Zowɛl 2:18 - A SƐB-SÕW

¹⁸ A Sore nɔnɛ nɩ a ʋ tẽw, ʋ zɔ n a ʋ nɩbɛ nɩbaalʋ,

Zowɛl 2:18 Referans Kwoze

Zakari 8:2

«A mãa, a Sore, ɩ̃ nɔnɛ nɩ a Zerizalɛm vũuvũu, a nɔ̃wfʋ ŋa dɩrɛ mɛ̃ na mɛ̃ vũu a.

Zakari 1:14

A malkɩ na tɩ ƴɛ̀rɛ a ɩ̃ zie a, tɩ yel mɛ̃ na: Hieri yel: À ŋá n'a a Sore, a Kpɛnʋ-za-sob, yere: «Ɩ̃ nɔnɛ nɩ a Zerizalɛm nɩ a Sɩyɔ̃ tãw vũuvũu.

Sɛb-sõw yielu 103:13

Mɛ̃ a lɛ sãà na mɩ́ zɔrɛ a ʋ bibiir nɩbaalʋ a, lɛ n'a a Sore zɔrɛ a bɛlɩ dem na zɔrɛ ʋ a nɩbaalʋ.

Zakɩ 5:11

Nyɩ nyɛ̃, a bɛlɩ dem na mɩ́ dɩ kanyir a, tɩ mɩ́ yel'a kɛ́ bɛ tɛr'ɩ zu-nʋ̃ɔ̀. Nyɩ wõ n a Zɔb kanyir yele, ɛ́ nyɩ nyɛ̃ nɩ a lɛ a Sore na maal'ʋ a baarʋ daar a. A Sore sɩrɩ na tɛr su-ɓaarʋ yaga ɛ́ zɔrɛ nɩbaalʋ.

A Lãw-mʋɔlɛ 3:22

A Sore vɩɛlʋ-ɩb bɛ baar ɛ, ʋ bɛ wul a ʋ nɔ̃wfʋ baarɩ ɛ.

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Luka 15:20

Lɛ n'a ʋ tɩ ìr lɛb kule a ʋ sãà zie.» «Ʋ na tɩ cãà zãá nɩ a yir a, a sãà tɩ nyɛ̃ ʋ na, nɩbaalʋ za kpɛ ʋ. Ʋ tɩ zɔ na tuor'ʋ, nyɔw ʋ weri ɛ́ puor'ʋ.

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Ɩzayi 60:10

A Sore yere nɩ a Zerizalɛm zie: Sãanbɛ nɛbɛ na lɛb mɛ a fʋ dacĩ-bɛrɛ, ɛ́ a bɛ na-mɩnɛ be a fʋ tome tob ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ suur, ŋmɛ b. Ɛcɛ ƴɛrɛŋa a ɩ̃ pʋ-pɩɛlʋ pʋɔ a, ɩ̃ lɛb'a wule fʋ a ɩ̃ nɔ̃wfʋ.

Ɩzayi 42:13

A Sore waar'a mɛ̃ soja-gãdaa a, mɛ̃ zɛbr-nɩr na tʋlɛ a zɛbr ƴãw a. Ʋ ŋmɩɛr'ɩ a zɛbr cɛl, ʋ ɩrɛ nɩ gɔmɛ, ʋ ɩrɛ nɩ gãda-ɩb a ʋ dɔ̃ dem zie.

Sɛb-sõw yielu 103:17

Ɛcɛ a Sore nɔ̃wfʋ be n be koro kãw za, ɛ́ na be be kʋralɛ a bɛlɩ dem na zɔrɛ ʋ a zie. Ɛ́ a ʋ mɩnʋ be a bɛ bibiir bibiir ƴãw,

Ƴɛ̀r-dɩrbɛ 10:16

Bɛ tɩ wob'ɩ a ŋmɩn-sãanbɛ lɔb bɛr, ɛ́ lɛb tĩ maalɛ a Sore. Lɛ n'a a Sore bɛ tɩ tʋ̃ɔ́ bɛr a Ɩsɩrayɛl nɩbɛ bɛ cãà wone a tuo ɩ.

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

Wulu-ayi-sob 32:36

A Sore na sɩrɩ na dɩ a ƴɛ̀rʋ nɩ mɩnʋ kʋ̀ a ʋ nɩ-bʋʋrɛ, ʋ na zɔ n a ʋ tõ-tõ-biir nɩbaalʋ, ʋlɛ wa nyɛ̃ a bɛ fãw za baarɩ a, ʋlɛ wa nyɛ̃ tɩ̀ɛrɛ nɩ sõwne za bɛ ka be a.

Wulu-ayi-sob 32:16

A Ɩsɩrayɛl nɩbɛ tɩ ɩrɛ nɩ ɩb na bɛ maal'ɩ wob a, ƴãw a Sore nyɛrɛ suur. Bɛ tɩ maalɛ nɩ ŋmɩn-yoru ɩ kɛ̀ nyuur ɩrɛ ʋ.

Ɩzayi 37:32

Bʋ̃ʋ n'ʋ vɛ̃, nɩbɛ na cɛ a na yi n a Zerizalɛm, nɩbɛ na cɩ̃ɛ a na ìr'a àr a Sɩyɔ̃ tãw zu.» A Ɩzayi tɩ yel'a ƴãw pʋɔ: «À ŋá n'a a Sore, a kpɛnʋ-za-sob na ɩ, a ʋ nɔ̃wfʋ na tʋlɛ a zũú.

2 Na-mɩnɛ 19:31

Bʋ̃ʋ n'ʋ vɛ̃, nɩbɛ na cɛ a na yi n a Zerizalɛm, nɩbɛ na cɩ̃ɛ a na ìr'a àr a Sɩyɔ̃ tãw zu.» A Ɩzayi tɩ yel a ƴãw pʋɔ: «À ŋá n'a a Sore na ɩ, a ʋ nɔ̃wfʋ na tʋlɛ a zũú.