Zeremi 7:23 - A SƐB-SÕW

²³ À ŋá tɛwr'a ɩ̃ tɩ yel bɛ: “Nyɩ bɛrɛ wone a lɛ ɩ̃ na yere kʋ̀rɛ nyɩ a, ɩ̃ɩ na ɩ n Naaŋmɩn a nyɩ zie, ɛ́ nyɩ ɩ a ɩ̃ nɩbɛ. Nyɩ tuur a sɔ́r ʋl ɩ̃ na wule nyɩ a vla, ɛ́ nyɩ na wone nɩ nʋ̃ɔ̀.”

Zeremi 7:23 Referans Kwoze

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Wulu-ayi-sob 5:33

A sɔ́r a Sore nyɩ Naaŋmɩn na wul nyɩ a, nyɩ cere a ʋ zu kʋralɛ. Lɛ n'a nyɩ na vʋʋrɛ, ɛ́ a nyɩ nyɔ-vʋʋrʋ wõwme ɛ́ nʋmɛ a tẽw nyɩ na na de so a pʋɔ.

Zeremi 42:6

Tɩ tone fʋ na kɛ́ fʋ tɩ sowri a Sore tɩ Naaŋmɩn. Tɩ na ɩ n a lɛ ʋ na na yel kʋ̀ tɩ a, a nʋmɛ nɩ a tɩ zie bɩɩ a bɛ nʋmɛ a tɩ zie a. Lɛ n'a bom za na ɩ vla a tɩ zie, tɩ na na bɛr wõ a Sore tɩ Naaŋmɩn a ƴãw.»

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Wulu-ayi-sob 6:3

Ɩsɩrayɛl nɩbɛ ɛ, nyɩ bɛrɛ wone a nɛ-ƴãwnɩ á ŋá, ɛ́ ƴãw fãw tuur a. Lɛ n'a nyɩ na wone nʋ̃ɔ̀, ɛ́ yɛ̀r ɩ nɩ-bʋʋr-yaga yaga a tẽw ŋa bʋ̀rʋ nɩ sɩwr na gbɔlɛ a pʋɔ, mɛ̃ a lɛ a Sore, a nyɩ sãàkʋm-kore Naaŋmɩn, na yel kʋ̀ nyɩ a.

Wulu-ayi-sob 30:20

Nyɩ nɔnɛ a Sore nyɩ Naaŋmɩn, wone a ʋ ƴɛ̀rʋ, ɛ́ tu ʋ. À ŋá n'a nyɩ na vʋʋrɛ, ɛ́ kpɛ a tẽw a Sore na pɔ yel k'ʋʋ na kʋ̀ n a nyɩ sãàkʋm-kore Abraham, Ɩzaakɩ nɩ Zakɔb a, cɛlɩ.

Wulu-ayi-sob 13:4

nyɩɩm taa bɛrɛ wone a lɛ ʋ na yere kʋ̀rɛ nyɩ a ɩ. Bʋ̃ʋ n'ʋ vɛ̃, a Sore nyɩ Naaŋmɩn n'ʋ na ɩrɛ nyɩ kaar a lɛ, k'ʋʋ nyɛ̃, nyɩ nɔnɛ ʋ na nɩ a nyɩ pʋɔ za nɩ a nyɩ sɩ́ɛ za bɩɩ.

Zeremi 11:4

A koro za a, ɩ̃ tɩ ɩ na a nyɩ sãàkʋm-kore yi a Eziptɩ tẽw pʋɔ, bɛ yi a vũu-tʋl-kpãkpã na na tʋ̃ɔ́ nyɩl kure a pʋɔ. A lɛn daar a, ɩ̃ tɩ kʋ̀ bɛ nɩ a wõ-taa ŋa baarɩ. Ɩ̃ tɩ yel bɛ na: Nyɩ bɛrɛ wone a ɩ̃ ƴɛ̀rʋ, ɛ́ sàwr a mɛ̃ a lɛ ɩ̃ na yere kʋ̀rɛ nyɩ a. A lɛn daar a, nyɩ na ɩ n a ɩ̃ nɩbɛ, ɩ̃ɩ ɩ a nyɩ Naaŋmɩn.

Wulu-ayi-sob 5:29

Bɛlɛ ɩ mɛ̃ bɛ ƴãw nɩ fãw zɔrɛ mɛ̃ ɛ́ sàwr a ɩ̃ nɛ-ƴãwnɩ za a, bɛlɛ nɩ a bɛ bʋʋrɛ na nyɛrɛ nɩ nʋ̃ɔ̀ a pʋɔ kʋralɛ.

