Zeremi 6:7 - A SƐB-SÕW

⁷ Ʋ mɩ́ ɩ na a ʋ faalʋ tɛbr yire mɛ̃ bul-nʋɔr na mɩ́ ɩ a ʋ kʋ̃ɔ a tɛbr yire a. A ʋ zie a, po-to-fãw-ɩb nɩ sãw-bɛrʋ tɛwr ƴɛ̀rʋ n'a bɛ ƴɛ̀rɛ. Wʋ̀ʋr nɩ ɩ-k'a-kpɛ tɛwr'a ɩ̃ nyɛrɛ kʋralɛ.

Zeremi 6:7 Referans Kwoze

Ezekɩɛl 7:23

Maalɩ bãzɔlɛ, bʋ̃ʋ n'ʋ vɛ̃, nɩ-kʋrbɛ paal'ɩ a tẽw, ɛ́ a tẽ-kpɛ̃ɛ ɩ po-to-fãw-ɩb tɛwr.

Ezekɩɛl 7:11

A po-to-fãw-ɩb ɩ na mɛ̃ dabɔl na zɛw k'ʋʋ ŋmɛ a. Bom kʋ̃ cãà cɛ nyɩ ɛ, bom kʋ̃ cãà cɛ a nyɩ naalʋ pʋɔ ɩ, bom kʋ̃ cãà cɛ a nyɩ yãwmʋ pʋɔ ɩ, bom kʋ̃ cãà cɛ a nyɩ yúor na yi a pʋɔ ɩ.

Zeremi 20:8

Kʋralɛ alɛ wa fɛr k'ɩ̃ɩ ƴɛ̀r a, a mɩ́ fɛr'a k'ɩ̃ɩ cɩɩrɛ yere: «Po-to-fãw-ɩb nɩ sãw-bɛrʋ!» A Sore ƴɛ̀rʋ zũú a, a nɩbɛ tʋʋr mɛ̃ na ɛ́ ɩrɛ mɛ̃ laar bibie za.

Ɩzayi 57:20

Ɛcɛ a nɩ-faar ɩ na mɛ̃ kʋ̃ɔ-kpɛ̃ɛ na damnɛ a, na kʋ̃ tʋ̃ɔ́ gã zoom a, ɛ́ a kʋ̃ɔ-mie tuore a mɛ̃mɛrɛ nɩ a sagɛ ìre nɩ a.

Ezekɩɛl 24:7

A zɩ̃ɩ a Zerizalɛm na ɩ a cir a cãà na be a tẽ-kpɛ̃ɛ pʋɔ. Kʋsɛ-kpálɛ zu n'a bɛ ɩ a cir, a tẽsɔw bɛ nyũ a ɩ, ɛ́ nɩr bɛ ga tanɛ pàw a ɩ.

Zʋkpaɩ 4:23

Piwre a fʋ socir gãw bom za, bʋ̃ʋ n'ʋ vɛ̃, ʋlɛ n'ɩ a nyɔ-vʋʋrʋ yib zie.

Zeremi 30:12

À ŋá n'a a Sore yere: «Zerizalɛm i, a fʋ bàalʋ bɛ tɛr tɩ̃ɩ ɛ, a fʋ natɩr kʋ̃ tʋ̃ɔ́ sanɩ ɛ.

Zeremi 30:13

Nɩr za bɛ tu a fʋ yele pùor ɛ. Bɛ mɩ́ tʋ̃ɔ́ na sanɩ a natɩɛ, ɛcɛ a fʋ̃ʋ dem ƴãw a, tɩ̃ɩ bɛ ka be ɩ.

Zeremi 32:31

A Zerizalɛm tẽ-kpɛ̃ɛ ŋa ɩ n a ɩ̃ su-yãyaar ʋ ìr, a na tĩ a lɛn daar bɛ na mɛ ʋ wa tɩ tɔ a dɩ̃a a. Alɛ n'a so ɩ̃ bɛ lɛb bɔbr k'ɩ̃ɩ nyɛ̃ ʋ a ɩ̃ niŋé ɩ.

Ezekɩɛl 45:9

À ŋá n'a a Sore Naaŋmɩn yere: «Ɩsɩrayɛl na-mɩnɛ ɛ, a man nɩ lɛ! Nyɩ bɛr a po-to-fãw-ɩb nɩ a bome fab. Nyɩ sàwr a lɛ-na-tu-sɔr-a nɩ a mɩnʋ, nyɩ bɛr a ɩ̃ nɩ-bʋʋrɛ na-bome zub lɛ! A mãa Sore Naaŋmɩn n'ʋ ƴãw a nʋɔr kʋ̀ nyɩ!

Ɩzayi 1:6

A gbɛ́ɛ tɩ tɔ a zu a, zie za bɛ cɛ ɩ. Wʋlɛ n'ɩ a ziir za, ŋmɩɛrʋ ziir na sãá a nɩ na-tɩ-zɩɩr nɩr za na bɛ pɛ́w a, na bɛ 'lẽ a, na bɛ ɩ kãá sɔ a.

Zeremi 8:22

Kãá na mɩ́ ɩ a 'wɔbrʋ siwri a bɛ cãà a Galaadɩ tẽw pʋɔ bɩɩ? Tɩ̃ɩ-ɩrɛ bɛ cãà a be bɩɩ? Bʋ̃ʋ n'ʋ so a ɩ̃ nɩbɛ wʋ̀ʋr kʋ̃ tʋ̃ɔ́ baarɩ mɔ̃?

Zeremi 30:15

Bʋ̃ʋ n'ʋ so fʋ kone nɩ a fʋ bàalʋ, fʋ kone a fʋ natɩr na bɛ tɛr sanʋ a ƴãw? A fʋ ɩ-faar na bɛ tɛr nʋɔr a, nɩ a fʋ sãwna na yãwmɛ a zũú n'a ɩ̃ ɩ b à à ŋá.

Ezekɩɛl 21:29

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ nyɩ: Nyɩ ƴãw na ɩ̃ tɩ́ɛrɛ a nyɩ sãwna kʋralɛ, a nyɩ nʋɔr-bɛ-sàwfʋ na bɛ tɛr bʋnʋ a zũú. A nyɩ ɩb za pʋɔ a, nyɩ mɩ́ wul'a kɛ́ nyɩ ɩ n sãwna dem. À à ŋá a, nyɩ na bɛ ɩ bɛ yiiri nyɩ bɛr a, nyɩ na lo n a dɔ̃ sob nuru pʋɔ!

Sofoni 3:1

'Woi! Tẽ-kpɛ̃ɛ-gaara a, tẽ-kpɛ̃ɛ-dɛwr na paalɩ po-to-fãw dem a!