Zozue 6:17 - A SƐB-SÕW

¹⁷ Nyɩ na sãw nɩ a tẽw bɛr, nɩ bom za na be a ʋ pʋɔ a, a Sore ƴãw. A pɔw-yɛm Arahab yõ n'ʋ na vʋʋrɛ, ʋlɛ nɩ a bɛlɩ dem na na lãwnɩ ʋ be a ʋ yir a, bʋ̃ʋ n'ʋ vɛ̃, ʋ sɔwl'ɩ a tɩ nɩbɛ na tɩ cen a tẽw piwru a.

Zozue 6:17 Referans Kwoze

Wulu-ayi-sob 20:17

Nyɩ na kʋ n a Hititɩ mɩnɛ, a Amoritɩ mɩnɛ, a Kanãa tẽw dem, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ pàw pɛr, mɛ̃ a lɛ a Sore nyɩ Naaŋmɩn na yel kʋ̀ nyɩ a,

Zakɩ 2:25

Lɛ n'a a mɩ̀ tɩ ŋmɛ̃ a pɔw-yɛm Arahab zie. A ʋ ɩ-ɩrɩ ƴãw n'a Naaŋmɩn tɩ sàw kʋ̀ ʋ k'ʋʋ ɩ n nɩ-mɩŋa, ʋ na tɩ de a Ɩsɩrayɛl nɩbɛ na tɩ cen kɛ́ bɛ tɩ piwri bãw a zie a sãanʋ a, ɛ́ wul bɛ sɔr-yũo bɛ lɛb tu kul a.

Mise 4:13

A Sore yere na: «Zerizalɛm nɩbɛ ɛ, nyɩ ìr va a ble! Ɩ̃ na ɩ na nyɩ kpɛmɛ mɛ̃ náab na ƴãw kure ɩ́lɛ́ nɩ kur-zɩɛ nafɩlɛ a. Nyɩ na nɛb'ɩ nɩ-bʋʋr-yaga nɩ gbɛ́ɛ. Ɛ́ a bɛ na-bome nyɩ na na fa a, nyɩ na de a na kʋ̀ m, a mãa Sore, mãa na so a tẽ-daa za a.»

Ebre 11:31

A sàw-deb zũú n'a a pɔw-yɛm Arahab bɛ tɩ kpi lãwnɩ a bɛlɩ dem na bɛ tɩ de a Naaŋmɩn a ɩ, ʋ na tɩ de a nɩbɛ na wa a tẽw piwru ƴãw a vla a.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Galasi 3:12

Ɛcɛ a Naaŋmɩn wulu bɛ yi a naaŋmɩn-sàw-deb pʋɔ ɩ, bɛ nɩ̃ɛ na mɩ̀ cãà sɛb: «Sob nɛ na tuur a Wulu nɛ-ƴãwnɩ a, a na ɩ na ʋ vʋʋrɛ.»

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

1 Korɛ̃tɩ 2:7

Ɛcɛ a yã-bãwfʋ ʋl tɩɩm na yere a, ʋ ɩ n Naaŋmɩn yã-bãwfʋ tɩ na kʋ̃ tʋ̃ɔ́ bãw tɔ, ʋʋ sɔwlɩ gã a. A yã-bãwfʋ ʋl a Naaŋmɩn na tɩ dãw bãwnɩ tɩ cɔbrɩ a tɩ yúor-vɩɛlʋ-danʋ ƴãw, ɛ́ a dɩta-pɛ-yome za bɛ be sɛr a.

Matie 25:40

A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na ɩ à à ŋá a pʋrmɛ bɛ ŋa kãw zie na ɩ a ɩ̃ yɛbr a, mãa zie n'a nyɩ ɩ a lɛ.”

Yele-za-pɛr-tib 12:3

Ɩ̃ na mɩ́ maal'ɩ a bɛlɩ dem na ƴɛ̀rɛ nɔ-vla ƴãwn fʋ a, ɛ́ ŋmɛ ƴãw a bɛlɩ dem na ŋmɩɛr ƴãwn fʋ a. Ɩ̃ na maal'ɩ a tẽw zu nɩ-bʋʋrɛ za a fʋ zũú.»

1 Korɛ̃tɩ 16:22

Nɩr bɛ wa nɔnɛ a Sore a, ʋ ɩ nɩ-ŋmɛ-ƴãwna. Marana ta (Tɩ Sore e, wa!)