2 Korɛ̃tɩ 10:5

tɩ mɩ́ tʋ̃ɔ́ nɩ fãw za na zɛwr ʋ tʋɔra bɛ sàwr kɛ́ bɛ bãw a Naaŋmɩn a ɩ. Tɩ mɩ́ tʋ̃ɔ́ nɩ nɩsaal tɩɛrʋ za, a ɩ mɛ̃ gaso pʋɔ n'a tɩ nyɔw ʋ ƴãw a, kɛ́ tɩ ɩ ʋ sàwr a Kɩrɩta nʋɔr.

Wulu-ayi-sob 30:2

Nyɩ na lɛb'a wa a ʋ zie, nyɩɩm nɩ a nyɩ bʋʋrɛ, nyɩ na bɛrɛ na wone a ʋ ƴɛ̀rʋ nɩ a nyɩ pʋɔ za, nɩ a nyɩ sɩ́ɛ za, ɛ́ nyɩ na tuur'ɩ a nɛ-ƴãwnɩ za ɩ̃ na kʋ̀rɛ nyɩ a dɩ̃a a.

Zeremi 11:7

A lɛn daar, ɩ̃ tɩ kpaalɩ bɛ nɩ kpɛ̃w kpɛ̃w za. Lɛ mɩ̀ n'a ɩ̃ ƴãw nũu kpaalɛ nɩ a nyɩɩm mɩ̀, yere nɩ: Nyɩ bɛrɛ wone a lɛ ɩ̃ na yere kʋ̀rɛ nyɩ a.”

Wulu-ayi-sob 30:8

A nyɩɩm a, nyɩ na lɛb'a bɛrɛ wone a Sore ƴɛ̀rʋ, nyɩ na sàwr'ɩ a ʋ nɛ-ƴãwnɩ za ɩ̃ na kʋ̀rɛ nyɩ a dɩ̃a a.

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

Wulu-ayi-sob 4:10

Nyɩ lɛb tɩɛrɩ a bibir ʋl nyɩ na tɩ àr a Sore nyɩ Naaŋmɩn niŋé, a Orɛb tãgɛ̃́ a. A Sore tɩ yel mɛ̃ na: «Bʋɔlɩ a nɩbɛ za ɓã taa a ɩ̃ zie, ɩ̃ bɔbr'a k'ɩ̃ɩ kʋ̀ bɛ a ɩ̃ nɛ-ƴãwnɩ, kɛ̀ bɛ zanɛ a ɩ zɔba lɛn daar za bɛ na na be a tẽw zu a, ɛ́ mɩ̀ zanɛ nɩ ʋ a bɛ bibiir.»

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Wulu-ayi-sob 11:27

A na ɩ n a maalʋ nyɩmɛ wa sàwr a nɛ-ƴãwnɩ a Sore nyɩ Naaŋmɩn na ƴãw ɩ̃ kʋ̀rɛ nyɩ a dɩ̃a a.

Wulu-ayi-sob 5:16

Ƴãwnɛ a fʋ sãà nɩ a fʋ mã, mɛ̃ a lɛ ɩ̃ na yel kʋ̀ b a, tʋ̃ɔ́ vʋʋrɩ cɛlɩ ɛ́ wone nʋ̃ɔ̀ a tẽw, a mãa Sore fʋ Naaŋmɩn na kʋ̀rɛ fʋ a pʋɔ.

Eziptɩ tẽw yib 16:32

A Moyiir tɩ yel'a: «Nyɛ̃ a lɛ a Sore na yel a: “Nyɩ de bom, ɩ a mãan paalɩ bin a nyɩ bʋʋrɛ ƴãw, bɛ tʋ̃ɔ́ nyɛ̃ a dipɛ̃ ʋl ɩ̃ na guol'ɩ nyɩ a wɛja-kpalɛ pʋɔ, a lɛn daar ɩ̃ na ɩ nyɩ yi a Eziptɩ a.”»

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.

Sɛb-sõw yielu 40:6

Sore ɩ̃ Naaŋmɩn i, a fʋ nɔ-ɓãa-yele tɛr'ɩ tɛwr ɩ? Fʋ bɛ tɛr fʋ tɔ ɩ! A yele fʋ na tɩɛrɩ ɛ́ maalɩ a tɩ ƴãw a, tɛr'ɩ tɛwr ɩ? A yãwmɛ na zuo ɩ̃ na na tʋ̃ɔ́ manɩ a za a, ɩ̃ na na tʋ̃ɔ́ yel a za a!

