Zeremi 8:1 - A SƐB-SÕW

¹ A lɛn daar a, a Sore n'ʋ yere, bɛ na yaw nɩ a Zuda tẽw na-mɩnɛ, a tõ-tõ-bi-bɛrɛ, a bàwr-maalbɛ, a naaŋmɩn-ƴɛ̀r-manbɛ nɩ a bɛlɩ dem na kpɩɛr a Zerizalɛm a kɔbɛ.

Zeremi 8:1 Referans Kwoze

Ezekɩɛl 6:5

Ɩ̃ na bin nɩ a Ɩsɩrayɛl nɩbɛ kũuni a bɛ ŋmɩmɛ niŋé ɛ́ yaarɩ a bɛ kɔbɛ viiri koli a bɛ bàwr-maal-kube.

Amɔsɩ 2:1

À ŋá n'a a Sore yere: «A Mowab nɩbɛ na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na nyɩw a Edɔm tẽw nãà kɔbɛ ɛ́ ɩ a lɩɛbɩ gʋɔr-pla a zũú.

Ezekɩɛl 37:1

A Sore fãw tɩ siw nɩ a ɩ̃ zu, ɛ́ a ʋ Vʋʋrʋ tɛr mɛ̃ cen nɩ tɩ bin bà-fʋɔl-yɛlʋ na ɩ kɔbɛ tɛwr a pʋɔ.

2 Na-mɩnɛ 23:20

A maalʋ-ziir bàwr-maalbɛ bɛl za na tɩ be be a, ʋ tɩ ŋmaarɩ bɛ nɩ a kɔkɛɛ a bàwr-maal-kube zu, ɛ́ nyɩw nɩsaalbɛ kɔbɛ a bàwr-maal-kube á ŋá zu. Al pùorí, a Zozɩasɩ tɩ lɛb'a wa a Zerizalɛm.

2 Na-mɩnɛ 23:16

A lɛ n'a a Zozɩasɩ tɩ lɩɛbɩ nyɛ̃ a yarʋ na be a tãw zu a. Ʋ tɩ tõ n nɩbɛ bɛ cen tɩ ír kɔbɛ a yarʋ pʋɔ, kɛ́ bɛ wa nyɩw a a bàwr-maal-kuur zu sãw ʋ bɛr, a tu a lɛ a Naaŋmɩn nɩr na tɩ yel a lɛn daar a nãà Zerobowam na tɩ àr a bàwr-maal-kuur niŋé, a cuw daar a. Al pùorí a Zozɩasɩ lɩɛbɩ nyɛ̃ a Naaŋmɩn nɩr ŋa yaa,

1 Na-mɩnɛ 13:2

A Sore ƴɛ̀rʋ zũú, ʋ tɩ cɩɩr'a yel a bàwr-maal-kuur: «Bàwr-maal-kuur i! Bàwr-maal-kuur i! Bɛrɛ wone a lɛ a Sore na yere a! Dɛble na dɔw nɩ a Daviir yir pʋɔ. Ʋ na dɩ na kɛ́ Zozɩasɩ. Bàwr-maal-kuur i, ʋ na kʋ n a maalʋ-ziir bàwr-maalbɛ maal'ɩ a bàwr a fʋ zu, a be bɛ na tɩ nyɩwr a bàwr-maal-bome a koro za a. Bɛ na nyɩw nɩ nɩsaalbɛ kɔbɛ tɛɛ za a fʋ zu!»

2 Na-mɩnɛ 9:37

Ɛ́ a Zezabɛl zarmɛ na yàar'a pàw a púo ŋa mɛ̃ pʋɔrʋ a, bɛ kʋ̃ mɩ́ tʋ̃ɔ́ yel kɛ́: Zezabɛl'ʋ ɛ.”»

Sɛb-sõw yielu 53:5

A Naaŋmɩn yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za na nɛbr a ɩ̃ nɩbɛ dɩrɛ nɩ a bɛ bʋ̃-dɩrɩ, ɛ́ bɛ lɩɛbɛ kaar mɛ̃ towtow a!»

Zeremi 14:16

A kɔ̃ nɩ a zɛbr na kʋ n a bɛlɩ dem bɛ na ƴɛ̀r a naaŋmɩn-ƴɛ̀r-manbɛ ƴɛ̀rʋ ŋa kʋ̀ a. Bɛ na lɔb lɔb'ɩ a bɛ kũuni bɛr a Zerizalɛm sɛ́ɛ pʋɔ, ɛ́ nɩr za kʋ̃ be be ũù bɛ ɩ, a bɛl, a bɛ pɔwbɛ, a bɛ bidɛbr nɩ a bɛ pɔwyaar. Ɩ̃ na ɩ na a bɛ faa lɩɛbɩ lo a bɛ zu.”»

Ezekɩɛl 6:4

Bɛ na dá n a nyɩ bàwr-maal-kube lɔb, ŋmɛr a nyɩ parfɛ̃ nyɩwfʋ ziir bɛr, ɛ́ a nyɩ yaga zie na lo na kpi a nyɩ ŋmɩn-dɛgɛ niŋé.