Zeremi 6:8 - A SƐB-SÕW

⁸ «Zerizalɛm i, sàw de a wulu! Alɛ bɛ ɩ lɛ, ɩ̃ kʋ̃ cãà lãw nɩ fʋ ɛ, ɩ̃ɩ na ɩ na fʋ lɩɛbɩ tẽ-kpalɛ, tẽw nɩr na bɛ kpɩɛr a.»

Zeremi 6:8 Referans Kwoze

A naaŋmɩn-ƴèr-manɛ Oze sɛbɛ 9:12

Bɛlɛ saa guole bibiir a, bɛ kʋ̃ mɩ́ ta nɩbɛ sɛr ɛ, ɩ̃ɩ ír bɛ a bɛ zie. Mãa dɛ wa ŋmɛlɛ kpaar cɔwr bɛ a, baw-bio páw bɛ na.

Ezekɩɛl 23:18

Ʋ tõ n pɔw-yɛm tome a nɩbɛ za niŋé, ʋ wul'ɩ a ʋ ƴã-gã-kpãkpol. Lɛ n'a ɩ̃ tĩ jewre ʋ mɛ̃ ɩ̃ na tɩ jewri a ʋ yɛb a.

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Sofoni 3:7

Ɩ̃ tɩ tɩɛr'ɩ ɩ̃ pʋɔ: ƴɛrɛŋa a, a tẽw na ƴãwnɛ mɛ̃ na, ʋ na sàw nɩ a ɩ̃ kpãàfʋ. Lɛ n'a ɩ̃ kʋ̃ ŋmɛr ʋ bɛr, a tu a lɛ ɩ̃ na tɩ nyɛ̃ a suur, fuw ʋ a ɩ. Ɛcɛ a ʋ nɩbɛ mɩ́ pawr'ɩ a yel-faa maalʋ tɛwr ƴãw.

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Sɛb-sõw yielu 50:17

fʋ̃ʋ na bɛ bɔbr kɛ́ bɛ wule fʋ, ɛ́ mɩ́ de a ɩ̃ ƴɛ̀rʋ sɔ kpaar a?

Zeremi 31:19

Sɩza, tɩ cen na zãá nɩ fʋ, ɛcɛ ƴɛrɛŋa a, tɩ ciire nɩ a tɩ sãwna. Fʋ ɩ na tɩ bãw a tɩ sãwna pɛr, ɛ́ ƴɛrɛŋa a, tɩ wore a na. A tɩ yúor sãw na ɛ́ vĩ nyɔw tɩ. Tɩ bɛ ɩ vla a tɩ pɔ̀lʋ daarɩ́ ɛ, a lɛb lo a tɩ zu.”»

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Zeremi 7:34

A Zuda tẽ-bɛrɛ pʋɔ nɩ a Zerizalɛm tẽw sɛ́ɛ zu a, ɩ̃ na ɩ na a cuwr gɔmɛ, a nʋ̃ɔ̀ cɛlsɩ nɩ a dɛb-sãan nɩ a pɔw-sãan yielu tɛw, bʋ̃ʋ n'ʋ vɛ̃, a tẽw na ɩ n deboru gã.»

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zʋkpaɩ 4:13

Tɛr a wulu bɛ na wul fʋ a kpɛ̃w kpɛ̃w za, taa zawrɛ ʋ bɛrɛ ɩ. Maal tɛr ʋ, ʋ ɩ n a fʋ nyɔ-vʋʋrʋ.

Sɛb-sõw yielu 94:12

Sore e, zu-nʋ̃ɔ̀ sob'ɩ a sob nɛ fʋ na mɩ́ kpãa a, a fʋ wulu na mɩ́ ɩ k'ʋ zanɩ yã a.

Sɛb-sõw yielu 2:10

Ƴɛrɛŋa a, nyɩɩm na-mɩnɛ ɛ, nyɩ zanɩ yã, tẽ-daa ƴɛ̀r-dɩrbɛ ɛ, nyɩ sàw bɛ wul nyɩ.

Wulu-ayi-sob 32:29

Bɛlɛ tɩ ɩ yã-bãwnbɛ a, bɛ nãá bãw nɩ a pɛr, bɛ nãá bãw nɩ be à á ŋá za na wɩɛr'ɩ bɛ a.

Levitɩ mɩnɛ 26:34

Lɛ n'a a yome al nyɩ na na be a nyɩ dɔ̃ dem ten pʋɔ a, a nyɩ tẽsɔwr nyɩ na cen kɛ́ bɛr a na pɩ̃ɛnɩ, yáa a zɩ̃-pɩ̃ɛnʋ voru al nyɩ na bɛ tɩ sàw tu a san.

Zeremi 7:28

A na ɩ à ŋá a, fʋ na yel bɛ na: “Nyɩ ɩ n a nɩ-bʋʋrɛ bɛl na bɛ bɛrɛ wone a Sore bɛ Naaŋmɩn a, nɩ-bʋʋrɛ na zawrɛ a ʋ wulu bɛrɛ a. A nyɩ zie a, a yel-mɩŋa kpi na, nɩr za bɛ cãà pore a ʋ yúor ɛ.”»

Zʋkpaɩ 19:20

Bɛrɛ wone a yã bɛ na wule fʋ a, sàwr a kpãàfʋ, ɛ́ fʋ nãà wa lɩɛb'ɩ yã-bãwnɛ.

A naaŋmɩn-ƴèr-manɛ Oze sɛbɛ 2:5

Alɛ bɛ ɩ lɛ, ɩ̃ na yàa nɩ a ʋ bʋ̃-suuri ɛ́ bɛr ʋ ƴã-gã-kpãkpol, ɩ̃ na ɩ na ʋ ŋmɛ̃ mɛ̃ a ʋ dɔwfʋ bibir a! Ɩ̃ na ɩ na ʋ ŋmɛ̃ taa nɩ a wɛja-kpalɛ, ɩ̃ na ɩ na ʋ lɩɛbɩ tẽsɔw-kõw, ɩ̃ na ɩ na ʋ kpi n kʋ̃ɔ-nyúur.»