Zowɛl 1:7 - A SƐB-SÕW

⁷ A ɩ na a tɩ divɛ̃ tɩɩr póru lɩɛbɩ wɛja-kpalɛ, a pʋrwʋr'ɩ a tɩ kãkã-tɩɩr bɛr. A pɛnɩ pɛnɩ a na, ɛ́ cɛ̀ a lɔb, a wuli pɛlɩ gã.

Zowɛl 1:7 Referans Kwoze

Amɔsɩ 4:9

«Ɩ̃ ƴãw na bàalʋ kpɛ a nyɩ ciri, ɩ a ko bɩɩ pɔ̃ a dàar zu, a nyɩ zaadɛ̃ pʋɔ bome nɩ a divɛ̃ tɩɩr, a nyɩ kãkamɛ nɩ a nyɩ olivʋ tɩɩr, zãzule 'wɔb a na. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Ɩzayi 5:6

Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

Zowɛl 1:12

A divɛ̃ tɩɩr púo ko na gã, a kãkã-tɩɩr var'a àr. Girenadɩ tɩɩr, kpãkparmɛ tɩɩr nɩ pɔm tɩɩr, a tɩ-wɔnɩ za ko na. Nʋ̃ɔ̀ za baar'ɩ a nɩsaalbɛ zie.

Habakukɩ 3:17

A kãkã-tɩɩr bɛ cãà pure ɩ, a divɛ̃ tɩɩr bɛ wɔnɛ ɩ, a olivʋ tɩɩr bɛ tɛr wɔm kãw za ɩ. A póru bɛ cãà tɛr bʋ̃-dɩra kãw za ɩ. Píir bɛ cãà a píir zaw pʋɔ ɩ. Nĩi mɩ̀ bɛ cãà a nazawr pʋɔ ɩ.

A naaŋmɩn-ƴèr-manɛ Oze sɛbɛ 2:12

Ƴɛrɛŋa ʋl a, ɩ̃ na wul'ɩ a ʋ faalʋ a ʋ sɛnbɛ. Nɩr kʋ̃ piw mɛ̃ sɔ́r a lɛ ƴãw ɛ.

Zeremi 8:13

A Sore yere na: «Mãa wa bɔbr bʋ̃-dieri deb a bɛ zie a, divɛ̃ tɩ-wɔmɛ bɛ mɩ́ be a divɛ̃ tɩɛ zu ɛ! Kãkamɛ bɛ mɩ́ be a kãkã-tɩɛ zu ɛ! A váar tɛɛ za mɩ́ vàr'a. A na ɩ lɛ a, ɩ̃ na bɛr'a na kʋ̀ sɔr-tɔlbɛ.»

Ɩzayi 24:7

Wahala n'a a divɛ̃-paala zie, a divɛ̃ tɩɛ kpiir a, a nʋ̃ɔ̀-wonbɛ za kone na.

Sɛb-sõw yielu 105:33

Ʋ sãw nɩ a bɛ divɛ̃ tɩɩr nɩ a bɛ kãkã-tɩɩr bɛr, ʋ kár'ɩ a Eziptɩ tẽw tɩɩr za bɛr.

Eziptɩ tẽw yib 10:15

A tɩ pàw nɩ a tẽw za a tẽsɔw bɛ tɩ cãà sãá ɩ. A tɩ 'wɔb'ɩ a mʋ̃ɔ nɩ a tɩ-wɔmɛ al za a sa-bi-kube na tɩ bɛr a. A bɛ tɩ cɛ va-sɛbla been kãw za bɛr a tɩrʋ zu nɩ a póru pʋɔ, a Eziptɩ tẽw za pʋɔ ɩ.

Eziptɩ tẽw yib 10:14

A tɩ pàw nɩ a Eziptɩ tẽw za, ɛ́ dɔm a ziir za. A bɛ tɩ tɛr nʋɔr ɛ: nɩr bɛ tɩ dãw nyɛ̃ sãsoge sɛw a lɛ a koro za ɩ, ɛ́ kʋ̃ nyɛ̃ a sɛw a lɛ a pùorí ɛ.

Ɩzayi 32:12

Nyɩ wul a nyɩ pʋ-sãwna, nyɩ kone ƴãwn a póru vɩɛlʋ nɩ a divɛ̃ tɩɩr na wɔ̃ a.

Malasɩ 3:11

Ɩ̃ na tanɩ nɩ a sãsowe bɛr, a ta lɛ 'wɔb a nyɩ bʋ̃-kʋ́ɔrɩ ɛ, a ta ɩ a nyɩ divɛ̃ tɩɩr a bɛ wɔnɛ ɩ. Mãa n'ʋ yere à à ŋá kʋ̀rɛ nyɩ, mãa, a Sore kpɛnʋ-za-sob.