Zowɛl 1:4 - A SƐB-SÕW

⁴ A bʋ̃-kʋ́ɔrɩ al a tãatuli na bɛr a, sãsowe 'wɔb a na, a al a sãsowe na bɛr a, zãzule 'wɔb a na, a al a zãzule na bɛr a, sãsow-nãa-nʋrɩ 'wɔb a na.

Zowɛl 1:4 Referans Kwoze

Zowɛl 2:25

A Sore yere na: Ɩ̃ lɛb'a kʋ̀rɛ nyɩ a yome al za bʋ̃-kʋ́ɔrɩ a tãatuli, a sãsowe, a zãzule nɩ a sãsow-nãa-nʋrɩ na 'wɔb a, al na ɩ a ɩ̃ zɛbr-nɩ-yaga ɩ̃ na tõ a nyɩ ƴãw a.

Amɔsɩ 4:9

«Ɩ̃ ƴãw na bàalʋ kpɛ a nyɩ ciri, ɩ a ko bɩɩ pɔ̃ a dàar zu, a nyɩ zaadɛ̃ pʋɔ bome nɩ a divɛ̃ tɩɩr, a nyɩ kãkamɛ nɩ a nyɩ olivʋ tɩɩr, zãzule 'wɔb a na. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 7:1

Bom ŋa n'ʋ a Sore Naaŋmɩn tɩ ɩ ɩ̃ nyɛ̃: ʋ tɩ ɩ na sãsoge yire a lɛn daar a mʋ̃ɔ na lɛb tɔmnɛ a, a mʋ̃ɔ bɛ na tɩ ŋma a nãà dʋn ƴãw, ɛ́ a lɛb tɔmnɛ a.

Ɩzayi 33:4

Lɛ n'a a mɩ́ ɩ a zab: à mɩ́ ɩ na mɛ̃ sãso-nãá-nʋrɩ n'a fʋ nyɛ̃ a. Bɛ mɩ́ lore na nyɩɛr a zɛbr na-bome mɛ̃ sãsoge na yãwmɛ bɛ dɩ vuo a.

Sɛb-sõw yielu 78:46

Ʋ tɩ ɩ na sãsow-nãa-nʋrɩ só a bɛ bʋ̃-kʋ́ɔrɩ, sãsoge só a bɛ tome tɔnɛ.

Eziptɩ tẽw yib 10:4

Fʋ̃ʋ wa cãà zawrɩ na bɛr a ɩ̃ nɩbɛ bɛ cen a, bio tɛwr, ɩ̃ na ɩ na sãsoge wa a fʋ tẽw pʋɔ.

Zeremi 51:14

A Sore, a kpɛnʋ-za-sob, pɔ n nɩ a ʋl mɩŋa à ŋá: «Sɩza, ɩ̃ na paalɩ fʋ na nɩ nɩbɛ mɛ̃ sãsoge a, ɛ́ bɛ na ŋmɛ n a zɛb-tʋ̃ɔ́fʋ cɛlsɩ a fʋ ƴãw.»

Sɛb-sõw yielu 105:34

A Naaŋmɩn tɩ ƴɛ̀r a, ɛ́ sãsoge nɩ sãsow-nãa-nʋrɩ wa bɛ dɩ vuo ɩ,

2 Bibie za yel-manɩ 7:13

Mãa wa pàw a salom ɛ̀ saa bɛ cãà waar a, mãa wa ƴãw a sãsoge k'aa sãw a tẽw a, mãa wa ƴãw jɛ̀lmɛ̃ bàalʋ a ɩ̃ nɩ-bʋʋrɛ pʋɔ a,

Wulu-ayi-sob 28:38

Nyɩ na mɩ́ bʋ̀r'ɩ a nyɩ póru yaga, ɛ́ wa cɛ̀ a bɛ saalɩ ɛ, a sãsoge na na mɩ́ 'wɔb a za a ƴãw.

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

1 Na-mɩnɛ 8:37

«Kɔ̃ wa lo a, bɩɩ bàal-faa kãw bɛ na bʋɔlɛ jɛ̀lmɛ̃ a wa kpɛ a tẽw pʋɔ a, a bʋ̃-kʋ́ɔrɩ al na mɩ́ tɛr bie a wa kòre bɩɩ pɔnɛ a dàar zu a, a sãsoge nɩ a sãsow-nãa-nʋrɩ wa wa yaga za a, dɔ̃ dem wa zɛb'ɩ a fʋ nɩbɛ tɩ kpɛ n a tẽ-bɛrɛ al na cɔbrɩ kpɛmɛ a zɛbr ƴãw a pʋɔ a, yel-faa za bɩɩ bàalʋ za wa wa a,

2 Bibie za yel-manɩ 6:28

Kɔ̃ wa lo a, bɩɩ jɛ̀lmɛ̃ bàalʋ wa kpɛ a tẽw pʋɔ a, a bʋ̃-kʋ́ɔrɩ al na mɩ́ tɛr bie a wa kòre bɩɩ pɔnɛ a dàar zu a, a sãsoge nɩ a sãsow-nãa-nʋrɩ wa wa yaga za a, dɔ̃ dem wa zɛb'ɩ a fʋ nɩbɛ tɩ kpɛ n a tẽ-bɛrɛ al na cɔbrɩ kpɛmɛ a zɛbr ƴãw a pʋɔ a, yel-faa za bɩɩ bàalʋ za wa wa a,

Wulu-ayi-sob 28:42

Sãsoge na so a tɩɩr nɩ a nyɩ tẽsɔw bʋ̃-kʋ́ɔrɩ za.

Eziptɩ tẽw yib 10:5

A na pàw nɩ a tẽsɔw za, ʋ kʋ̃ cãà sãá ɩ. A na baa na 'wɔb a bʋ̃-kʋ́ɔrɩ al a sa-bi-kube na bɛ sãw bɛr a, a bɛ cɩɛr bom bɛrɛ a tɩɩr na bule a nyɩ póru pʋɔ a zu ɛ.

Malasɩ 3:11

Ɩ̃ na tanɩ nɩ a sãsowe bɛr, a ta lɛ 'wɔb a nyɩ bʋ̃-kʋ́ɔrɩ ɛ, a ta ɩ a nyɩ divɛ̃ tɩɩr a bɛ wɔnɛ ɩ. Mãa n'ʋ yere à à ŋá kʋ̀rɛ nyɩ, mãa, a Sore kpɛnʋ-za-sob.