Zeremi 50:46 - A SƐB-SÕW

⁴⁶ A yel na wa yi kɛ́ bɛ de nɩ a Babɩlɔn tẽw a, a tẽsɔw damnɛ na, cɛlsɩ ŋmɩɛr'ɩ a ten za pʋɔ.

Zeremi 50:46 Referans Kwoze

Zeremi 49:21

A bɛ loba gɔmɛ ɩ na a tẽsɔw dam, ɛ́ a bɛ cɛlsɩ yire tɩ tarɛ a Bàa-kɛkɛɛ kʋ̃ɔ-kpɛ̃ɛ́.

Ezekɩɛl 31:16

A lɛn daar ɩ̃ na na ƴãw a tɩɛ ŋa ʋ siw a kpɩmɛ tẽw nɩ a bɛl na be a yaa-bɔw pʋɔ a, a nɩ-bʋʋrɛ na na wõ ʋ lo a na màwr'ɩ dɛ̃bɩ̃-mawfʋ. A tẽw pʋ̃ɔmɩ a, a Edɛn tɩɩr za, a Libã tẽw tɩ-vɩɛlɩ vɩɛlɩ nɩ a tɩɩr al bɛ na cɔ̀r vla zuo a za a na cɩlɛ na.

Ezekɩɛl 26:18

Ƴɛrɛŋa a, a kʋ̃ɔ-kpɛ̃ɛ nʋɔr nɩ-bʋʋrɛ màwr'a fʋ na bɛ cãà a zũú, a bɛlɩ dem na kpɩɛr a kʋ̃ɔ-kpɛ̃ɛ-sɔgɔ-ten pʋɔ a, pʋl-vʋ̃ɔ tɛr bɛ na, fʋ na bɔr a zũú.”

Ezekɩɛl 32:10

A fʋ̃ʋ zũú a, nɩ-bʋʋr-yaga na tɛr'ɩ pʋ-sãwna. Dɛ̃bɩ̃ɛ na nyɔw nɩ a bɛ na-mɩnɛ ɩ̃ nãà wa zɛw a ɩ̃ zɛbr-sɔ-kpɛ̃ɛ a bɛ niŋé a. A fʋ loba bibir a, bɛ kʋ̃ bɛr a mawfʋ ɛ, ŋa za na mɩ́ zɔrɛ nɩ dɛ̃bɩ̃ɛ a ʋ nyɔ-vʋʋrʋ ƴãw.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Ɩzayi 15:5

Ɩ̃ kone nɩ a Mowab ƴãw. A ʋ nɩbɛ na zɔrɛ a zɔ na tɩ sãá Sowaar, tɩ sãá Egilatɩ-Selisiya. A nɩbɛ dúor'ɩ a Luhitɩ dob zie kone nɩ, bɛ ŋmɩɛr'ɩ cɛlsɩ na ɩrɛ nɩbaalʋ a, a Horonayim sɔ́r zu.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 46:12

A nɩ-bʋʋrɛ wõ n a fʋ vĩ, bʋ̃ʋ n'ʋ vɛ̃, a fʋ kon yi n a ziir za. A gãdaa zɔ na ŋmɛ gãdaa, bɛ dẽderi tɩ lo a bɛ za ayi.

Zeremi 51:29

A tẽsɔw màwr'a, ʋ màwr'ɩ dɛ̃bɩ̃-mawfʋ a lɛn daar a Sore na tuur a lɛ ʋ na tɩɛrɩ a Babɩlɔn tẽw ƴãw a: ʋ ɩrɛ na a Babɩlɔn tẽw lɩɛbɛ wɛja-kpalɛ na ɩrɛ nɩbaalʋ a, tẽw nɩr za na bɛ cãà kpɩɛr a.

Zeremi 51:54

Cɛlsɩ ŋmɩɛr'ɩ a Babɩlɔn tẽw pʋɔ, zie na sãw faa faa a gɔmɛ yire nɩ a tẽw ŋa pʋɔ.

Ezekɩɛl 27:28

A fʋ gbor-duwrbɛ na mɩ́ wa ŋmɩɛr cɛlsɩ a, a bɛlɩ dem na kpɩɛr a kʋ̃ɔ-kpɛ̃ɛ nʋɔr a mɩ́ màwr'a.

Zeremi 49:19

A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»