Zeremi 9:18 - A SƐB-SÕW

¹⁸ Lãw-mʋɔlɛ kone na yire a Sɩyɔ̃ tẽw lowr: «'Woi, bɛ sãw tɩ na bɛr, vĩ kʋrɛ tɩ na! A fɛr'a kɛ́ tɩ yi ɛ́ bɛr a tẽw, bʋ̃ʋ n'ʋ vɛ̃, bɛ dá n a tɩ yie lɔb.»

Zeremi 9:18 Referans Kwoze

Zeremi 14:17

«Fʋ na ƴɛ̀r'ɩ a ƴɛ̀rʋ ŋa kʋ̀ bɛ: Ɩ̃ bɔbr'a k'aa ɩ̃ mʋta-kʋ̃ɔ nãá gbɔlɛ ta tɛr ŋmãafʋ ɛ, mʋ̃tɔ̃w nɩ tɩ̃ɩsɔw! Bʋ̃ʋ n'ʋ vɛ̃, kpɩɛrʋ kpɛ̃ɛ páw nɩ a ɩ̃ nɩ-bʋʋrɛ na ɩrɛ nɩbaalʋ a, a ʋ natɩr sɩrɩ bɛ tɛr sanʋ ɛ.

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

Ɩzayi 22:4

Alɛ n'a so ɩ̃ yere kʋ̀rɛ nyɩ: «Nyɩ ta kaarɛ ɩ̃ zie ɩ, nyɩ bɛr mɛ̃ ɩ̃ kõ a ɩ̃ mʋta-zɩ̃ɩ. Nyɩ ta dɩ tuo yel kɛ́ nyɩ mɔwlɩ mɛ̃ a ɩ̃ nɩ-bʋʋrɛ yele na sãw a ƴãw ɛ.

A Lãw-mʋɔlɛ 2:18

A Zerizalɛm nɩbɛ lãw nɩ socir been cɩɩrɛ nɩ a Sore zie. Sɩyɔ̃ tẽw dacĩ-kpɛ̃ɛ ɛ, bɛr a fʋ mʋta-kʋ̃ɔ a gbɔlɛ mɛ̃ bà-fʋɔla kʋ̃ɔ a, mʋ̃tɔ̃w nɩ tɩ̃ɩsɔw. Taa yel kɛ́ fʋ pɩ̃ɛnɛ na ɩ, a mʋta-kʋ̃ɔ, a taa ŋmaarɛ towtow ɛ.

A Lãw-mʋɔlɛ 2:11

A ɩ̃ mimie kõ na tɩ bàl, a ɩ̃ tɩɛrʋ za dam'a, ɩ̃ mɩ́ nyɔw nɩ ɩ̃ tʋɔra gú, a dɔwrʋ na páw a ɩ̃ nɩ-bʋʋrɛ a ƴãw. Bʋ̃ʋ n'ʋ vɛ̃, a bibiir nɩ a bi-pɩɩlɛ fãw báarɛ nɩ a nɩbɛ tuor-taa ziir a tẽ-kpɛ̃ɛ pʋɔ.

A Lãw-mʋɔlɛ 1:2

Ʋ mɩ́ kõ n a tɩ̃ɩsɔw a ʋ kɔ́rɛ za tɩ vʋɔrɛ mʋta-kʋ̃ɔ. A bɛlɩ dem za na tɩ nɔnɛ ʋ a pʋɔ a, nɩr bɛ ka be mɔwlɛ ʋ ɛ. A ʋ bárɩ za mɩl ʋ na, ƴɛrɛŋa a, bɛ lɩɛb'ɩ a ʋ dɔ̃ dem.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Zeremi 9:20

«A kũu dúor'ɩ a tɩ tokori-vɛɛ ƴãw kpɩɛr, ʋ kpɩɛr'ɩ a tɩ yir-vɩɛlɩ vɩɛlɩ pʋɔ. Ʋ ŋmɩɛr'ɩ a tɩ bibiir kʋrɛ a sɛ́ɛ zu, ɛ́ ŋmɩɛr a pɔlbili kʋrɛ a tuor-taa ziir.»

Zeremi 9:10

A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

Luka 19:41

A Yeezu na tɩ pɩɛlɩ a Zerizalɛm, nyɛ̃ a tẽw a, ʋ kõ n a ʋ ƴãw.

Sɛb-sõw yielu 119:136

A ɩ̃ mimie zɔrɛ nɩ mʋta-kʋ̃ɔ, bɛ na bɛ sàwr a fʋ wulu a ƴãw.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

A Lãw-mʋɔlɛ 3:48

A mʋta-kʋ̃ɔ gbɔlɛ mɛ̃ na mɛ̃ kʋ̃ɔ a, a ɩ̃ nɩbɛ yele na sãw a ƴãw.

Amɔsɩ 5:16

À ŋá n'a a Sore, a Naaŋmɩn kpɛnʋ-za-sob, a ɩ̃ Sore, à ŋá n'a ʋ yere: «A nɩbɛ tuor-taa ziir za a, koe na be n be, a soli za pʋɔ bɛ na kone na: 'Woi! 'Woi! Bɛ na yel'ɩ a kuor kʋ̀ ka-kʋ́ɔrbɛ, bɛ na tõ na bʋɔlɩ a lãw-konbɛ kɛ́ bɛ wa a kuor.

Zeremi 3:24

Ɛcɛ, a tɩ pɔ̀lʋ daarɩ́ za a, a Báàl maalʋ na ɩrɛ vĩ a baar'ɩ a alɩ bome nɛ za a tɩ sãà mɩnɛ na tɩ bàl bɛ tʋɔra páw a, a bɛ píir, a bɛ bʋʋr, a bɛ nĩi, a bɛ bidɛbr nɩ a bɛ pɔwyaar.

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 4:20

Bɛ cɩɩrɛ na: «Yel-sãwnɩ n'a dɔwlɩ dɔwlɩ taa wɛ!» Sɩza, a tẽw za sãw na. Bɛ ùr'a wɩl a tɩ pɛnɛ-sɛwr, a tɩ sɔwlʋ ziir ŋmʋr'a bɔr.

A Lãw-mʋɔlɛ 2:13

Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?