Zeremi 9:17 - A SƐB-SÕW

¹⁷ Kɛ́ bɛ wa fɔ̃w za wa kõ lãw-mʋɔlɛ a tɩ ƴãw! K'aa tɩ mimie ɩ mʋta-kʋ̃ɔ cɔb! K'aa tɩ mimi-gamɛ bùr a za!»

Zeremi 9:17 Referans Kwoze

Ekilezɩasɩ 12:5

Lɛ n'a a sɔ́r na dúor a na ɩrɛ dɛ̃bɩ̃ɛ, ɛ́ pʋl-vʋ̃ɔ be a sɔ́r zu. A zukɔbɛ na pɛlɩ na mɛ̃ tɩɛ na pu a, ɛ́ a ƴã-gan tɩbrɛ mɛ̃ sãsowr na ìr gù ɛ́ lɛb lo a, ɛ́ a bʋ̃-dɩ-mɩɩla nʋ̃ɔ̀ baarɩ. À ŋá n'a ŋa na mɩ́ cere a ʋ yir-pɛ-baara pʋɔ, ɛ́ a kõ-konbɛ be a sɔ́r zu baarɩ.

2 Bibie za yel-manɩ 35:25

A naaŋmɩn-ƴɛ̀r-manɛ Zeremi tɩ kõ n lãw-mʋɔlɛ a Zozɩasɩ ƴãw. A lɛn daar za wa tɩ tɔ a dɩ̃a a, a yiel-yielbɛ dɛbr nɩ pɔwbɛ za, ƴɛ̀rɛ nɩ a Zozɩasɩ ƴɛ̀rʋ a bɛ lãw-mʋɔlɛ pʋɔ. Bʋ̃ʋ n'ʋ vɛ̃, a tɛr'ɩ lɛɛɛ, tɩ ɩ ɩb ɩrɛ a Ɩsɩrayɛl tẽw. A lãw-mʋɔlɛ á ŋá ƴɛ̀r-bie be n a lãw-mʋɔlɛ sɛbɛ pʋɔ.

Markɩ 5:38

Bɛ tɩ ta n a puoru-dĩo nɩ-kpɛ̃ɛ yir. A Yeezu nyɛ̃ nɩbɛ na zɔrɛ tʋɔr-taa, kone ŋmɩɛr'ɩ cɛlsɩ yaga za a.

A Zɔb sɛbɛ 3:8

A bɛlɩ dem na ŋmɩɛr ƴãwn a bibie a, bɛ ŋmɛ ƴãw ʋ, bɛl na bãw a wa-bɩɛ Levɩatã sɩ̃wfʋ a.

Matie 9:23

A Yeezu na tɩ ta a nɩ-kpɛ̃ɛ yir a, ʋ nyɛ̃ nɩ nɩbɛ na pɛblɛ weli a, nɩ zu-sɛbla na damnɛ a. Ʋ tɩ yel'a:

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

A Lãw-mʋɔlɛ 2:5

A Sore ɩ n a ɩb mɛ̃ dɔ̃ sob a. Ʋ sãw nɩ a Ɩsɩrayɛl nɩ a ʋ yir-vɩɛlɩ bɛr. Ʋ ŋmɛr'ɩ a ʋ zɛbr-yir-kpɛn bɛr, ƴãw kon nɩ pʋ-sãwna a zie za, a Zuda nɩbɛ pʋɔ.

Ezekɩɛl 27:2

«A fʋ̃ʋ nɩsaal bie, kõ lãw-mʋɔlɛ ƴãw a Tɩ́ɩ̀r tẽ-kpɛ̃ɛ

Ezekɩɛl 32:16

A lãw-mʋɔlɛ ŋa n'ʋ a nɩ-bʋʋrɛ za pɔwbɛ na ŋmãa a Eziptɩ tẽw nɩ a ʋ nɩ-yaga ƴãw. A mãa Sore Naaŋmɩn n'ʋ yere.»

Amɔsɩ 5:1

Ɩsɩrayɛl yir nɩbɛ ɛ, nyɩ bɛrɛ wone a ƴɛ̀r-bir ŋa, a lãw-mʋɔlɛ ŋa ɩ̃ na kone a nyɩ ƴãw a.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»