Zeremi 50:2 - A SƐB-SÕW

² «Nyɩ yel a yel ŋa kʋ̀ a nɩ-bʋʋrɛ za, nyɩ bà bãwfʋ bom ɩ kɛ̀ bɛ bãw ʋ, nyɩ ɩ bɛ bãw ʋ, nyɩ taa sɔwlɛ bom za ɩ. Nyɩ yel: Bɛ zɛb'a de a Babɩlɔn tẽw, vĩ nyɔw nɩ a ʋ ŋmɩmɛ dasuli, a ʋ tɩbɛ kanyir za baar'a. Vĩ nyɔw nɩ a Bɛl, a ŋmɩn Maardukɩ kanyir za baar'a.

Zeremi 50:2 Referans Kwoze

Ɩzayi 46:1

A ŋmɩn Bɛl gũu na, a ŋmɩn Nebo lo na. Bɛ de nɩ a dasuli tuo dʋn. A bome bɛ na mɩ́ tɩ tuo cɔrɩ cere nɩ a, alɛ n'ɩ a ŋan lɩɛbɩ tuor, to-tɩbrʋ dʋn na bàl a ƴãw.

Ɩzayi 21:9

Nyɩ cɛlɛ be! Nɩr'ʋ waar. Ʋ be n zɛbr-torko wie ayi na tawr a zu. Ʋ de nɩ a ƴɛ̀rʋ yel: “A Babɩlɔn tẽw lo na, a Babɩlɔn tẽw lo na! A ʋ ŋmɩmɛ dasuli za gã nɩ tẽw, a kar kar a gã.”»

Zeremi 51:47

Bibie waar'a ɩ̃ na ìr a Babɩlɔn tẽw tɩbɛ ƴãw, vĩ na nyɔw nɩ a tẽw za. A kũuni za na gã gã nɩ a tẽ-kpɛ̃ɛ pʋɔ.

Zeremi 51:44

A Sore yere na: «Ɩ̃ na ìr'ɩ a Bɛl, a Babɩlɔn tẽw ŋmɩn ƴãw. A bom ʋl ʋ na vɔlɛ a, ɩ̃ na ír ʋ nɩ a ʋ nʋɔrɩ́. A nɩ-bʋʋrɛ kʋ̃ cãà darɛ taa cere a ʋ zie ɩ. A dacĩ-kpɛ̃ɛ na piw a Babɩlɔn tẽ-kpɛ̃ɛ a lo na.

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Zeremi 52:31

A Zuda tẽw nãà, Yoyakin, bɛ na tɩ diw cen nɩ a maalɩ yome lɩzɛr'ɩ pie nɩ ayopõi a n'a, a Ewil-Merodakɩ tɩ lɩɛbɩ a Babɩlɔn tẽw nãà. A ʋlɩ yũon nɛ cuwr pie nɩ ayi sob, bibie lɩzɛr'ɩ ayopõi sob'a ʋ tɩ ɩ pʋ-pɩɛlʋ ɩb a Yoyakin zie, ɩ k'ʋ yi a gaso pʋɔ.

Zeremi 51:52

A Sore yere na: «Alɛ n'a so, bibie waar ɩ̃ na ìr a Babɩlɔn tẽw tɩbɛ ƴãw. A ʋ tẽw za pʋɔ a, bɛ na wone nɩ a nɩbɛ bɛ na ƴãw a bàalʋ bɛ na kpi a kon.

Zeremi 51:31

A nɩbɛ bɛ na tõ a zɔrɛ na lɩɛrɛ taa kɛ́ bɛ tɩ yel kʋ̀ a Babɩlɔn tẽw nãà: «Bɛ zɛb'a de a tẽ-kpɛ̃ɛ ʋ za,

Zeremi 51:8

Bɛ wa bere na a Babɩlɔn lo, lo ŋmɛr yàarɩ. «Nyɩ kone ʋ! Nyɩ ɩ kãá sɔ a ʋ natɩɛ, kapaw ʋ na sanɩ na.»

Zeremi 50:46

A yel na wa yi kɛ́ bɛ de nɩ a Babɩlɔn tẽw a, a tẽsɔw damnɛ na, cɛlsɩ ŋmɩɛr'ɩ a ten za pʋɔ.

Zeremi 46:14

«Nyɩ yel a yel a Eziptɩ tẽw pʋɔ, nyɩ ɩ bɛ bãw ʋ a Migɩdɔl, a Mɛmfisɩ nɩ a Dafine tẽ-bɛrɛ pʋɔ. Nyɩ yel bɛ: “Nyɩ ìr! Nyɩ cɔbrɩ a zɛbr ƴãw!” A zɛbr kʋ n a bɛlɩ dem na viiri koli nyɩ a baarɩ!

Zeremi 31:10

Nɩ-bʋʋr-yoru u, nyɩ bɛrɛ wone a Sore ƴɛ̀rʋ! Nyɩ hieri ʋ a kʋ̃ɔ-kpɛ̃ɛ-sɔgɔ-ten na zãá a pʋɔ. Nyɩ yel: «A Sore tɩ diw nɩ a Ɩsɩrayɛl yaarɩ, ɛcɛ ƴɛrɛŋa a, ʋ lɛb'a ɓanɛ bɛ taa ɛ́ gùre bɛ mɛ̃ dʋ̃-cɩ̃ɩnɛ na gùre ʋ dʋn a.»

