Zeremi 46:25 - A SƐB-SÕW

²⁵ A Sore, a kpɛnʋ-za-sob, a Ɩsɩrayɛl Naaŋmɩn, yere na: «Ɩ̃ na wa n a Tɛb tẽ-kpɛ̃ɛ ŋmɩn Amɔ̃ ƴãw, a Eziptɩ tẽw, a ʋ ŋmɩmɛ nɩ a ʋ na-mɩnɛ ƴãw, a Faarawɔ̃ nɩ a bɛlɩ dem na ƴãw a bɛ tɩɛrʋ a ʋ ƴãw a, ƴãw.

Zeremi 46:25 Referans Kwoze

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Eziptɩ tẽw yib 12:12

«Ɩ̃ na tɔl'ɩ a Eziptɩ tẽw pʋɔ a dɩ̃a tɩ̃ɩsɔw, kʋ a bʋ̃-dãw-dɔwrɩ za, a nɩsaalbɛ bi-dãw-dɔwrɩ lãwnɩ a dʋn bʋ̃-dãw-dɔwrɩ. À ŋá n'a a mãa, a Sore, ɩ̃ na dɔwrɩ a Eziptɩ tẽw ŋmɩmɛ.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Zeremi 44:30

Ɩ̃ na de nɩ a Eziptɩ tẽw nãà, a Faarawɔ̃ Hofɩra, ƴãw a ʋ dɔ̃ dem na bɔbr a ʋ kʋb a nuru pʋɔ, mɛ̃ a lɛ ɩ̃ na tɩ de a Zuda tẽw nãà, Sedesɩasɩ, ƴãw a ʋ dɔ̃ sob, a Babɩlɔn tẽw nãà, Nabikodonozɔɔr, na tɩ bɔbr a ʋ kʋb a, nuru pʋɔ a. A mãa, a Sore, mãa n'ʋ yel.»

Zeremi 49:3

Hɛsɩbon tẽw dem i, nyɩ kone kuor kon: «A Aɩ tẽ-kpɛ̃ɛ sãw na!» Araba tẽli-kpɔwlɩ i, nyɩ lɔbr cɛlsɩ bʋɔlɛ nɩ sõwfʋ! Nyɩ su vʋɔrɩ kparɩ, nyɩ yiele nɩbaal-yielu! Nyɩ cɔlɛ gʋɔr a ziir bɛ na mɛ dacine viiri koli a pʋɔ: bɛ íre nɩ a ŋmɩn Mɩlkɔm cere nɩ tẽ-yũo, ʋlɛ n'ɩ a ʋ bàwr-maalbɛ lãwnɩ a ʋ nɩ-bɛrɛ za.

Ezekɩɛl 30:22

A na ɩ à ŋá a, a mãa Sore Naaŋmɩn yere na: Ɩ̃ na ìr'ɩ a Eziptɩ tẽw nãà, Faarawɔ̃, ƴãw. Ɩ̃ na kár'ɩ a ʋ kpãkpamɛ a za ayi bɛr: a ʋl na kpɛmɛ a na ɩ na mɛ̃ a ʋl na faa ka a. Lɛ n'a ɩ̃ na ɩ a zɛbr-sɔ-kpɛ̃ɛ yi a ʋ nũú lo!