Zʋkpaɩ 10:7 - A SƐB-SÕW

⁷ A nɩbɛ mɩ́ tɛr'ɩ a nɩ-mɩŋa tɩ́ɛrʋ, ɛcɛ bɛ mɩ́ yiir'ɩ a nɩ-faar bɛr tɩ lãwnɩ a bɛ yie.

Zʋkpaɩ 10:7 Referans Kwoze

Sɛb-sõw yielu 112:6

A nɩ-mɩŋa bɛ be za na lo ɩ, a nɩbɛ na tɛr'ɩ a ʋ tɩɛrʋ kʋralɛ.

Luka 1:48

Ʋ sàw na jɩ́r a ʋ tõ-tõ-bi-pɔw bãbàalʋ kaa. Sɩza n'a, dɩ̃a na ta a, a nɩbɛ na dɔwr lɩɛrɛ taa a, na bʋɔlɛ mɛ̃ nɩ Zu-nʋ̃ɔ̀ sob,

Markɩ 14:9

Yel-mɩŋa sɩza n'a ɩ̃ yere kʋ̀rɛ nyɩ: zie nɛ za bɛ nãà wa hiere a Yel-nʋ̃ɔ̀ a tẽ-daa za zu a, bɛ mɩ̀ na mɩ́ manɩ nɩ à á ŋá a pɔw ŋa na ɩ a, cãà tɩɛrɛ nɩ a ʋ yele.»

Sɛb-sõw yielu 109:13

A ʋ bʋʋrɛ, bɛ baarɩ, a ʋ yúor, ʋ bɔr a nɩbɛ na na dɔw tu a pʋɔ!

2 Bibie za yel-manɩ 24:16

Bɛ tɩ ũù ʋ nɩ a «Daviir Tẽ-kpɛ̃ɛ» pʋɔ, lãwnɩ a na-mɩnɛ, bʋ̃ʋ n'ʋ vɛ̃, ʋ tɩ ɩ n vla a Ɩsɩrayɛl ƴãw nɩ a Naaŋmɩn nɩ a ʋ Yir ƴãw.

Sɛb-sõw yielu 109:15

A Sore, ʋ tɛr a bɛ sãwna tɩɛrʋ kʋralɛ, ɛ́ ɩ a bɛ yúor bɔr a tẽw zu!

A Zɔb sɛbɛ 18:17

Bɛ na yiir'ɩ ʋ yele a tẽw pʋɔ, nɩr kʋ̃ lɛb por a ʋ yúor zie za ɩ.

2 Na-mɩnɛ 19:34

Ɩ̃ na gù n a Zerizalɛm ɛ́ faa ʋ, ɩ̃ na ɩ Naaŋmɩn a ƴãw, nɩ a Daviir ɩ̃ na tu a ƴãw.”»

1 Na-mɩnɛ 11:36

Ɩ̃ na bɛr'ɩ dɔwlʋ been a Salomɔ̃ bidɛb, k'aa ɩ̃ tõ-tõ-bie Daviir mɩ́ tɛr bʋʋrɛ kʋralɛ ʋ dɩrɛ a naalʋ a ɩ̃ niŋé a Zerizalɛm, a tẽ-kpɛ̃ɛ ɩ̃ na kaa ír k'ɩ̃ɩ mɩ́ wul a be ɩ̃ na be a nyɩ sɔgɔ a.

Ekilezɩasɩ 8:10

Ɩ̃ nyɛ̃ na bɛ maalɩ nɩ-faar kuor. A nɩbɛ bɛ ŋa mɩ̀ mɩ́ tɩ cen nɩ a Ŋmɩn-yir-kpɛ̃ɛ pʋɔ. Ɛ́ a Zerizalɛm a, a nɩbɛ yiir'ɩ a lɛ za bɛ na tɩ ɩ a bɛr. À á ŋá mɩ̀ ɩ n bàlʋ zawla.

A Zɔb sɛbɛ 27:23

Bɛ ŋmɛ n kuryii ʋ na lo a ƴãw, a be ʋ na tɩ be a, bɛ 'húore ʋ na.

Zeremi 17:13

Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

2 Bibie za yel-manɩ 32:33

Ʋ na wa kpi a, bɛ ũù ʋ nɩ a Daviir bʋʋrɛ yaa pʋɔ, a zu-sɔw. A ʋ kũu daar, a Zuda nɩ a Zerizalɛm nɩbɛ za tɩ ƴãw ʋ na. A ʋ bidɛb Manase n'ʋ tɩ lɩɛrɩ ʋ dɩ a naalʋ.

A Zɔb sɛbɛ 24:20

A ʋ mã mɩ́ yiir'ɩ a ʋ yele, ɛ́ zãzule wone nɩ ʋ nʋ̃ɔ̀. Nɩr za mɩ́ yiir'ɩ a ʋ yele. A ɩ-faa n'ɩ ŋa bɛ kà bɛr mɛ̃ dàa a.»

Sɛb-sõw yielu 34:16

A Sore jɩ́rɛ nɩ a nɩ-mɩn, ʋ mɩ́ ƴãw nɩ tobr a bɛ cɛlsɩ ƴãw.

Zʋkpaɩ 22:1

Yo-vla sa tɛra yaga. A nɩbɛ na nɔnɛ fʋ a vɩɛl'a zuo a salm-zɩɛ nɩ a salm-pla.

Ɩzayi 14:22

A Sore, a kpɛnʋ-za-sob, yere na: «Ɩ̃ na ìr'ɩ a Babɩlɔn tẽw dem ƴãw. Ɩ̃ na ɩ na a Babɩlɔn yúor bɔr, lãwnɩ a ʋ nɩbɛ na cãà vʋʋrɛ a, a bɛ bibiir nɩ a bɛ pùorí nɩbɛ.

Sɛb-sõw yielu 34:17

A Sore mɩ́ ír'ɩ mimir ƴãw a yel-fa-maalbɛ, k'ʋʋ ɩ bɛ yiiri a bɛ yele a tẽw zu.

Sɛb-sõw yielu 41:5

Mãa ƴãw a, ɩ̃ yel'ɩ a Sore: «Sore e, zɔ ɩ̃ nɩbaalʋ ɛ́ sanɩ mɛ̃, bʋ̃ʋ n'ʋ vɛ̃, ɩ̃ sãw fʋ na.»