Zeremi 6:18

A lɛ pʋɔ a, nɩ-bʋʋr-yoru nɩbɛ ɛ, nyɩ bɛrɛ wone. Nyɩ za, nyɩ bãw a ʋlɩ bom nɛ na na ta bɛ a.

Zeremi 4:16

Nyɩ ɩ a nɩ-bʋʋrɛ za bãwnɩ a, nyɩ yel a yel kʋ̀ a Zerizalɛm: A dɔ̃ dem pɩɛlɛ na, bɛ yi n tẽ-zãána waar, bɛ ŋmɩɛr'ɩ a zɛbr cɛlsɩ a Zuda tẽ-bɛrɛ ƴãw.

Ɩzayi 48:6

Nyɩ wõ n a ʋlɩ bom nɛ ɩ̃ na tɩ yel a, ɛ́ nyɩ nyɛ̃ na k'ʋʋ maal'a. Nyɩ mɩ̀ kʋ̃ nyɛ̃ ʋ bãw ɛ? A na tĩ a ƴɛrɛŋa a, ɩ̃ yere nɩ yel-paalɛ na na ɩ a. Ɩ̃ bɛr a nɩ sɛr ɛ́ nyɩ bɛ bãw a ɩ.

Ɩzayi 39:1

A ʋlɩ daar nɛ a, a Babɩlɔn tẽw nãà, Merodakɩ-Baladan, na ɩ Baladan bidɛb a, tɩ wõ na k'aa Ezekɩasɩ tɩ lo n bàalʋ ɛ́ lɛb ìr. Lɛ n'a ʋ tɩ tõ nɩbɛ a ʋ zie nɩ sɛb-tʋɔla nɩ bʋ̃-kʋ̀ra.

Ɩzayi 37:19

Bɛ lɔb'ɩ a bɛ ŋmɩmɛ ƴãw vũumí. A na bɛ tɩ ɩ a Naaŋmɩn a ƴãw, ɛ́ ɩ nɩsaalbɛ nuru bʋ̃-maalɩ, dàar nɩ kʋsɛbɛ a, alɛ n'a so a Asiiri tẽw na-mɩnɛ sãw a bɛr.

Ɩzayi 13:2

A Sore yere na: «Nyɩ zɛw bãwfʋ tã-kpalɛ zu. Nyɩ lɔbr nʋ̃ɔ̀ cɛlsɩ yere kʋ̀rɛ a zɛbr-nɩbɛ. Nyɩ wul bɛ nɩ a nũu, bɛ tu a nɩ-yée dɩ̃dɛɛ ƴãw kpɛ.

Ɩzayi 12:4

A ʋlɩ bibir nɛ a, nyɩ na yere na: «Nyɩ puore a Sore barka, nyɩ hiere a ʋ yúor, nyɩ manɛ a ʋ tome a nɩ-bʋʋrɛ sɔgɔ, nyɩ lɛb yel a ʋ yúor na ɩ kpɛ̃ɛ a.

Sɛb-sõw yielu 96:3

Nyɩ manɛ a ʋ yúor-vɩɛlʋ-danʋ a nɩ-bʋʋr-yoru sɔgɔ, nyɩ manɛ a ʋ nɔ-ɓã-yel-maalɩ a nɩ-bʋʋrɛ za sɔgɔ.

Sɛb-sõw yielu 64:9

ʋ ɩ na a bɛ ƴɛ̀rʋ lɛb ŋmɛlɩ nyɔw bɛ. Nɩr za na mɩ́ nyɛ̃ bɛ a, mɩ́ gɔwrɛ nɩ zu.

Sɛb-sõw yielu 97:7

Bɛlɩ dem za na maalɛ a tɩbɛ a, bɛlɛ so vĩ, bɛlɩ dem na mɩ́ ɩrɛ ƴãwn a bʋ̃-zawlɛ á ŋá ƴãw a. A ŋmɩmɛ za, a lo gbĩ dume a Sore niŋé!

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Zeremi 4:6

Nyɩ zɛw bãwfʋ bom ʋ sãá a Sɩyɔ̃ tẽw lowr! Nyɩ cen tɩ sɔwlɩ! Nyɩ taa tɛwr àrɛ sɔ́r zu ɛ! Bʋ̃ʋ n'ʋ vɛ̃, ɩ̃ na ɩ na faa yi a saa-pɛrɩ́-gʋba-lowr waar, kpɩɛrʋ kpɛ̃ɛ n'ʋ.

Zeremi 51:12

Nyɩ zɛw a dɩrapo a zɛbr tib ƴãw, a Babɩlɔn tẽw dacĩ-bɛrɛ ŋmɛr bɛ́rʋ ƴãw. Nyɩ ɩ a sojarɩ yãwmɛ dɔwlɩ, a ziir bɛ na gùre a pʋɔ. Nyɩ ƴãw zi-piwrbɛ! Nyɩ sɔwlɩ nɩbɛ a zɛbr ƴãw! À à ŋá n'a a Sore maalɛ a lɛ ʋ na tɩɛrɩ bin a, a ʋlɩ bom nɛ ʋ na yel a Babɩlɔn tẽw dem ƴãw a.

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

Zeremi 10:11

Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.