Zʋkpaɩ 1:23 - A SƐB-SÕW

²³ Nyɩ bɛrɛ wone a gɔ́b ɩ̃ na gɔnɛ nyɩ a. Lɛ n'a ɩ̃ na bɛr a ɩ̃ vʋʋrʋ ʋ siw a nyɩ zu ɩ kɛ̀ nyɩ bãw a ɩ̃ ƴɛ̀rʋ.

Zʋkpaɩ 1:23 Referans Kwoze

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

Ɩzayi 32:15

Bibir kãw, a Sore na cir'ɩ a ʋ Vʋʋrʋ ƴãw a tɩ zu. Lɛ n'a a wɛja-kpalɛ na lɩɛbɩ tɩ-wɔnɩ zaadɛ̃, ɛ́ a tɩ-wɔnɩ zaadɛ̃ lɩɛbɩ tuw.

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Luka 11:13

A lɛ pʋɔ, nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ a Vʋʋrʋ Sõw a bɛlɩ dem na zɛlɛ ʋ a?»

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Zʋkpaɩ 12:1

Nɩr na nɔnɛ a wulu a nɔnɛ nɩ a bãwfʋ. Nɩr na bɛ sàwr kɛ́ bɛ yere ʋ a ɩ n dãbol.

Ɩzayi 45:8

Salom i, bɛr a mɩnʋ ʋ yi a saa-zu be siw mɛ̃ ɓɩɛlʋ a. A zũzuwe, a ɩ ʋ cir mɛ̃ a saa a! A tẽw, ʋ yuo, a faafʋ nyɛ̃ maalʋ ɛ́ a mɩnʋ bul! A mãa, a Sore, mãa n'ʋ ír a bome á ŋá za.»

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Zʋkpaɩ 10:17

Nɩr na sàwr wulu a lo n a nyɔ-vʋʋrʋ sɔ́r, ɛcɛ nɩr na zawrɛ a kpãàfʋ bɛrɛ a bɔrɛ na.

Sɛb-sõw yielu 145:1

Danʋ yielu Daviir na maalɩ a. Ɩ̃ Naaŋmɩn i, fʋ̃ʋ Nãà a, ɩ̃ na manɛ na fʋ na ɩ kpɛ̃ɛ a, ɩ̃ na puore fʋ nɩ yãanɩ kʋrakʋralɛ.

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

Zeremi 3:14

Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Zʋkpaɩ 1:30

Nyɩ zawr'ɩ a yã ɩ̃ na wule nyɩ a, ɛ́ bɛ ŋmɛlɩ kaa a ɩ̃ kpãàfʋ ɛ.

Zʋkpaɩ 6:23

Bʋ̃ʋ n'ʋ vɛ̃, a nɔ-ƴãwna ɩ na mɛ̃ fɩ̃tɩlɛ a, ɛ́ a wulu ɩ mɛ̃ cãà a. A kpãàfʋ nɩ a yelu n'a mɩ́ ɩ kɛ̀ tɩ àr a nyɔ-vʋʋrʋ sɔ́r zu.

Zʋkpaɩ 1:25

Nyɩ zawr'ɩ a ɩ̃ wulu za bɛr, ɛ́ bɛ sàw de a ɩ̃ kpãàfʋ zaa pʋrɩlɛ ɩ.

Zã 7:39

A Naaŋmɩn Vʋʋrʋ, a bɛlɩ dem na sàw de ʋ a, na waar nãà páw a, ʋlɛ n'ʋ ʋ tɩ yere a lɛ. Bɛ bɛ tɩ tɩr a Naaŋmɩn Vʋʋrʋ sɛr ɛ, a Yeezu na bɛ tɩ nyɛ̃ yúor-vɩɛlʋ-danʋ sɛr a ƴãw.

Zowɛl 2:27

Lɛ n'a nyɩ na bãw k'ɩ̃ɩ be n a nyɩ sɔgɔ, Ɩsɩrayɛl nɩbɛ ɛ, k'aa Sore nyɩ Naaŋmɩn a, mãa n'ʋ, kãw za bɛ lɛb be be ƴãw pʋɔ ɩ. A ɩ̃ nɩbɛ bɛ be za na lɛb nyɛ̃ vĩ towtow ɛ.»

Zowɛl 3:1

A Sore yere na: «Al pùorí, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na ƴɛ̀rɛ nɩ naaŋmɩn-ƴɛ̀r-manbɛ ƴɛ̀rʋ, zánʋ na waar'ɩ a nyɩ nɩ-kore, a nyɩ pɔlbili na nyɛrɛ nɩ bʋ̃-nyɛrɩ.