-kaarɛ ŋa ɩb na bɛ tori a, a yã-maalʋ ʋ na tɩ maalɩ a ƴãw. A tẽw ŋa zu nɩbɛ sɩrɩ na kpɛ yã a bɛ taabɛ zie zuo a cãà pʋɔ nɩbɛ.»

Zʋkpaɩ 5:23

Ʋ na kpi na, ʋ na bɛ páw a wulu a. Ʋ na bɔr'a, a ʋ dãbolu na zuo ʋ a ƴãw.

Zʋkpaɩ 3:35

A yã-bãwnbɛ bom bɛ na na páw a n'ɩ a ƴãwfʋ, ɛ́ a dãbole dem ɩ a vĩ.

Zʋkpaɩ 1:26

Alɛ so, nyɩmɛ wa be a kpɩɛrʋ pʋɔ a lɛn daar a, ɩ̃ na laar'a. A pʋl-vʋ̃ɔ wa tɛr nyɩ a lɛn daar a, ɩ̃ na ɩrɛ nyɩ na laar.

Sɛb-sõw yielu 132:18

Ɩ̃ na ƴãw nɩ a ʋ dɔ̃ dem vĩ, ɛcɛ, a naalʋ-kpawʋɔ na nyɩwrɛ nɩ a ʋ zũú.»

Yele-za-pɛr-tib 41:39

Al pùorí ʋ yel a Zuzɛb: «A Naaŋmɩn na faa n'ʋ wul fʋ à á ŋá za a, nɩr kʋ̃ lɛb tʋ̃ɔ́ tɛr yã ɛ́ bãw yã man fʋ ɛ.

1 Samɩɛl 25:17

A na ɩ à ŋá a, tɩɛrɩ nyɛ̃ a lɛ fʋ na na ɩ a, bʋ̃ʋ n'ʋ vɛ̃, bʋnʋ bɛ ka be ɩ, faa na lo n a tɩ nɩ-kpɛ̃ɛ nɩ a ʋ yir zu. Ʋ mɩŋa kpɛ n faa tɩ zuo, nɩr kʋ̃ sàw ƴɛ̀rɛ a ʋ zie ɩ.»

1 Samɩɛl 18:30

A lɛn daar a, a Filisɩtɛ̃ mɩnɛ nɩ-bɛrɛ tɩ yi na kɛ́ bɛ zɛb'ɩ a Ɩsɩrayɛl nɩbɛ. Zɩ̃ k'aa zɛbr za pʋɔ a, a Daviir mɩ́ tɩ zɛb'a tʋ̃ɔ́ zuo a Sawul sojarɩ nɩ-bɛrɛ za na cɛ a, lɛ n'a a Daviir yúor tɩ yi yaga za.

1 Samɩɛl 16:18

A tõ-tõ-bie kãw tɩ yel'a: «Ɩ̃ bãw nɩ nɩr kãw na ŋmɩɛr a, Bɛtɩlɛm tẽw Zese bidɛb'ʋ. Ʋ ŋmɩɛr'ɩ vla, nɩr'ʋ, ɛ́ ɩ soja-vla. Ʋ bãw nɩ ƴɛ̀rʋ vla vla, ɛ́ pɔl. Ɛ́ lɛb waar, a Sore be n a ʋ zie.»

1 Samɩɛl 13:13

A Samɩɛl tɩ yel'ɩ a Sawul: «Dãbol tome n'a fʋ tõ! Fʋ bɛ sàw a Sore fʋ Naaŋmɩn nʋɔr ɛ, a ʋl ʋ na tɩ ƴãw kʋ̀ b kɛ́ fʋ tuur a. Fʋ̃ʋ tɩ sàw tu ʋ a, a Sore nãà ɩ na a fʋ yir dem dɩrɛ naalʋ kʋralɛ a Ɩsɩrayɛl zu.

Ekilezɩasɩ 8:1

Ãa n'ʋ ɩ mɛ̃ a yã-bãwnɛ, ɛ́ na tʋ̃ɔ́ ír a ƴɛ̀rʋ ŋa pɛr? A nɩsaal yã-bãwfʋ mɩ́ ɩ na a ʋ niwn nyɩwrɛ, ɛ́ ɩ a ʋ niwn na ko a ʋ lɩɛbɩ.

Zʋkpaɩ 12:7

A nɩ-faar wa lo a, bɛ bɛ mɩ́ cãà ɩ, ɛcɛ a nɩ-mɩn yir mɩ́ kpɛmɛ na àr.

Zʋkpaɩ 12:9

Fʋ̃ʋ ɩ nɩr bɛ na ɩrɛ laar ɛ́ fʋ tɛr tõ-tõ-bie a, a sa na fʋ na ɩrɛ a nɩ-sɩza ɩb ɛ́ bɛ tɛr bʋ̃-dɩra na dɩ a.

Zʋkpaɩ 29:27

A nɩ-mɩn bɛ mɩ́ nɔnɛ a yel-fa-maalbɛ ɩ, a nɩ-faar bɛ mɩ́ nɔnɛ a bɛlɩ dem na ɩrɛ vla a ɩ.

Ɩzayi 19:14

A Sore ɩ na a bɛ yã bɔr, ɛ́ bɛ ƴãw a Eziptɩ tẽw bɔrɛ a ʋ yele za pʋɔ. Ʋ ŋmɛ̃ na mɛ̃ dã-kuole na mɩ́ dẽdere tire nɩ a.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.