Zʋkpaɩ 1:22 - A SƐB-SÕW

²² «A nyɩɩm na bɛ bãw bom za a, debor'a nyɩ na nɔ̃w a nyɩ bom bɛ-bãwfʋ tɩ ta? A nyɩɩm nɩ-ɩ-laarbɛ, debor'a nyɩ na ɩ m la tɩ ta? A nyɩɩm dãbole, debor'a nyɩ na zawrɩ a bãwfʋ bɛr tɩ ta?

Zʋkpaɩ 1:22 Referans Kwoze

Zʋkpaɩ 5:12

Lɛ n'a fʋ na yel: «Ɩ̃ bɛ tɩ nɔ̃w a kpãàfʋ ɛ, ɩ̃ bɛ tɩ sàw a yelu bɛ na tɩ yere mɛ̃ a ɩ,

Zʋkpaɩ 1:29

A yele á ŋá na ɩ na, nyɩ na zawrɩ na zanɩ a nyɔ-vʋʋrʋ, ɛ́ bɛ sàw kaa ír a Sore zɔba a.

Sɛb-sõw yielu 1:1

Zu-nʋ̃ɔ̀ sob'ɩ a nɩr ʋl na bɛ tuur a nɩ-faar wulu a, na bɛ cɔwrɛ a yel-bebe dem a, na bɛ zɩnɛ a Naaŋmɩn-ɩ-laarbɛ sɔgɔ a!

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

2 Pɩɛr 3:3

Nyɩ páw bãwnɩ a, a bibi-pɛ-baarɩ pʋɔ a, nɩbɛ na ɩrɛ bɛ taabɛ laar a na yi na, vʋʋrɛ mɛ̃ a lɛ bɛl mɩŋa na bɔbr a,

Zã 3:20

Yel-mɩŋa n'a, sob nɛ za na ɩrɛ faa a, ʋ bɛ nɔnɛ a cãà ɩ, ɛ́ bɛ yire cãà pʋɔ ɩ, kɛ́ a ʋ ɩ-ɩrɩ taa wa mab sãá ɩ.

Luka 19:42

Ʋ tɩ yere na: «A fʋ̃ʋ mɩ̀ a, fʋ̃ʋ tɩ ɩ mɛ̃ fʋ bãw nɩ a dɩ̃a bibir a lɛ fʋ na na ɩ páw a ƴã-ɓaarʋ a! Ɛcɛ we! A yel ŋa sɔwl'ɩ a fʋ zie, fʋ kʋ̃ tʋ̃ɔ́ nyɛ̃ ʋ ɛ.

Matie 9:13

Nyɩ cen tɩ zànɩ a Sɛb-sõw ƴɛ̀r-bie á ŋá pɛr: “Nɩbaal-zɔba n'a ɩ̃ bɔbr, bàwr bɛ n'a ɩ.” Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Zʋkpaɩ 21:11

Bɛlɛ wa kpãa a nɩ-ɩ-laarɛ a, a nɩr ʋl na bɛ bãw bom za a mɩ́ lɩɛb'ɩ yã-bãwnɛ. Bɛlɛ wa wul yã-bãwnɛ bom a, ʋ mɩ́ maalɩ ʋ na.

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Matie 17:17

A Yeezu tɩ de nɩ a ƴɛ̀rʋ yel: «Nɩsaal-faar bɛ ŋa, nɩ nɩbɛ na bɛ sàw de Naaŋmɩn a! Debor'a ɩ̃ na be a nyɩ zie tɩ ta? Debor'a ɩ̃ na wõ n nyɩ a tuo tɩ ta? Nyɩ tɛr a bie wa kʋ̀ m.»

Zʋkpaɩ 19:29

A kpãàfʋ be n a nɩ-ɩ-laarbɛ ƴãw, ɛ́ a ŋmɩɛrʋ be a dãbol zikur ƴãw.

Zʋkpaɩ 15:12

Sob nɛ na bɛ ŋmɛlɛ kaar bom za a bɛ nɔnɛ kɛ́ bɛ mɩ́ yere ʋ ɛ, ʋ bɛ lãw zɩnɛ nɩ a yã-bãwnbɛ ɩ.

Zʋkpaɩ 14:6

Nɩr a tobr na bɛ ka bom za ƴãw a na tʋ̃ɔ́ na bɔbr a yã-bãwfʋ: ʋ bɛ nyɛrɛ ʋ ɛ. Ɛcɛ nɩr na tɛr a yã a mɩ́ páw nɩ a bãwfʋ fɔ̃wlɛ.

