Zeremi 50:42 - A SƐB-SÕW

⁴² A bɛ zɛbr-nɩbɛ tɛrɩ tamɛ nɩ kafine, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ gɔmɛ a. Bɛ zɔm'ɩ wie, bɛ pɩɛrɩ na tu taa vla vla kɛ́ bɛ zɛb'ɩ fʋ, Babɩlɔn i.

Zeremi 50:42 Referans Kwoze

Ɩzayi 5:30

Ɛcɛ bibir kãw a, a saa na tanɩ nɩ a nɩ-bʋʋrɛ bɛ ŋa ƴãw, mɛ̃ a lɛ a saa-sɛsɛb na mɩ́ wa cɛ̀r a kʋ̃ɔ-kpɛ̃ɛ ɩrɛ gɔmɛ a. Bɛ na mɩ́ jɩ́r'ɩ a tẽw, ɛcɛ lige nɩ kpɩɛrʋ n'a na pili pàw ʋ. Zũzu-sɛblɛ na ɩ na a bibir liw.

Zeremi 47:3

Tɩ wone nɩ a wie na panɛ a tẽsɔw nɩ a nafɩlɛ a, a bɛ zɛbr-torkori damnɛ na, a gbɛ́ɛ ɩrɛ nɩ gɔmɛ bɛ dɩ vuo ɩ. A ɩ n a lɛ, a sãà mɩnɛ kanyir za baarɩ, bɛ bɛ cãà kaarɛ a bɛ bibiir zie ɩ.

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Yel-wula 16:6

Bɛ na cir a fʋ nɩbɛ nɩ a fʋ ƴɛ̀r-manbɛ zɩ̃ɩ a, zɩ̃ɩ n'a fʋ mɩ̀ kʋ̀ bɛ kɛ́ bɛ nyúur. Bɛ tɛr'ɩ!»

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Zeremi 50:14

Nyɩɩm za, tam-tɛbrbɛ ɛ, nyɩ wa pɩɛrɩ zɛbr pɩɛrʋ jil koli a Babɩlɔn tẽw. Nyɩ tɛbr ʋ! Nyɩ ta gbɔb a pime tɛr ɛ! Bʋ̃ʋ n'ʋ vɛ̃, ʋ maal'ɩ yel-bier sãw a Sore.

Ɩzayi 14:6

na tɩ ŋmɩɛr a nɩbɛ kʋralɛ ŋmɛ-tʋlʋ tʋlʋ a, na mɩ́ tɩ tʋ̃ɔ́ a nɩ-bʋʋr-yoru nɩ suur a, ɛ́ dɔwrɛ bɛ bɛ zʋmnɛ nɩ a.

Ɩzayi 5:28

A bɛ pime kàr'a, a bɛ tamɛ za dúor'a. A bɛ wie nafɩlɛ kpɛmɛ na mɛ̃ kʋsɛ-cɩlsɩ a, ɛ́ a bɛ zɛbr-torkori gbɛ́ɛ lɩɛbɛ mɛ̃ sɛsɛb-pɩl a.

Sɛb-sõw yielu 74:20

Cɛlɛ a fʋ wõ-taa zie! Bʋ̃ʋ n'ʋ vɛ̃, nɩbɛ paal'ɩ a tẽw ziir al na liw a, kɛ́ bɛ tʋ̃ɔ́ tone po-to-fãw tome.

Sɛb-sõw yielu 46:6

Naaŋmɩn be n a ʋ pʋɔ, ʋ bɛ damnɛ damnʋ ɛ: a zie wa vɩɛrɛ wa báarɛ a, Naaŋmɩn mɩ́ sõw ʋ na.

Ɩzayi 47:1

A Sore yere na: «Babɩlɔn tẽ-kpɛ̃ɛ ɛ, siw a fʋ naalʋ-dà-kɔw zu zɩ̃ a tanɛ pʋɔ. Lɛ n'a, zɩ̃ a tẽsɔw, Babɩlɔn tẽw dem tẽ-kpɛ̃ɛ ɛ. Bɛ kʋ̃ cãà bʋɔlɛ fʋ “Babɩlɔn na pɔl a” ɩ, “Babɩlɔn nʋ̃ɔ̀-wone” ɩ.

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Zeremi 50:9

Bʋ̃ʋ n'ʋ vɛ̃, ɩ̃ na ɩ na tẽ-bɛrɛ na ɓã taa a, ìr, ɩ̃ɩ ƴãw a cen tɩ zɛb'ɩ a Babɩlɔn tẽw. A nɩbɛ bɛ ŋa na yi n saa-pɛrɩ́-gʋba-lowr wa, wa pɩɛrɩ a zɛbr pɩɛrʋ a ʋ ƴãw, zɛb de ʋ. A bɛ pime bɛ nyɩrɛ bom ɛ, mɛ̃ gãdaa na bɛ lɛbr waar nũ-zawl a.

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

Ezekɩɛl 26:3

A na ɩ à ŋá a, a mãa Sore Naaŋmɩn yere na: Ɩ̃ waar'ɩ a fʋ ƴãw, Tɩ́ɩ̀r tẽw i. Ɩ̃ na ɩ n nɩ-bʋʋr-yaga ìr a fʋ ƴãw mɛ̃ kʋ̃ɔ-kpɛ̃ɛ na mɩ́ ɩ a ʋ kʋ̃ɔ mie ìr a.

Zowɛl 2:5

A ɩ na mɛ̃ zɛbr-torkori na vàrɛ lʋɔrɛ a tan ɩrɛ gɔmɛ a, mɛ̃ vũu na dɩrɛ mɔ̃-kon a ɩrɛ gɔmɛ a, mɛ̃ nɩ-bʋʋrɛ na kpɛmɛ ɛ́ pɩɛrɩ a zɛbr ƴãw a.