Zeremi 7:26 - A SƐB-SÕW

²⁶ Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Zeremi 7:26 Referans Kwoze

Zeremi 16:12

Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

2 Bibie za yel-manɩ 30:8

Nyɩ mɩ̀ ta gaarɩ mɛ̃ a nyɩ sãà mɩnɛ a ɩ: nyɩ bɛr a Sore so nyɩ, nyɩ lɛb wa ʋ zi-sõw pʋɔ ʋ na ɩ ʋ ɩ sõw a nʋɔr kʋ a, ɛ́ nyɩ tone a Sore nyɩ Naaŋmɩn. Lɛ n'a a ʋ su-tʋlʋ a nyɩ ƴãw na ɓãá.

Matie 23:32

A vɩɛl a! Nyɩ cãà cere nɩ a lɛ, a ʋlɩ bom nɛ a nyɩ sãàkʋm-kore na tĩ a, nyɩ baa kʋ a ʋ nʋɔr!

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Matie 21:38

Ɛcɛ a divɛ̃ tɩɩr po-kʋ́ɔrbɛ na wa nyɛ̃ a bie a, bɛ yel'a kʋ̀ taa: “A gbã-dɩrɛ n'ʋ. Nyɩ wa tɩ nyɔw ʋ kʋ ɛ́ so a gbã-dɩ-bome!”

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zeremi 34:14

Ɩ̃ tɩ yel bɛ na: Alɛ wa maalɩ yome ayopõi a, a nyɩ kãw za na mɩ́ lɛb'a bɛr a ʋ yɛb na ɩ a Ebre bʋʋrɛ, ɛ́ wa kʋɔrɩ ʋ tʋɔra a ʋ zie a, ʋ so ʋ tʋɔra. Ʋ na mɩ́ ɩ n a fʋ gbãgbaa yome ayʋɔb, al pùorí, fʋ lɛb bɛr ʋ, ʋ so ʋ tʋɔra. Ɛcɛ a nyɩ sãàkʋm-kore bɛ tɩ bɛr wõ ɩ, bɛ bɛ tɩ cɛlɩ be ɩ.

Zeremi 29:19

Bʋ̃ʋ n'ʋ vɛ̃, bɛ bɛ bɛr wõ a ɩ̃ ƴɛ̀rʋ ɛ, a Sore n'ʋ yere. Ɛcɛ ɩ̃ ƴãw nɩ nũu tõ a ɩ̃ tõ-tõ-biir, a ɩ̃ ƴɛ̀r-manbɛ, a bɛ zie, ɛ́ bɛ bɛ bɛr wõ a bɛ ƴɛ̀rʋ ɛ, a mãa, a Sore n'ʋ yere.”

Zeremi 26:5

Nyɩ bɛrɛ wone a ɩ̃ tõ-tõ-biir na ɩ a ɩ̃ ƴɛ̀r-manbɛ a ƴɛ̀rʋ. Ɩ̃ ƴãw nɩ nũu tõ bɛ a nyɩ zie, ɛcɛ nyɩ bɛ bɛr wõ a bɛ ƴɛ̀rʋ ɛ.

Zeremi 25:7

Ɛcɛ nyɩ bɛ bɛr wõ m ɛ, a Sore n'ʋ yere. A nyɩ faa ƴãw a, nyɩ nɩ̃ɛ na tɩ ɩ a ɩ̃ suur ìr a nyɩ nuru bʋ̃-maalɩ ƴãw.”

Zeremi 25:3

«A Amɔ̃ bidɛb Zozɩasɩ na ɩ a Zuda tẽw nãà a naalʋ-dɩb yome pie nɩ ata daar za n'a, a pɛr lɛ kɛ́ yome lɩzɛr'ɩ ata, a Sore ƴɛ̀r a ɩ̃ zie, ɩ̃ɩ ƴɛ̀rɛ a ʋ ƴɛ̀rʋ kʋ̀rɛ nyɩ bɛ tɛr bàlʋ daar ɛ, ɛ́ nyɩ bɛ bɛr wõ ɩ.

Zeremi 11:8

Ɛcɛ bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tu n a bɛ pʋ-tɩɛr-faar. Lɛ n'a ɩ̃ tɩ ɩ a wõ-taa ƴɛ̀r-bie ɩ̃ na tɩ ƴãw nʋɔr kɛ́ bɛ tuur, ɛ́ bɛ bɛ tu a, a lo a bɛ zu.»

Zeremi 6:17

Ɩ̃ ƴãw nɩ zi-gùrbɛ kɛ́ bɛ tʋ̃ɔ́ mɩ́ yel à ŋá kʋ̀ bɛ: Nyɩmɛ wa wõ a ɩɩl a, nyɩɩm cɛlɛ be! Ɛcɛ bɛ yel'a: “Tɩ kʋ̃ cɛlɛ be ɩ.”

Ɩzayi 48:4

Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

2 Bibie za yel-manɩ 33:10

A Sore tɩ ƴɛ̀r'ɩ a Manase nɩ a ʋ nɩ-bʋʋrɛ zie, ɛcɛ nɩr za bɛ tɩ cɛlɩ be ɩ.