Sɛb-sõw yielu 81:13

Lɛ n'a ɩ̃ tɩ bɛr bɛ, bɛ ɩrɛ a bɛ zu-kpɛ̃w ɩb. Bɛ ɩrɛ a lɛ bɛ na bɔbr a!

Ɩzayi 3:10

Nyɩ na tʋ̃ɔ́ na yel: a nɩ-mɩŋa tɛr'ɩ zu-nʋ̃ɔ̀, bʋ̃ʋ n'ʋ vɛ̃, ʋ na nyɛ̃ nɩ a ʋ ɩ-ɩrɩ maalʋ.

Zeremi 13:11

A Sore yere na: Mɛ̃ a lɛ nɩr na mɩ́ sɛ kpàwr a ʋ sɩɛmɩ́ a, lɛ n'a mãa nɩ a Ɩsɩrayɛl nɩ a Zuda nɩbɛ tɩ 'lẽ taa. Ɩ̃ tɩ bɔbr'a kɛ́ bɛ ɩ a ɩ̃ nɩbɛ, bɛ ɩ a ɩ̃ yúor ʋ yi, bɛ ɩ ɩ̃ nyɛrɛ ƴãwfʋ, bɛ ɩ a ɩ̃ dɛpaal-bom. Ɛcɛ bɛ bɛ bɛr wõ m ɛ.»

Zeremi 22:3

À ŋá n'a a Sore yere: nyɩ ɩrɛ a lɛ-na-tu-sɔr-a, ɛ́ tuur a mɩnʋ. Nyɩ ta dɔwrɛ ɛ́ ta ɩrɛ a kpɩɛr a nʋʋrɩ, a bi-kpebe nɩ a pɔw-kɔbɛ ɩ. Nyɩ ta cãà kʋrɛ nɩbɛ na bɛ tɛr sãwna a, a zie ŋa pʋɔ ɩ.

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 38:20

Ɛcɛ, a Zeremi tɩ sɔw na: «Bɛ kʋ̃ de fʋ ƴãw a bɛ nuru pʋɔ ɩ. Bɛrɛ wone a lɛ ɩ̃ na yere kʋ̀rɛ fʋ a Sore yúor ƴãw a, ɛ́ a yele za na ɩ n vla, ɛ́ fʋ na cãà na vʋʋrɛ.

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

Zakari 6:15

Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.

Zakari 7:7

A dãwdãw za a, a Naaŋmɩn tɩ ƴãw na a ƴɛ̀r-manbɛ ƴɛ̀r a ƴɛ̀rʋ á ŋá taabɛ. A lɛn daar a, a Zerizalɛm tẽw dem nɩ a tẽ-bɛrɛ na jil koli ʋ a nɩbɛ tɩ tɛr'ɩ ƴã-ɓaarʋ, ɛ́ nɩbɛ kpɩɛr a Negɛɛvʋ nɩ a Ba-Peyi vuo pʋɔ.

Wulu-ayi-sob 4:40

Nyɩ sàwr a ʋ wulu nɩ a ʋ nɛ-ƴãwnɩ ɩ̃ na kʋ̀rɛ nyɩ a dɩ̃a a. Lɛ n'a a nyɩɩm nɩ a nyɩ bʋʋrɛ a pùorí, nyɩ na kpɛ a tẽw a Sore nyɩ Naaŋmɩn na kʋ̀rɛ nyɩ a baarɩ a cɛlɩ.

Wulu-ayi-sob 13:5

A Sore nyɩ Naaŋmɩn yõ n'ʋ nyɩ na tuur, ʋlɛ n'ʋ nyɩ na zɔrɛ, a ʋ nɛ-ƴãwnɩ n'a nyɩ na sàwr. Ʋlɛ n'ʋ nyɩ na bɛrɛ wone, ʋl tome n'a nyɩ na tone, ʋlɛ n'ʋ nyɩ na tu.

A Zɔb sɛbɛ 36:11

Bɛlɛ wa bɛrɛ wone ɛ́ sàw a Naaŋmɩn so bɛ a, a bibie nɩ a yome na cɛ bɛ a, bɛ na baarɩ a nɩ nʋ̃ɔ̀-kpɛ̃ɛ pʋɔ.

Sɛb-sõw yielu 119:3

Bɛ bɛ maalɛ yel-faa kãw za ɩ, bɛ mɩ́ tuur'ɩ a ʋ sɛ́ɛ.

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.