Zozue 5:4 - A SƐB-SÕW

^4-5 A Ɩsɩrayɛl nɩbɛ na tɩ yi a Eziptɩ tẽw a, a dɛbr bɛl za na tɩ ta a zɛbr a, tɩ ŋma n yɛɛ, ɛcɛ bɛ kpi n a wɛja-kpalɛ pʋɔ. Ɛcɛ a dɛbli bɛl na dɔw a sɔ́r zu, a wɛja-kpalɛ pʋɔ a, a bɛl yɛɛ bɛ tɩ ŋma ɩ, alɛ n'a so a tɩ fɛr k'aa Zozue ŋma bɛ a yɛɛ.

Zozue 5:4 Referans Kwoze

1 Korɛ̃tɩ 10:5

Ɛcɛ a bɛ yaga zie bɛ tɩ pɛlɩ a Naaŋmɩn pʋɔ ɩ, lɛ so bɛ tɩ kpi pàw a wɛja-kpalɛ.

Wulu-ayi-sob 2:16

A zɛbr-nɩbɛ bɛ ŋa za na wa kpi baarɩ a Ɩsɩrayɛl nɩbɛ pʋɔ a,

Wulu-ayi-sob 2:14

A tɩ maal'ɩ yome lɩzɛr'ɩ pie nɩ ani, tɩ na tɩ yi a Kadɛsɩ-Barneya, ɛ́ cen tɩ ta a Zerɛdɩ fʋɔla gãwfʋ zie a. A lɛn daar a, a nɩbɛ bɛl na tɩ ta zɛbr maalʋ a sɔ́r loba daar a, a bɛ bʋʋrɛ za tɩ baar'a mɛ̃ a lɛ a Sore na tɩ pɔ yel kʋ̀ bɛ a.

Sɔr-nɛ́ɛ 14:22

k'aa nɩbɛ bɛ ŋa kãw za kʋ̃ kpɛ a tẽw ŋa pʋɔ ɩ. Bɛ nyɛ̃ nɩ a ɩ̃ yúor-vɩɛlʋ-danʋ nɩ a fãw ɩb al za ɩ̃ na ɩ a Eziptɩ nɩ a wɛja-kpalɛ pʋɔ a, ɛcɛ, bɛ bɛ bɛr a ɩ̃ ɩ-kaafʋ ɛ, zawrɛ a ɩ̃ nʋɔr kʋralɛ. Lɛ so, a bɛ been kãw za kʋ̃ nyɛ̃ a tẽw ɩ̃ na yel k'ɩ̃ɩ na kʋ̀ n a bɛ sãàkʋm-kore a ɩ, bɛ za na faa zawrɩ mɛ̃ bɛr a ƴãw.

Zozue 5:3

A Zozue tɩ maal'ɩ a kʋsɛ-pɛlɛ sɔ̀rʋ ŋma n a Ɩsɩrayɛl nɩbɛ yɛɛ, a tãw ʋl bɛ na bʋɔlɛ a Yɔ-gamɛ tãw a zu.