2 Na-mɩnɛ 17:14

Ɛcɛ a nɩbɛ bɛ ŋa bɛ tɩ bɛr wõ ɩ. Bɛ tɩ kpãa nɩ tobr mɛ̃ a bɛ sãàkʋm-kore na bɛ tɩ sàw de a Sore bɛ Naaŋmɩn a.

Ɩzayi 5:4

Bʋ̃ʋ n'ʋ ɩ̃ nãá tʋ̃ɔ́ lɛb ɩ a ɩ̃ divɛ̃ tɩɩr púo ƴãw ɛ́ bɛ ɩ? Ɩ̃ tɩ gùre nɩ wɔ̃-vɩɛlɩ a ʋ zie, bʋ̃ʋ n'ʋ so ʋ wa wɔ̃ wɔ̃-faar?

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 6:10

Anʋ zie n'a a fɛr k'ɩ̃ɩ ƴɛ̀r? Ã-mɩnɛ nɛbɛ a fɛr k'ɩ̃ɩ yel a yel kʋ̀ bɛ bɛr wõ m? A bɛ tobe kpar'a kʋ̃ tʋ̃ɔ́ cɛlɛ be ɩ. A Sore ƴɛ̀rʋ a, bɛ tobr bɛ ka ʋ ƴãw ɛ, bɛ bɛ bɔbr ʋ ɛ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Ezekɩɛl 20:30

A na ɩ lɛ a, yel kʋ̀ a Ɩsɩrayɛl nɩbɛ a bom nɛ a mãa Sore Naaŋmɩn na yere a: Ŋmɩŋmɩn za n'a! Nyɩ ɩrɛ na mɛ̃ a nyɩ sãàkʋm-kore a, nyɩ ƴãwnɛ nɩ nyɩ tʋɔra dɛwr ɛ́ ɩrɛ pɔw-yɛm ɩb maalɛ nɩ a bɛ tɩb-faar faar.

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.

Malasɩ 3:7

Nyɩ bɛr'ɩ a ɩ̃ wulu, mɛ̃ a nyɩ sãàkʋm-kore a, nyɩ bɛ tu a ɩ. Nyɩ lɛb wa a ɩ̃ zie, ɩ̃ɩ na lɛb'a wa a nyɩ zie, mãa n'ʋ yere, a mãa, a Sore kpɛnʋ-za-sob. Ɛcɛ nyɩ sowre na: “Ŋmɩŋmɩn n'a tɩ na ɩ lɛb wa a fʋ zie?”

Wulu-ayi-sob 8:20

Nyɩmɛ bɛ wa wone a Sore nyɩ Naaŋmɩn ƴɛ̀rʋ a, nyɩ na baar'a, mɛ̃ a nɩ-bʋʋr-yoru bɛl a Sore na na ɩ bɛ baarɩ a nyɩ tab daar a.

1 Na-mɩnɛ 14:9

Fʋ maal'ɩ faa zuo a bɛlɩ dem za na de fʋ niwn a: fʋ nyɩl'ɩ kure maal'ɩ ŋmɩn-yoru dasuli, ƴãw a ɩ̃ suur ìr, ɛ́ a mãa fʋ zawrɩ mɛ̃ bɛr.

1 Na-mɩnɛ 14:22

A Zuda dɔwlʋ nɩbɛ tɩ ɩ n a lɛ na bɛ vɩɛl a, a Sore zie. Bɛ tɩ sãw nɩ a ʋ suur nɩ a bɛ yel-bebe, zuo a lɛ a bɛ sãàkʋm-kore na tɩ ɩ a.

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

2 Bibie za yel-manɩ 33:23

Ɛcɛ ʋ bɛ sàw a ʋ sãwna a Sore niŋé ɩ, mɛ̃ a lɛ a ʋ sãà Manase na tɩ ɩ a. Ʋ nɩ̃ɛ na maalɩ yel-bebe yaga yaga zuo ʋ.

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 9:13

Bɛ tu n a bɛl mɩŋa tɩɛrʋ tɛwr pùor, nɩ a Báàl mɩnɛ puoru pùor a bɛ sãà mɩnɛ na tɩ mili nɩ bɛ a.

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Ezekɩɛl 12:2

«A fʋ̃ʋ nɩsaal bie, fʋ kpɩɛr'ɩ nɩ-bʋʋr-gaarɩ sɔgɔ! Bɛ tɛr'ɩ mimie nyɛ́b ƴãw, ɛ́ bɛ nyɛrɛ ɩ. Bɛ tɛr'ɩ tobe wob ƴãw, ɛ́ bɛ wone ɩ. Sɩza, nɩ-bʋʋr-gaarɩ nɛbɛ!

Ezekɩɛl 12:3

A na ɩ lɛ a, fʋ̃ʋ nɩsaal bie e, cɔbrɩ nɩ-diw-cena kɔr, ɛ́ yi cere diw-cenu zie a bɛ mimirí. Yi a zie nɛ fʋ na kpɩɛr a tu zi-yũo a bɛ mimirí. Kapaw, bɛ na sàw na kɛ́ bɛ ɩ n nɩ-bʋʋr-gaarɩ.

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»