Zeremi 5:21 - A SƐB-SÕW

²¹ Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Zeremi 5:21 Referans Kwoze

Ezekɩɛl 12:2

«A fʋ̃ʋ nɩsaal bie, fʋ kpɩɛr'ɩ nɩ-bʋʋr-gaarɩ sɔgɔ! Bɛ tɛr'ɩ mimie nyɛ́b ƴãw, ɛ́ bɛ nyɛrɛ ɩ. Bɛ tɛr'ɩ tobe wob ƴãw, ɛ́ bɛ wone ɩ. Sɩza, nɩ-bʋʋr-gaarɩ nɛbɛ!

Nɩ-toni 28:26

“Cen tɩ páw a nɩ-bʋʋrɛ bɛ ŋa yel bɛ: nyɩ na mɩ́ wone na ɛ́ kʋ̃ bãw a pɛr ɛ. Nyɩ na mɩ́ jɩ́rɛ na ɛ́ kʋ̃ nyɛ̃ bom ɛ.

Ʋrɔm 11:8

mɛ̃ a Sɛb-sõw na yere a: «Wa tɩ tɔ a dɩ̃a bibir a, Naaŋmɩn ɩ na a bɛ tɩɛrʋ ʋ gbini, ʋ ƴãw bɛ nɩ mimie kɛ́ bɛ ta nyɛrɛ nɩ ɛ, ƴãw bɛ tobe kɛ́ bɛ ta wone nɩ ɛ.»

Zã 12:40

«Naaŋmɩn ɩ na bɛ zɔ̃w, ʋʋ ɩ a bɛ socie kpawlɩ, kɛ́ bɛ ta tʋ̃ɔ́ nyɛ̃ nɩ a bɛ mimie ɩ, kɛ́ bɛ ta tʋ̃ɔ́ bãw a pɛr ɛ, kɛ́ bɛ ta tʋ̃ɔ́ lɩɛbɩ a bɛ ɩb ɛ, ʋ ta tʋ̃ɔ́ sanɩ bɛ ɩ.»

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Markɩ 8:18

Nyɩ tɛr'ɩ mimie, nyɩ bɛ nyɛrɛ ɩ? Nyɩ tɛr'ɩ tobe, nyɩ bɛ wone ɩ? Nyɩ tɩɛrɩ nyɛ̃,

Zeremi 8:7

A gʋ̃ɔnagʋ̃ɔna tɛɛ za a salom zu, bãw nɩ a lɛn daar ʋ na mɩ́ yi zie ŋa cen tɩ kpɩɛr zie ŋa a. A ŋmam, a bɛlaarɛkule nɩ a tɩ̃ɩtɩ̃ɩ bãw nɩ a lɛb-waa daar. Ɛcɛ a ɩ̃ nɩbɛ bɛ bãw a tub al ɩ̃ na ƴãw a ɩ.”»

Zeremi 5:4

Ɩ̃ tɩɛr'ɩ ɩ̃ pʋɔ: «Nɩ-sãsaralɛ ɩb'ɩ à à ŋá, bɛ bɛ tɛr yã k'a sɛw ɛ, bʋ̃ʋ n'ʋ vɛ̃, bɛ bɛ bãw a Sore pʋ-tɩɛrʋ ɛ, nɩ ʋlɩ bom nɛ a bɛ Naaŋmɩn na bɔbr a ɩ.

Ɩzayi 44:18

A nɩbɛ bɛ ŋa bɛ bãw bom za ɩ, bɛ bɛ bãw bom za pɛr ɛ. Bʋ̃ʋ n'ʋ vɛ̃, dɛwr paal'ɩ a bɛ mimie bɛ bɛ cãà nyɛrɛ ɩ, a bɛ tɩɛrʋ ɩ n ŋmãa zuo bɛ kʋ̃ tʋ̃ɔ́ bãw bom pɛr ɛ.

Sɛb-sõw yielu 94:8

Nyɩ wone, nyɩɩm na gem tɩ maal zuo a! Dãbole bɛ ŋa, debor'a nyɩ na bãw a yã?

