Zʋkpaɩ 12:5 - A SƐB-SÕW

⁵ A lɛ-na-tu-sɔr-a tɛwr'a a nɩ-mɩn mɩ́ tɩ́ɛrɛ, ɛ́ a nɩ-faar tɩ́ɛrɛ a lɛ na bɛ tori a.

Zʋkpaɩ 12:5 Referans Kwoze

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Sɛb-sõw yielu 139:23

Naaŋmɩn i, jɛl a ɩ̃ pʋɔ bãw mɛ̃, ɩ m kaa, bãw a bom nɛ na ƴãwnɛ mɛ̃ tɩɛrʋ a.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Matie 26:4

Bɛ tɩ wõ n taa kɛ́ bɛ maalɩ yã nyɔw a Yeezu kʋ.

Matie 2:16

A Erɔdɩ na tɩ nyɛ̃ k'aa Saa-pɛrɩ́ bãw-bãwnbɛ bɛlɩ ʋ na a, ʋ nyɛ̃ nɩ suur yaga, ɛ́ tõ nɩbɛ bɛ cen a Bɛtɩlɛm nɩ a ʋ tẽ-kpɔwlɩ pʋɔ, tɩ kʋ a dɛbli za na bɛ tɩ ta yome ayi a. A yome ayi á ŋá tɩ man na taa nɩ a lɛ ʋ na tɩ sowri a yele a Saa-pɛrɩ́ bãw-bãwnbɛ manɩ kʋ̀ ʋ a.

Zʋkpaɩ 24:9

Tɩɛr-been yõ n'ʋ a dãbol sob tɛr: a yel-bier maalʋ! Ɛ́ a nɩbɛ bɛ nɔnɛ nɩr na ɩrɛ bom za laar a ɩ.

Zʋkpaɩ 11:23

A vla tɛwr'a a nɩ-mɩn mɩ́ gùre, a nɩ-faar bɛ gùre bom a bɛ ɩ a suur tɛwr ɛ.

Sɛb-sõw yielu 119:15

Ɩ̃ na tɩɛrɛ nɩ a fʋ tub a na fɛr kɛ́ bɛ tuur a, ɛ́ tuur a sɔ́r fʋ na puo kʋ̀ m a vla.

Zʋkpaɩ 12:4

Pɔw na ɩ pɔw a mɩ́ ɩ n a ʋ sɩr nyʋ̀ʋ́r, ɛcɛ pɔw na bɛ zɔrɛ vĩ a mɩ́ ɩ n kãkarmɛ na dɩrɛ a ʋ sɩr kɔbɛ a.

Zʋkpaɩ 12:6

A nɩ-faar ƴɛ̀rʋ ɩ n bɛrɩ na kʋrɛ a, ɛcɛ a nɩ-dẽdẽ mɩnɛ ƴɛ̀rʋ mɩ́ gù bɛ nɩ a kũu ƴãw.

Zʋkpaɩ 14:8

Nɩr na bãw a maal-ɩb a mɩ́ piwre nɩ a ʋ ɩ-ɩrɩ, ʋ na ɩ yã-bãwnɛ a ƴãw. Ɛcɛ a dãbole mɩ́ bɔrɛ nɩ a bɛ dãbolu zũú.

Zeremi 9:3

Ŋa za ʋ mɩ́ gù ʋ tʋɔra a ʋ bá ƴãw, ɛ́ nɩr taa ƴãwnɛ a ʋ tɩɛrʋ a ʋ yɛb ƴãw ɛ. Bʋ̃ʋ n'ʋ vɛ̃, yɛb za mɩ́ bãw nɩ lɛ ʋ na na nɛb fʋ a, ɛ́ bá za ɩ gɛgɛra gɛrɛ fʋ.

Zeremi 9:5

Bɛ mɩ́ ɩ n po-to-fãw-ɩb tɩ lʋ̃ɔ nɩ po-to-fãw-ɩb, ŋma ziri tɩ lʋ̃ɔ nɩ ziri. Bɛ zawr'a na bãw mɛ̃. A mãa, a Sore, mãa n'ʋ yel.»