Zeremi 47:4 - A SƐB-SÕW

⁴ Bʋnʋ ƴãw? Bom za sãw-bɛrʋ bibir na n'ʋ vɩɛ a Filisɩtɛ̃ mɩnɛ zie a ƴãw. Nɩr za bɛ cãà be na sõw a Tɩ́ɩ̀r nɩ a Sɩdɔ̃ tẽ-bɛrɛ ɩ. A Sore sãw nɩ bom za bɛr a Filisɩtɛ̃ mɩnɛ tẽw, a kʋ̃ɔ-kpɛ̃ɛ-sɔgɔ-tẽw Kafɩtɔɔr nɩbɛ bɛ ŋa na cãà vʋʋrɛ a.

Zeremi 47:4 Referans Kwoze

Amɔsɩ 9:7

À ŋá n'a a Sore yere: «Ɩsɩrayɛl nɩbɛ ɛ, nyɩ tɩɛr kɛ́ nyɩ zuo nɩ a Etiopi tẽw nɩbɛ a ɩ̃ niŋé e? Sɩza n'a, mãa bɛ n'ʋ tɛr nyɩ yi n a Eziptɩ tẽw, ɛ́ mɩ̀ tɛr a Filisɩtɛ̃ mɩnɛ yi n a Kafɩtɔɔr tẽw e? Mãa mɩ̀ bɛ n'ʋ lɛb tɛr a Aram tẽw dem yi n a Kɩ́ɩ̀r tẽw e?»

Ɩzayi 20:6

A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»

Wulu-ayi-sob 2:23

A Avitɩ mɩnɛ bɛl a, a ten al na be a Gaza vuo pʋɔ a n'a bɛ tɩ kpɩɛr. Ɛcɛ nɩbɛ tɩ yi n Kafɩtɔɔr wa kʋ bɛ pàw pɛr, ɛ́ lɩɛrɩ bɛ zɩ̃. —

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Ezekɩɛl 21:29

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ nyɩ: Nyɩ ƴãw na ɩ̃ tɩ́ɛrɛ a nyɩ sãwna kʋralɛ, a nyɩ nʋɔr-bɛ-sàwfʋ na bɛ tɛr bʋnʋ a zũú. A nyɩ ɩb za pʋɔ a, nyɩ mɩ́ wul'a kɛ́ nyɩ ɩ n sãwna dem. À à ŋá a, nyɩ na bɛ ɩ bɛ yiiri nyɩ bɛr a, nyɩ na lo n a dɔ̃ sob nuru pʋɔ!

Ezekɩɛl 21:25

A Babɩlɔn tẽw dem sojarɩ na tu n a sɔ́r kãw cen Araba, Amɔ̃ tẽw dem tẽ-kpɛ̃ɛ. Bɛ na tu n a sɔ́r ʋl cen a Zerizalɛm tẽ-kpɛ̃ɛ ʋl bɛ na gù vla a, a Zuda tẽw.

Ezekɩɛl 7:12

A daar ta na, a ƴɛ̀rʋ-dɩb pɩɛl'a. Sob nɛ na dàar a, ʋ ta cɩlɛ ɩ, sob nɛ na kʋɔrɛ a, ʋ ta tɛr pʋ-sãwna ɩ. Bʋ̃ʋ n'ʋ vɛ̃, ɩ̃ nyɛ̃ nɩ suur nɩ a nɩ-bʋʋrɛ za kpɛ̃lɛ̃kpɛ̃lɛ̃.

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Sɛb-sõw yielu 37:13

Ɛcɛ a Sore laar ʋ na, ʋ na nyɛ̃ a ʋ san-yaafʋ bibir ʋ tarɛ a ƴãw.

Luka 21:22

A alɩ bibie nɛ pʋɔ, a Naaŋmɩn na ɩ na kpɩɛrʋ páw a ʋ nɩ-bʋʋrɛ. Lɛ n'a a yele al za na sɛb a na tu.

Ezekɩɛl 30:8

A lɛn daar mãa wa nyɩw a tẽw za, ɛ́ a ʋ gùrbɛ lo tẽw a, lɛ n'a nɩr za na bãw kɛ́ mãa n'ɩ a Sore.

Ezekɩɛl 25:16

À à ŋá ƴãw a, nyɛ̃ a lɛ a mãa Sore Naaŋmɩn na yere a: Ɩ̃ na zɛw nɩ nũu a bɛ ƴãw. Ɩ̃ na kʋ n a Filisɩtɛ̃ mɩnɛ, a Kafɩtɔɔr nɩbɛ bɛ ŋa na zɩ̃ a kʋ̃ɔ-kpɛ̃ɛ nʋɔr a.

Ɩzayi 31:8

A Asiiri tẽw na lo na, ɛ́ a bɛ ɩ zɛbr-sɔ-kpɛ̃ɛ na ɩ nɩsaalbɛ dem a n'ʋ gɔr ʋ lɔb ɛ. A zɛbr-sɔ-kpɛ̃ɛ na na sãw ʋ bɛr a, bɛ ɩ nɩsaal zɛbr-sɔ-kpɛ̃ɛ ɩ. A Asiiri tẽw dem na zɔ n a ʋ niŋé, ɛ́ bɛ ƴãw a ʋ zɛbr-nɩ-pɔlɛ tone pɔ̃tɔrɩ tome.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

A Zɔb sɛbɛ 9:13

Naaŋmɩn bɛ nyɔwr a ʋ suur ɛ. A kʋ̃ɔ-kpɛ̃ɛ pʋɔ dʋ̃-bɩɩr, a Arahab nɩ a ʋ kpɛ-ta-dem gã nɩ a ʋ pile.

1 Bibie za yel-manɩ 1:12

Patʋrɔsɩ, Kasilua nɩ Kafɩtɔɔr nɩbɛ. A Kasilua nɩbɛ n'ɩ a Filisɩtɛ̃ mɩnɛ sãàkʋm-kore.

Zozue 22:30

A bàwr-maalɛ Pɩnasɩ nɩ a Ɩsɩrayɛl bʋʋrɛ nɩ-bɛrɛ nɩ a yie nɩ-bɛrɛ na tɩ wõ a ƴɛ̀r-bie á ŋá a Urubɛn dɔwlʋ nɩbɛ, a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ na tɩ ƴɛ̀r a, a tɩ sɛw bɛ na.

Yele-za-pɛr-tib 10:15

Kanãa tɩ dɔw nɩ Sɩdɔ̃, a ʋ bi-dãw, ɛ́ dɔw Hɛtɩ.

Ɩzayi 14:31

Tẽ-bɛrɛ dɩ̃dɛɛ ɛ, nyɩ kone! Nyɩɩm tẽ-bɛrɛ ɛ, nyɩ lɔbr cɛlsɩ! A Filisɩtɛ̃ tẽw za kanyir baar'a, bʋ̃ʋ n'ʋ vɛ̃, zʋ̀ʋ́r yi n a saa-pɛrɩ́-gʋba-lowr waar. A dɔ̃ dem zie a, nɩr bɛ tawr yire a zɛbr-nɩbɛ pʋɔ ɩrɛ ʋ yõ ɩ.