Zozue 13:25 - A SƐB-SÕW

²⁵ A bɛ zie tɩ n'ɩ a Yazɛɛr tẽw, a Galaadɩ tẽ-bɛrɛ za, nɩ a Amɔ̃ biir tẽw põ-zɛ̃-taa, tɩ tɔ n a Arowɛɛr na tori a Araba a.

Zozue 13:25 Referans Kwoze

2 Samɩɛl 12:26

A sojarɩ nɩ-kpɛ̃ɛ Zowab tɩ zɛb'ɩ nɩ a Amɔ̃ tẽw dem tẽ-kpɛ̃ɛ Araba, zɛb de a zie ʋl a nãà na kpɩɛr a.

2 Samɩɛl 11:1

A yũon na tɩ lɩɛbɩ a, a lɛn daar a na-mɩnɛ na mɩ́ cen a zɛbr a, a nãà Daviir tɩ tõ n a sojarɩ nɩ-kpɛ̃ɛ, Zowab, k'ʋʋ de a Ɩsɩrayɛl zɛbr-nɩbɛ nɩ a bɛ sojarɩ-nɩ-bɛrɛ niwn, bɛ cen tɩ zɛb'ɩ a Amɔ̃ tẽw dem. Bɛ tɩ kʋ n a Amɔ̃ tẽw dem pàw a ziir za, ɛ́ cɔbrɩ kɛ́ bɛ zɛb de a Araba na ɩ a tẽ-kpɛ̃ɛ a. A Daviir ʋl tɩ be n a Zerizalɛm.

Wulu-ayi-sob 3:11

— A Basan nãà, Ɔgɩ, tɩ n'ɩ a Erefayim bʋʋrɛ nɩ-been na cɛ a. Bɛ na tʋ̃ɔ́ na cãà nyɛ̃ a ʋ gado a Araba na ɩ a Amoritɩ mɩnɛ tẽ-kpɛ̃ɛ a. Kʋsɩɛr na kpɛmɛ mɛ̃ kure a pʋɔ n'a bɛ tuw ʋ ír, a ʋ wogo zuo nɩ mɛtɩr anaar ɛ́ a ʋ yɛ̀lʋ ta mɛtɩr ayi.—

Sɔr-nɛ́ɛ 32:35

Atʋrɔtɩ-Sofan, Yazɛɛr, Yogboha,

Amɔsɩ 1:14

ɩ̃ na ƴãw nɩ vũu a Araba tẽw, ʋʋ na dɩ n a ʋ yir-vɩɛlɩ vɩɛlɩ za, zɛbr bibir zɛbr cɛlsɩ pʋɔ nɩ saa-sɛsɛb pʋɔ.

Ezekɩɛl 21:20

Ʋ mɩ́ ɩ n ŋa za kanyir baarɩ, ɩ nɩr za ʋ dẽdere. Dɩ̃dɔr za niŋé a, ɩ̃ bin nɩ a kũu zɛbr-sɔ-kpɛ̃ɛ. Ʋ be n be k'ʋʋ nyɩwrɛ pɩn pɩn, bɛ saalɩ ʋ na k'ʋʋ mɩ́ kʋ vla.

Zozue 21:39

Hɛsɩbon nɩ a ʋ dʋn mʋ̃ɔ 'wɔbrʋ ziir, Yazɛɛr nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ anaar.

Wulu-ayi-sob 2:19

Nyɩ na tuor'a tɔ a Amɔ̃ tẽw. Nyɩ taa bɔbr bɛ nɔhaarʋ ɛ, nyɩ taa ŋmaarɛ nɩ bɛ zɛbr ɛ. Ɩ̃ bɛ kʋ̀rɛ nyɩ a bɛ tẽw zie kãw za ɩ. Bʋ̃ʋ n'ʋ vɛ̃, Lɔtɩ bʋʋrɛ nɛbɛ ɩ̃ kʋ̀ a zie ŋa bɛ so ʋ.» —

Sɔr-nɛ́ɛ 21:32

A Moyiir tɩ tõ n nɩbɛ bɛ tɩ piwri bãw a Yazɛɛr, al pùorí a Ɩsɩrayɛl nɩbɛ zɛb de a tẽ-kpɛ̃ɛ ŋa nɩ a tẽli-kpɔwlɩ, ɛ́ diw a Amoritɩ mɩnɛ bɛr a be.