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Zʋkpaɩ 17:16

A libie yel-ɩra n'ɩ bo a dãbol sob nũú? K'ʋʋ tʋ̃ɔ́ páw nɩ yã-bãwfʋ bɩɩ? Ʋ gem'a zuo a al ƴãw!

Wulu-ayi-sob 32:6

Nɩ-bʋʋrɛ na bol ɛ́ bɛ bãw yã a, a ɩb'ɩ à ŋá nyɩ na ɩrɛ a Sore zie a? Ʋlɛ bɛ n'ɩ a nyɩ sãà, a nyɩ íre, a sob nɛ na ɩ nyɩ ɩ a ʋ nɩ-bʋʋrɛ a ɩ?

Wulu-ayi-sob 29:4

Ʋ ƴãw na nyɩ cen a wɛja-kpalɛ pʋɔ yome lɩz'a ayi: a nyɩ bʋ̃-suuri nɩ a nyɩ nafawr-ɓɛwlɩkɛl bɛ zaw ɛ.

A naaŋmɩn-ƴèr-manɛ Oze sɛbɛ 7:11

A Efarayim ŋmɛ̃ na mɛ̃ naŋmam na bɛ tɛr yã bɛ mɩ́ bɛlɩ nyɔw mɔlɛ lɛ a: ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ, ɛ́ mɩ́ zɔ cen Asiiri tẽw.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Markɩ 4:12

kɛ́ bɛ mɩ́ jɩ́rɛ ɛ́ ta nyɛ̃ bom ɛ, kɛ́ bɛ mɩ́ wone ɛ́ ta bãw a pɛr ɛ, bɛ nãà mab'a lɩɛbɩ a bɛ ɩb ɛ̀ Naaŋmɩn dɩ a bɛ yel-bebe suur kʋ̀ bɛ.»

Ʋrɔm 1:20

Bʋ̃ʋ n'ʋ vɛ̃, a tẽ-daa íru daar za a, a Naaŋmɩn mɩŋa vɩɛlʋ na sɔwlɩ a, a pɛr lɛ k'aa ʋ kpɛnʋ na be kʋralɛ a, nɩ a ʋ naaŋmɩnʋ, a sãá nɩ a ʋ tome pʋɔ a nɩsaal yã na tʋ̃ɔ́ bãw. A na ɩ lɛ a, bɛ kʋ̃ tʋ̃ɔ́ yel kɛ́ bɛ bɛ bãw kɛ́ lɛ n'a ɩ.

Ɩzayi 43:8

Bɛ ƴãw a nɩbɛ bɛ ŋa bɛ yi! Bɛ tɛr'ɩ mimie ɛ́ bɛ nyɛrɛ ɩ, bɛ tɛr'ɩ tobe ɛ́ bɛ wone ɩ.

Zeremi 5:20

A Sore yere na: «Nyɩ yel a yel ŋa kʋ̀ a Zakɔb bʋʋrɛ, nyɩ ɩ a Zuda nɩbɛ wõ ʋ.

Zeremi 6:10

Anʋ zie n'a a fɛr k'ɩ̃ɩ ƴɛ̀r? Ã-mɩnɛ nɛbɛ a fɛr k'ɩ̃ɩ yel a yel kʋ̀ bɛ bɛr wõ m? A bɛ tobe kpar'a kʋ̃ tʋ̃ɔ́ cɛlɛ be ɩ. A Sore ƴɛ̀rʋ a, bɛ tobr bɛ ka ʋ ƴãw ɛ, bɛ bɛ bɔbr ʋ ɛ.

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.

Wulu-ayi-sob 29:3

Ɛcɛ, wa tɩ tɔ dɩ̃a a, a Sore bɛ tɩ kʋ̀ nyɩ tɩɛrʋ na na tʋ̃ɔ́ bãw ʋlɩ bom nɛ na ɩrɛ a ɩ. Ʋ bɛ tɩ kʋ̀ nyɩ mimir na na tʋ̃ɔ́ nyɛ̃ a ɩ, nɩ tobe na na tʋ̃ɔ́ wõ a ɩ.

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.