Zeremi 49:37 - A SƐB-SÕW

³⁷ Ɩ̃ na ɩ na a Elam tẽw dem màwr a bɛ dɔ̃ dem niŋé, bɛ màwr a bɛlɩ dem na bɔbr a bɛ kũu a niŋé. A Sore n'ʋ yere: A ɩ̃ su-tʋlʋ kpãkpã pʋɔ a, ɩ̃ na ɩ na a kpɩɛrʋ páw bɛ. Ɩ̃ na ta na tu bɛ nɩ a zɛbr, ɛ́ gù ɩ̃ tɩ kʋ bɛ pàw pɛr.

Zeremi 49:37 Referans Kwoze

Zeremi 9:16

À ŋá n'a a Sore, a kpɛnʋ-za-sob yere. «Nyɩ bãwnɩ a pɔw-kõ-konbɛ bʋɔlʋ, nyɩ ƴãw bɛ wa! Nyɩ tõ bɛ tɩ bʋɔlɩ a bɛl na bãw kon vla vla a bɛ wa!

Zeremi 48:2

A Mowab tẽw yúor bɔr'a. Nɩbɛ tɩɛrɛ nɩ faa a Hɛsɩbon tẽw ƴãw, yere: “Tɩ cen! Tɩ ír a tẽ-kpɛ̃ɛ ŋa bɛr a nɩ-bʋʋrɛ sɔgɔ!” A fʋ̃ʋ mɩ̀ a, Madɩmɛn i, fʋ na lo na, bɛ na sãw fʋ na bɛr, a zɛbr ta na tu fʋ.

Ezekɩɛl 32:23

A bɛ yarʋ be n a kpɩmɛ tẽw pʋ̃ɔmɩ viiri koli a nãà yaa. Bɛ kʋ n bɛ za a zɛbr zie, bɛl na tɩ ɩrɛ a nɩ-vʋʋrɩ tẽw màwr dɛ̃bɩ̃-mawfʋ a.

Ezekɩɛl 12:14

Ɩ̃ na ɩ n a bɛlɩ dem za na jil koli ʋ a, a ʋ gùrbɛ nɩ a ʋ sojarɩ bɛ bʋnɩ cere a ziir za. Ɩ̃ɩ na diwr bɛ na nɩ a ɩ̃ zɛbr-sɔ-kpɛ̃ɛ.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Ezekɩɛl 5:2

Bɛlɛ wa zɛb de a Zerizalɛm baar'a, fʋ na nyɩw nɩ vũu pʋɔ a fʋ kɔblʋ na põ ziir ata a, a zi-been sob a tẽ-kpɛ̃ɛ sɔwlɩsɔw. Fʋ na de nɩ a fʋ zɛbr-sɔ-kpɛ̃ɛ ŋmɩɛr'ɩ a ziir ayi sob viire kole nɩ a tẽ-kpɛ̃ɛ. Fʋ na yɛ́lɩ nɩ a ziir ata sob bɛr sɛsɛb pʋɔ, ɛ́ mãa a, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ ƴãw.

Zeremi 50:36

Zɛbr, a lo a bɛ bàwr-bʋwrbɛ zu, ɩ bɛ bʋnɩ ƴɛ̀rɛ! Zɛbr, a lo a ʋ sojarɩ zu, ɩ a bɛ kanyir baarɩ!

Zeremi 49:29

Bɛ de a bɛ pɛnɛ-sɛwr nɩ a bɛ dʋn, a bɛ pɛn-yawlɩ nɩ a bɛ bome za! Bɛ diw a bɛ nyɔ̃wmɩ cen nɩ, ɛ́ lɔb cɛlsɩ a bɛ ƴãw à ŋá: “Pʋl-vʋ̃ɔ n'a a ziir za!”»

Zeremi 49:24

A Damasɩ tẽw dem kanyir baar'a, bɛ cɔbrɛ na kɛ́ bɛ zɔ. Bɛ màwr'ɩ dɛ̃bɩ̃-mawfʋ. Pʋl-vʋ̃ɔ nɩ 'wɔbrʋ tɛr bɛ na mɛ̃ pɔw na dɔwr a.

Zeremi 49:22

A dɔ̃ sob ɩ na mɛ̃ sidum na ƴaw do saa, ɛ́ tɩ yɛ́r a ʋ pɩgɛ laarɛ nɩ a Bɔsɩra tẽw zu-sɔw a. A ʋlɩ bibir nɛ a, a Edɔm tẽw zɛbr-nɩbɛ bɛl na kpɛ socir a, na tɛr'ɩ dɛ̃bɩ̃ɛ, mɛ̃ pɔw na dɔwr a.

Zeremi 49:5

A lɛ pʋɔ a, a Sore, a kpɛnʋ-za-sob, yere na: «Ɩ̃ na ɩ na kɛ̀ pʋl-vʋ̃ɔ wa a nyɩ zie, ʋ na yi n a ziir al za na viiri koli a pʋɔ. Bɛ na diw nɩ nyɩ za, ŋa mɩ́ tori niwn zɔrɛ, ɛ́ nɩr za kʋ̃ be be lɛb ɓã a bɛlɩ dem na zɔrɛ a taa ɩ.

Zeremi 48:39

Ɛ́ bʋnʋ yaa! A Mowab lo na! Nyɩ kone! Mowab lɩɛb'ɩ pùor, nyɛ̃ vĩ a! Ʋ ɩrɛ nɩ laarʋ nɩ pʋl-vʋ̃ɔ a ʋ sɩman dem za.

Zeremi 30:24

A Sore su-tʋlʋ kpãkpã bɛ ɓãanɛ, ʋlɛ bɛ wa maalɩ a lɛ ʋ na tɩɛrɩ a yele bin baarɩ a ɩ. Bibir kãw n'a nyɩ na bãw a pɛr.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

Zeremi 49:38

Ɩ̃ na ír'ɩ a nãà nɩ a ʋ tõ-tõ-bi-bɛrɛ bɛr a Elam tẽw pʋɔ, k'ɩ̃ɩ tʋ̃ɔ́ bin a ɩ̃ naalʋ-dà-kɔw a be.» À à ŋá n'a a Sore yel.

Zeremi 9:15

Ɩ̃ na diw bɛ na yaarɩ nɩ-bʋʋr-yoru sɔgɔ, a bɛl nɩ a bɛ sãà mɩnɛ na bɛ bãw a. Ɩ̃ na ɩ na a zɛbr ta tu bɛ tɩ kʋ bɛ pàw pɛr.»