Zozue 13:11

A bɛ zie mɩ̀ tɩ cãà n'ɩ a Galaadɩ tẽw, a Gesuur tẽw nɩ a Maaka tẽw, lãwnɩ a Hɛrmɔ̃ tãw za nɩ a Basan za tɩ tɔ n a Salka.

Zozue 13:24

A Moyiir tɩ kʋ̀ n zie a Gadɩ dɔwlʋ yie, mɛ̃ a lɛ a bɛ yie na ɩ a.

Zozue 13:26

Al pùorí, ʋ lɛb yi a Hɛsɩbon tɩ tɔ a Aramatɩ-Misɩpe nɩ a Betonim, ɛ́ yi a Mahanayim tɩ tɔ a Lodevaar tʋr-bɔw.

2 Samɩɛl 24:5

Bɛ tɩ gãw nɩ a Zurdɛ̃, ɛ́ tĩ a nɩbɛ sɔ́rʋ a Arowɛɛr tẽw, nɩ a tẽw ʋl na be a fʋɔla pʋ̃ɔmɩ za a. Bɛ tɩ tu na tɔl a Gadɩ dɔwlʋ pʋɔ, tu Yazɛɛr lowr,

1 Bibie za yel-manɩ 26:31

Yeriya tɩ n'ɩ a Ebrɔ̃ dɔwlʋ nɩ-kpɛ̃ɛ. A Daviir naalʋ-dɩb yome lɩz'a ayi daar, bɛ tɩ bɔ n a lɛ a dɔwfʋ na ɩ a yir ŋa pʋɔ a, ɛ́ bɛ tɩ nyɛ̃ nɩ nɩ-tɩbr tɩbr Yazɛɛr tẽw na be Galaadɩ a, bɛ ɩ a yir ŋa nɩbɛ.

Ɩzayi 16:8

A Hɛsɩbon wɛrʋ ko na, nɩ a Sivima divɛ̃ tɩɩr póru. A divɛ̃ tɩɩr póru á ŋá divɛ̃ mɩ́ tɩ kuol'ɩ a bɛlɩ dem na so a nɩ-bʋʋrɛ a. A póru á ŋá mɩ́ tɩ cen na tɩ sãá Yazɛɛr, ɛ́ bɔr kpɛ a wɛja-kpalɛ pʋɔ. A tɩɩr wuli mɩ́ tɩ vo na tɩ gãw a kʋ̃ɔ-kpɛ̃ɛ-Kũu bɛr.

Zeremi 48:32

Sivima tẽw divɛ̃ tɩɛ ɛ, ɩ̃ kone fʋ na gãw a Yazɛɛr tẽw nɩbɛ ɩ̃ na kone a. Fʋ tɩ tɛ n a fʋ wuli bɛr a tɩ gãw a kʋ̃ɔ-kpɛ̃ɛ-kũu bɛr, a cen tɩ tɔ a Yazɛɛr tẽw. Ɛcɛ, a zi-sãwnɛ lo na nyɛ a fʋ divɛ̃ tɩ-wɔmɛ nɩ a fʋ bʋ̃-dieri.

Ƴɛ̀r-dɩrbɛ 5:17

A Zurdɛ̃ saa-pɛrɩ́, a Galaadɩ pʋɔ a, a dɔwlʋ bɛ dam dam ɛ. A Dan dɔwlʋ nɩbɛ àr'a kɔw a bɛ gbee, a Asɛɛr dɔwlʋ nɩbɛ mɩ̀ àr'a pɩɛlɩ a bɛ gbee siwfʋ zie, a kʋ̃ɔ-kpɛ̃ɛ nʋɔr.

Ɩzayi 17:2

A nɩbɛ na zɔ na kɛ́ bɛr a tẽ-bɛrɛ ʋ na so a kʋralɛ. Dʋn n'a na so a, ganɛ a be, ɛ́ nɩr bɛ damnɛ a ɩ.