Ezekɩɛl 39:17

A Sore tɩ lɛb'a yel mɛ̃: «A fʋ̃ʋ nɩsaal bie, yel a ɩ̃ yúor ƴãw a lili-pɛ-bʋʋrɛ za nɩ a wɛ-dʋn: Nyɩ yi a ziir za wa, nyɩ ɓã taa pʋɔ a bàwr ɩ̃ na maalɛ kʋ̀rɛ nyɩ a pʋɔ. Ʋ na ɩ n bàwr-kpɛ̃ɛ a Ɩsɩrayɛl tẽw tan zu. Nyɩ na 'wɔb'ɩ ƴã-gã-nɛn ɛ́ nyũ zɩ̃ɩ.

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Ɩzayi 34:6

A Sore zɛbr-sɔ-kpɛ̃ɛ ɩ n zɩ̃ɩ tɛwr, kãá n'a pàw ʋ: mɛ̃ pʋ́rɩ nɩ bʋrɩ zɩ̃ɩ a, mɛ̃ alãbie kãá a. A Bɔsɩra na ɩ a tẽ-kpɛ̃ɛ a pʋɔ a, a Sore maalɛ nɩ bàwr. Kʋb na ɩ kʋb a n'a gã a Edɔm tẽw pʋɔ.

Ɛsɩdɩrasɩ 10:8

Nɩr bɛ wa wa ka nɩ bibie ata a, mɛ̃ a lɛ a nɩ-bɛrɛ nɩ nɩ-kore na yel a, bɛ na de nɩ a ʋ bʋ̃-tɛrɩ za, ɛ́ ír ʋ bɛr a nɩ-diw-ceni lãw pʋɔ.

1 Samɩɛl 15:6

Al pùorí, ʋ tɩ ƴãw na bɛ yel a Kenitɩ mɩnɛ: «Nyɩ yi zaa a Amalɛkɩ tẽw dem sɔgɔ, nyɩ cen zãá nɩ bɛ, ɩ̃ taa wa ɩrɛ nyɩ mɛ̃ a bɛl a ɩ, bʋ̃ʋ n'ʋ vɛ̃, a lɛn daar a Ɩsɩrayɛl nɩbɛ na tɩ yi a Eziptɩ a, nyɩ tɩ ɩ n vla a bɛ zie.» Lɛ n'a a Kenitɩ mɩnɛ tɩ yi zaa a Amalɛkɩ tẽw dem sɔgɔ.

Zozue 7:1

A Ɩsɩrayɛl nɩbɛ tɩ ɩ n ɩ-faa kãw càar'ɩ a bome a Sore na tɩ yel kɛ́ bɛ taa dier a: Zuda dɔwlʋ nɩr kãw, Karmi bidɛb, Akan, tɩ de nɩ a bome a mɩnɛ na tɩ ciir deb a. A Karmi tɩ ɩ n Zavidi bidɛb, ɛ́ ɩ Zera yãw. Lɛ n'a a Sore suur tɩ ìr a Ɩsɩrayɛl nɩbɛ ƴãw.

Zozue 2:22

A zi-piwrbɛ tɩ cen nɩ a tan pʋɔ tɩ be a be bibie ata, ɛ́ gù a bɛ diwrbɛ tɩ lɛb wa a Zeriko. A bɛlɩ dem na tɩ diwr bɛ a tɩ bɔ bɛ nɩ a sɔ́r zu ziir za guu.

Zozue 2:1

A Nun bidɛb, Zozue, tɩ be n a Sitim, ɛ́ tõ dɛbr ayi kɛ́ bɛ cen tɩ sɔwlɩ piwri bãw a tẽw. Ʋ tɩ yel bɛ na: «Nyɩ cen tɩ cɔlɩ jɩ́r a tẽw ŋa nɩ a Zeriko tẽw nyɛ̃.» Bɛ tɩ cen na tɩ kpɛ pɔw-yɛm kãw na dɩ Arahab a yir, gã a be.

1 Samɩɛl 15:3

Lɛ so, cen tɩ zɛb'ɩ a Amalɛkɩ a ƴɛrɛŋa. Bom nɛ za ʋ na so a, sãw ʋ bɛr pẽlẽpẽlẽ, taa bɛrɛ ʋ ɛ. Kʋ bɛ za pàw pɛr, a dɛbr, a pɔwbɛ, a bibiir nɩ a bi-pɩɩlɛ, a nĩi nɩ a píir, a nyɔ̃wmɩ nɩ a bòn.»

Levitɩ mɩnɛ 27:21

A “Pʋ-pɩɛlʋ yũon” a, bɛ na de nɩ a púo ŋa kʋ̀ a Sore, a bàwr-maalbɛ na so ʋ, mɛ̃ púo bɛ na de kʋ̀ a Sore a nʋɔr kʋ a.