Zʋkpaɩ 8:5

A nyɩɩm na bɛ bãw bom a, nyɩ zanɩ a maal-ɩb. A nyɩɩm dãbole, nyɩ zanɩ a yã.

Zʋkpaɩ 7:7

Ɩ̃ tɩ nyɛ̃ nɩ pɔlbili na bɛ bãw bom za a, ɩ̃ɩ mɩ́ tɩ nyɛ̃ nɩ a bɛ pʋɔ pɔlbil-vɛlvɛl na bɛ tɛr yã a.

Zʋkpaɩ 6:9

Ɛ́ a fʋ̃ʋ, ƴã-tuo sob i, debor'a fʋ na gã tɩ ta? Debor'a fʋ na ìr a fʋ gʋ̃ɔ pʋɔ?

Zʋkpaɩ 3:34

A Sore mɩ́ ɩ n a nɩ-ɩ-laarbɛ la, ɛcɛ, ʋ mɩ́ ɩrɛ nɩ nɔ̃wfʋ ɩb a su-siwri dem zie.

Zʋkpaɩ 1:7

A Sore zɔba n'ɩ a yã-bãwfʋ tib zie. Dãbole tɛwr nɛbɛ mɩ́ ɩrɛ a yã-bãwfʋ nɩ a wulu laar.

Zʋkpaɩ 1:4

A mɩ́ ɩ n a bɛlɩ dem na bɛ bãw bom a, bɛ tɛr maal-ɩrɛ. A mɩ́ kʋ̀ n bãwfʋ a pɔlbili ɛ́ mɩ́ sõw bɛ bɛ tɛr tɩɛrʋ.

Sɛb-sõw yielu 94:8

Nyɩ wone, nyɩɩm na gem tɩ maal zuo a! Dãbole bɛ ŋa, debor'a nyɩ na bãw a yã?

A Zɔb sɛbɛ 34:7

A Zɔb tɛr'ɩ ʋ tɔ ɔ? Ʋ mɩ́ ɩ n a nɩr la mɔlɛ mɔlɛ mɛ̃ ŋmale pʋɔ kʋ̃ɔ ʋ na nyũ a!

Sɔr-nɛ́ɛ 14:27

«Ɩ̃ wõ n a Ɩsɩrayɛl nɩbɛ na zɛbr'ɩ mɛ̃ a. Debor daar'a a lãw-faa ŋa nɩbɛ na zɛb'ɩ mɛ̃ tɩ ta?

Eziptɩ tẽw yib 16:28

A Sore tɩ yel'ɩ a Moyiir: «Debor'a nyɩ na zawrɩ a ɩ̃ nɛ-ƴãwnɩ nɩ a ɩ̃ wulu tɩ ta?

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Zʋkpaɩ 1:21

Ʋ bʋɔlɛ nɩ a be a nɩbɛ na yãwmɛ a, ʋ hiere na yere a tẽ-kpɛ̃ɛ dɩ̃dɛɛ ƴãw:

Zʋkpaɩ 1:32

Bʋ̃ʋ n'ʋ vɛ̃, a bɛlɩ dem na bɛ bãw bom a zuru mɩ́ kpɛmɛ na, ɛ́ bɛ mɩ́ kpi a bɛ zu-kpɛ̃w kũu. A dãbole mɩ́ vʋʋrɛ na ɛ́ bɛ tɛr tɩɛrʋ ɛ, a mɩ́ wa n a bɛ loba.

Zʋkpaɩ 21:24

Nɩr na ɩrɛ nyɔka-ɩb nɩ pɔ̀l-ɩb a mɩ́ ɩrɛ nɩ bom za laar. A ʋ pɔ̀lʋ mɩ́ sãá nɩ kpɩlɩlɩ a ʋ ɩb za pʋɔ.

Zʋkpaɩ 22:3

A kpɩɛrʋ wa waar a, a nɩr na bãw maal-ɩb a mɩ́ sɔwl'a. Ɛcɛ a bɛlɩ dem na bɛ bãw bom a mɩ́ cãà na lo a bɛ sɔ́r tɩ páw a tuo.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Zeremi 13:27

Aa! a fʋ pɩ̃ɔ ɩ-ɩrɩ, a dɛb vʋla kon, a fʋ pɔw-yɛm vĩ tome! Ɩ̃ nyɛ̃ nɩ a za vla a tãli zu nɩ a póru pʋɔ, a fʋ tɩb-faar faar! Bʋnʋ baw-bio n'a Zerizalɛm i, fʋ bɛ bɔbr kɛ́ fʋ so a fʋ dɛwr bɛr ɛ! Debor'a a na cãà cɛlɩ tɩ ta?»