Zeremi 7:24 - A SƐB-SÕW

²⁴ Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Zeremi 7:24 Referans Kwoze

Zeremi 8:5

Ɛ́ bʋ̃ʋ n'ʋ so a Zerizalɛm nɩbɛ na tuli a sɔ́r a, cãà zawrɩ a ɩ̃ tub? A nɩbɛ bɔbr'ɩ a bɛ ŋmɩn-bɛlɛbɛlɛ á ŋá tuotuo, bɛ zawr'a na lɛb wa a ɩ̃ zie.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Wulu-ayi-sob 29:19

a Sore kʋ̃ sàw dɩ suur kʋ̀ ʋ ɛ. A ʋ suur nɩ a ʋ nyuur na ír'ɩ a nɩr ŋa ƴãw. Ʋ na ɩ na a ŋmɛ-ƴãw na be a sɛbɛ ŋa pʋɔ a páw ʋ. Ʋ na ɩ na a ʋ yúor bɛ cãà pore a tẽw zu ɛ.

Ezekɩɛl 20:13

Ɛcɛ a Ɩsɩrayɛl nɩbɛ tɩ ìr'ɩ a ɩ̃ ƴãw a wɛja-kpalɛ pʋɔ. Bɛ bɛ sàw a ɩ̃ wulu ɛ, bɛ zawr'ɩ a ɩ̃ nɛ́ɛ bɛr. Ɛcɛ a kʋ̀rɛ nɩ nyɔ-vʋʋrʋ a bɛlɩ dem na sàwr a a. Gb'aa yaga za a, bɛ tɩ ɩ n a pɩ̃ɛnʋ-bibir la. Tɩɛrʋ tɩ lɛb'a wa m k'ɩ̃ɩ bɛr a ɩ̃ su-yãyaar ʋ ìr a bɛ ƴãw ɛ́ kʋ bɛ.

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

A naaŋmɩn-ƴèr-manɛ Oze sɛbɛ 4:16

A Ɩsɩrayɛl tɩ tõ n zu-kpɛ̃w tome mɛ̃ na-kʋ́ɔra bɛ na ƴãwnɛ dàa a nyũumɩ́ ʋ bɛ sàwr a. Bʋnʋ ƴãw n'a a Sore na kaarɛ bɛ zie mɛ̃ píir bɛ na kparɛ cere nɩ dʋn mʋ̃ɔ 'wɔbrʋ zie a?

Ezekɩɛl 20:21

Ɛcɛ a bɛ bibiir mɩ̀ tɩ ìr'ɩ a ɩ̃ ƴãw. Bɛ bɛ tɩ sàw a ɩ̃ wulu ɛ, bɛ bɛ tɩ tu a ɩ̃ tub ɛ. Ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na sàwr a a. Bɛ tɩ jewr'ɩ a pɩ̃ɛnʋ-bibir. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a wɛja-kpalɛ pʋɔ.

Ezekɩɛl 20:8

Ɛcɛ a nyɩ sãàkʋm-kore tɩ ìr'ɩ a ɩ̃ ƴãw, ɛ́ bɛ tɩ bɔbr kɛ́ bɛ bɛr wõ m ɛ. Kãw za bɛ tɩ bɛr a ŋmɩn-faar faar jɩ́rʋ ɛ, ɛ́ kãw za bɛ tɩ jɛ a Eziptɩ tẽw dem tɩbɛ bɛr ɛ. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a Eziptɩ tẽw tɔr za pʋɔ.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Ezekɩɛl 20:16

Alɛ n'a so ɩ̃ kõ a nʋɔr ŋa: bɛ bɛ ŋmɛlɩ kaa a ɩ̃ nɛ́ɛ ɩ, bɛ bɛ tu a ɩ̃ wulu ɛ, bɛ ɩ n a pɩ̃ɛnʋ-bibir la. Bʋ̃ʋ n'ʋ vɛ̃, a bɛ socie tɩ cãà na tu a ŋmɩn-bɛlɛbɛlɛ bɛ lɛb pùor ɛ.

Zeremi 23:17

Bɛ mɩ́ nyɔw nɩ nyãa ɛ́ yel kʋ̀ a bɛlɩ dem na ɩrɛ mɛ̃ laar a à ŋá: “A Sore yel'a: A yele za na ɩ n vla a nyɩ zie!” Ɛ́ yel a bɛlɩ dem na tuur a bɛl mɩŋa pʋ-tɩɛrʋ tɛwr a: “Faa kʋ̃ páw nyɩ ɛ.”

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

Zeremi 13:11

A Sore yere na: Mɛ̃ a lɛ nɩr na mɩ́ sɛ kpàwr a ʋ sɩɛmɩ́ a, lɛ n'a mãa nɩ a Ɩsɩrayɛl nɩ a Zuda nɩbɛ tɩ 'lẽ taa. Ɩ̃ tɩ bɔbr'a kɛ́ bɛ ɩ a ɩ̃ nɩbɛ, bɛ ɩ a ɩ̃ yúor ʋ yi, bɛ ɩ ɩ̃ nyɛrɛ ƴãwfʋ, bɛ ɩ a ɩ̃ dɛpaal-bom. Ɛcɛ bɛ bɛ bɛr wõ m ɛ.»

Zeremi 16:12

Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Zeremi 18:10

Ɛcɛ a nɩ-bʋʋrɛ bɛ ŋa bɛ wa bɛr wõ mɛ̃, ɛ́ maalɩ a lɛ na bɛ vɩɛl a ɩ̃ zie a, ɩ̃ mɩ́ lɛb'a bɛr a vla ɩ̃ na tɩ yel k'ɩ̃ɩ na maalɩ bɛ na a.

Zeremi 18:12

Ɛcɛ bɛ na sɔw na: «Fʋ bàlɛ nɩ fʋ tʋɔra! Tɩ na ɩ n a lɛ tɩ na yel a, tɩ na tuur'ɩ a tɩ tɩɛr-faar.»

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

A naaŋmɩn-ƴèr-manɛ Oze sɛbɛ 10:6

Bɛ mɩ̀ na nyɔw nɩ a nadele cen nɩ Asiiri, tɩ kʋ̀ a na-kpɛ̃ɛ, lɛ n'a a Efarayim na nyɛ̃ vĩ, ɛ́ a kpɛ a Ɩsɩrayɛl, ʋ na lãw nɩ a nɩbɛ bɛ ŋa a.

Mise 6:16

Nyɩ tuur'ɩ a nãà Omiri nɩ a ʋ bidɛb Akab yir ɩ-faar nɛ́ɛ. A bɛ wulu n'a nyɩ tuur. A lɛ n'a so ɩ̃ na ɩ a nyɩ tẽw ʋ lo, ɛ́ ɩ a nyɩɩm na kpɩɛr a ʋ pʋɔ a, nyɩ ɩ nɩ-ɩ-laarɩ. Ɛ́ nyɩ na nyɛ̃ nɩ a vĩ ʋl a ɩ̃ nɩ-bʋʋrɛ na nyɛ̃ a.»

Sɛb-sõw yielu 81:13

Lɛ n'a ɩ̃ tɩ bɛr bɛ, bɛ ɩrɛ a bɛ zu-kpɛ̃w ɩb. Bɛ ɩrɛ a lɛ bɛ na bɔbr a!

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.